DƏNİZ EKOLOGİYASI
Dəniz çirklənməsinin müxtəlif tərifləri var. Olduqca əhatəli elmi bir dəniz çirklənməsi
tərifi 1970-ci ildə BMT tərəfindən reallaşdırılan ətraf çirklənməsi ilə əlaqədar
konfransda verilmişdir. Bu tərifə görə "dəniz çirklənməsi- dəniz mühitinə və bioloji
qaynaqlara zərər verəcək, insan sağlamlığına təhlükə yaradacaq, su məhsulları
istehsalını da ehtiva edən dənizdən iqtisadi faydalanma imkanlarını məhdudlaşdıracaq
və dənizin istirahət məqsədi ilə istifadə edilməsinə suyun keyfiyyətini pozaraq maneə
yaradacaq şəkildə insanlar tərəfindən birbaşa və ya dolayı yollarla maddə və enerji
buraxılması hadisəsidir". Başqa bir əhəmiyyətli dəniz çirklənməsi tərifi isə 2872 saylı
Ə
traf Mühit Qanununa əsaslanaraq Su Çirklənməsinə Nəzarət İdarəsi tərəfindən
verilən tərifdir. "Dəniz çirklənməsi- dəniz qaynaqlarının kimyəvi, fiziki, bakteriyoloji,
radyoaktif və ekoloji xüsusiyyətlərinin mənfi istiqamətdə dəyişməsi formasında
müşahidə edilən və birbaşa ya da bilavasitə olaraq bioloji qaynaqlarda, insan
sağlamlığında, balıqçılıqda, dəniz suyunun keyfiyyətində və dəniz suyunun digər
məqsədlərlə istifadə edilməsində maneə törədici pozulmalar yaradacaq maddə və ya
enerji tullantılarının boşaldılmasıdır."
Dənizlərdə canlı həyatının kəmiyyətcə və növcə get-gedə azalması, şəhər, sənaye və
ə
kinçilik tullantılarından qaynaqlanan dəniz çirkliliyinin artması sahil
qurulaşmalarının genişlənməsi və həddindən artıq çox ovlanmanın əhəmiyyətli
nəticəsidir. Müxtəlif yollardan meydana gələn dəniz çirkliliyi təbii qaynaqların
davamlılığı və insanların gələcəyi baxımından böyük önəm daşıyır. Sənaye, dəniz
nəqliyyatı, şəhərləşmə, turizm və tullantıların boşaldılması ilə yanaşı baş verən dəniz
qəzaları ilə də hər keçən gün dənizlər daha sürətlə çirklənməyə başlamışdır.
Dənizlərin istifadə sahələrindən biri, çirklilik əmələ gətirən deşarjlar üçün bir alıcı
mühit olaraq istifadə edilməsidir. Bu çirklənmə dəniz sahilindəki məskunlaşma yerləri
və sənayelərdən birbaşa ötürülə bildiyi kimi, axar sular, yağış suları və hava çirkliliyi
ilə də daha uzaq bölgələrə daşıma yoluyla yarana bilər. Bununla yanaşı, neft və neft
məhsullarının geniş bir şəkildə çıxarılıb istifadə edilməsi, istifadə nəticəsində edilən
deşarjlar, dəniz daşıması və qəzalar dənizlərin çirklənməsində əhəmiyyətli rol
oynayır.
Dəniz çirklənməsi insan tərəfindən birbaşa və ya bilavasitə olaraq dəniz ətrafına
buraxılan maddə (tullantılar daxil) və enerji mənasını verməkdədir. Dənizdəki bioloji
həyatın məhsuldarlığı və davamlılığı suda oksigen, istilik miqdarı və su istiliyinə
bağlıdır. Bu üç fiziki qismi təyin edən ən kritik qisim isə səthin ilk millimetrləridir.
Bu bölgənin əhəmiyyətini bu şəkildə açıqlaya bilərik:
www.behruzmelikov.com
Sudaki oksigenin böyük hissəsi birbaşa atmosferdən gəlir. Atmosferdəki oksigen
miqdarının sudaki oksigendən daha çox olması səbəbi ilə yavaş-yavaş atmosferdəki
oksigen dəniz suyu içində həll edilir və axıntılar vasitəsilə dənizin müxtəlif
dərinliklərinə yayılır. Bu atmosfer ilə dəniz arasındakı oksigen mübadiləsi isə dəniz
səthində reallaşır. Sudakı qida zəncirinin ən alt təbəqəsi olan zooplanktonlar və
fitoplanktonlar fotosintez ilə qidalanır. Fotosintez üçün ən lazımlı elementlərdən biri
isə günəş işığıdır. Dənizə düşən günəş işığının önünə nə qədər az baryer çıxarsa,
günəş işığı o qədər dərinə enə bilər. Yəni dəniz səthi nə qədər aydın və təmiz olsa,
günəş işığı da o qədər dərin bölgəyə çata bilər.
Dəniz suyu istiliyi də ekotarazlıq baxımından çox əhəmiyyətli bir ünsürdür. Dəniz
suyu istiliyini həm günəş işığından, həm də atmosferdən alır. Atmosferlə təmas edən
dəniz səthi atmosferin istiliyini özünə çəkir. Bu istilik mübadiləsinin miqdarı isə dəniz
səthinin ilk millimetrlərindəki təmizliyə bağlıdır. Dənizlərdəki çirklənmə ən çox dəniz
səthində müşahidə olunur. Yuxarıda açıqlanan səbəblərlə bu bölgədə görülən
həddindən artıq çox çirklənmə dənizlərin soyuma tutumunu zəiflətməkdə və beləliklə
də hava və günəş ilə təmas etməyən dənizdə ekotarazlıq pozulmaqdadır.
Beləcə dənizlərin gələcəkdəki potensialı itirilməkdədir. Bunların nəticəsi olaraq, həyat
qaynaqları və balıqçılıq kimi dəniz fəaliyyətləri zərər görməkdə, insan sağlamlığı
təhlükə altına düşməkdə, istifadə edilən dəniz suyunun keyfiyyəti pozulmaqda və
dəniz canlı növləri azalmaqdadır.
DƏNİZLƏRDƏ ÇİRKLƏNMƏNİN MƏNBƏLƏRİ:
Dəniz sahilləri boyunca qurulmuş məskunlaşma mərkəzləri və sənaye təsisatları
Dənizlərdə qurulmuş platforma və boru xəttləri
Məişət tullantıları- zibillər, arıdılmadan axar sulara, dənizlərə tökülən
kanalizasiya və çirkab suları
Sənaye tullantıları- kimyəvi çirklədicilər, pestisidler, zəhərli qaz tullantıları,
tozlar vs.
Elektrik istehsalı məqsədiylə qurulan nüvə stansiyaları
Limanlar və balıqçı sığınacaqları
Eroziya
Neftdən qaynaqlanan çirklənmələr
Gəmilər vasitəsilə daşınan balast sularında olan xarici sulara aid canlılar və
kimyəvi çirklədicilər
Sənədsiz və qeyri-qanuni sahələrdən qum çəkilməsi
Qəzalar
www.behruzmelikov.com
Həddindən artıq və şüursuzca ovlanma
"GMO"- Genetik strukturları dəyişdirilən yabanı növlər (yosun,
fito/zooplankton vs.)
İ
stehsal fermaları
Atmosfer qaynaqlı çirklənmələr- toz, turşu yağışları, tüstü, hava nəqliyyat
vasitəsilərinin tullantıları vs.
GƏMİLƏRDƏN MEYDANA GƏLƏN ÇİRKLƏNMƏLƏR:
Neft məhsulları
Radyoaktiv maddələr
Kütlə halında daşınan zəhərli mayelər
Paket halında və ya daşına bilən tanklarda, yük konteynerlərində, vaqonlarda
daşınan zərərli maddələr
Gəmilərin balast və tank yuma suları
Gəmi qaynaqlı məişət tullantı suları
Gəmilərin zibilləri
Limanlarda yükləmə, boşaltma və təmizlik əməliyyatları
QƏZA NƏTİCƏSİNDƏ MEYDANA GƏLƏN DƏNİZ ÇİRKLƏNMƏSİ:
Dənizlərdə gəmilərlə aparılan nəqliyyat və yük daşınması dəniz qəzalarının meydana
gəlməsinə səbəb olur. Xüsusən də dəniz və dəniz canlıları üçün təhlükə yarada biləcək
yükləri daşıyan gəmilərin qəzaya uğraması geniş və təsirli çirklənməyə yol açır.
Dəniz çirklənməsinə səbəb olan ən əhəmiyyətli maddələrdən biri də maye yanacaqdır.
Dənizlərə maye yanacaq əsasən gəmilərdəki qaçaqlardan axır. Bu qaçaqlar az
miqdarda olduqları üçün ümumiyyətlə ekosistemdə çox ciddi bir problemə gətirib
çıxarmır. Hələ çox yaxşı bilinməyən bir bakteriya tərəfindən bu az miqdardakı neft
zərərsiz hala gətirilə bilər. Əsl problem dəniz qəzaları nəticəsində böyük miqdarda
dənizə tökülən yanacaqdan qaynaqlanır. Bu qəzaların ən məşhuru 24 Mart 1989-cu
ildə Alyaskada Prince William Soundda meydana gələn “Exxon Valdez” qəzasıdır.
Bu qəzada 45 milyon litr (250 min vedrə) xam neft dənizə tökülmüş və bu neft
axıntısı 3000 km uzunluğunda bir sahil xəttini dəniz istiqamətində 800 km məsafəyə
qədər təsiri altına almışdır. İlk bir neçə ayda 90 müxtəlif cinsə aid 40000-ə yaxın
dəniz quşu, minlərlə dəniz məməlisi və nəsli təhlükədə olan bir qartal cinsinin
yüzlərləsi məhv olmuşdur. Bütün bunlarla yanaşı ABŞ-a məxsus balıq fermalarına,
sərbəst balıqçıların ovladıqları balıq cinslərinə, bölgənin iqtisadiyyatına və turistik
bölgələrinə də ziyan vurmuşdur.
www.behruzmelikov.com
Böyük miqdarda yanacağın dənizə tökülməsindəki ən böyük problem sahillərdə
müşahidə olunur. Sahil səthini örtən neft qum və daşlarda yaşayan midi kimi dəniz
canlılarının oksigen qəbulunu mümkünsüzləşdirdiyi üçün toplu ölümlərə səbəb olur,
dəniz səthini qalın bir təbəqə şəklində örtən neft dənizlə atmosfer arasındakı oksigen
mübadiləsinə maneə törətdiyi üçün dəniz ekosistemində problemlərə yol açır və
toksin xüsusiyyətinə görə toplu balıq ölümlərinə gətirib çıxarır. Yüksək miqdarda neft
qəbul edən balıqlar özləri ölməsə belə, qida zəncirindəki bir üst canlı- dəniz
məməliləri, dəniz quşları və ya insanlar tərəfindən yeyildikdə, həmin canlıda da
zəhərlənməyə, hətta ölümə belə səbəb ola bilir.
Bu normal gündəlik dəniz çirklənmələri ilə yanaşı, anormal dəniz çirklənmələrinə də
rast gəlirik. Məsələn, İraqın Küveyti işğalından sonra meydana gələn dəniz
çirklənməsi ətraf mühitin çirklənməsi baxımından ən qorxuncu hesab olunur.
Mütəxəssislər bunu "ətraf mühit terrorizmi" adlandırdılar. Xam neftin dənizə
axıdılması, 750-dən çox neft quyusunun və neftayırma zavodlarının yandırılması,
kimyəvi-biyoloji silah anbarlarının bombalanması bu dəniz və mühit çirklənməsinin
başlıca səbəbləri arasındadır. Bu böyük faciənin təsirləri hələ tam olaraq ortaya
çıxmadığı halda, dəymiş zərərlərin ilk təsirləri hisli yağış formasında İran
torpaqlarında və Türkiyənin cənub və cənub-şərq bölgələrində özünü göstərmişdir.
12 Aprel 1991-ci ildə İtalyanın Genuya limanından tökülən bir milyon barel neft
Aralıq dənizində meydana gələn ən böyük çirklənmə sayılır. Bu çirklənmənin
təsirindən Aralıq dənizində müxtəlif balıq növlərinin nəsilləri təhlükə altındadır.
Yuxarıda sadalanan çirklənmə səbəbləri su ekosistemi- fauna və floranın içində yer
alan canlı və cansız sistemlər arasındakı kompleks və həssas tarazlığa təsir göstərir.
Bu tarazlıq nəticəsində ekosistemin maddələr mübadiləsi, enerji axını və populyasiya
nəzarəti təmin edilməkdədir. Çirklənmələr bu ekoloji tarazlığa zərər yetirir. Bioloqlar
çirklənməni izləyir, "bioloji indikatorlar"dan istifadə edirlər. Çirklədicilərin canlılar
üzərindəki təsirini subletal və letal səviyyədə araşdırmaq lazımdır.
Neft, pestisit və ağır metal kimi kimyəvi çirkləndiricilərin dəniz canlılarında yaratdığı
toksik, akut, xroniki və birbaşa təsirlərilə yanaşı, dolayı yollarla fizioloji təsirləri də
mövcuddur. Bu cür çirkləndiricilər canlıların yumurta, sürfələrinə və gənc fərdlərinə
daha çox təsir göstərirlər. Fizioloji təsirləri belə sıralaya bilərik- planktonlarda
hüceyrə bölünməsinin gecikməsi və maneə törədilməsi, qabıqlılarda bəslənmə
vərdişlərinin dəyişməsi, balıqlarda anormal yumurtlama və yumurtlama dövrlərinin
dəyişməsi, xərçəng şişlərinin meydana gəlməsi vs.
www.behruzmelikov.com
DƏNİZLƏRDƏ ÇİRKLƏNMƏNİN QARŞISINI ALMAQ ÜÇÜN TƏKLİFLƏR:
Endemik və nəsli tükənməkdə olan növlər təsbit edilərək yaşayış məskənləri
(habitatları) qoruma altına alınmalıdır
Bioloji müxtəlifliyi təhdid edən risk faktorları ilə bioloji indikatorlar təyin
olunmalıdır
Dəniz çirklənməsi ilə mübarizə ilə əlaqədar nazirlik, ictimai orqan və peşə
təşkilatları tərəfindən təcili müdaxilə və master proqramları hazırlanmalıdır
Su hövzələrinə qeyri-qanuni inşaat tikintilərinin qarşısı alınmalıdır
Dənizlərdə və boğazlarda gəmilərin və digər dəniz və daxili nəqliyyat
vasitəsilərinin çirkli balast sularını boşalda biləcəyi sahələrin yaradılmasına
sürət verilməlidir
Daxili sulardakı çirklənmənin qarşısını almaq üçün təmizləmə sistemlərinin
sayı artırılmalıdır
Dəniz canlıları suyu süzərək qidalandıqları və ya süzərək qidalanan canlılarla
qidalandıqları üçün çirklənmə faktorları- zəhərli kimyəvilər, ağır metallar,
kanserojenler vs. bu canlıların vücudlarında toplanır. Bu daxili sulardan və
dənizlərdən əldə edilən canlılardakı çirklənmə hədləri davamlı olaraq izlənməli
və bu hədlərin beynəlxalq standardları aşması halında, ixracatçı və istehlakçılar
xəbərdar edilməlidir
Dəniz nəqliyyat vasitələrinin hərəkətinin müasir səviyyədə planlaşdırılması və
bələdçilik xidmətlərinin keyfiyyətinin yüksəldilməsi dəniz qəzalarının sayını
minimuma endirəcək
Dənizlərdən keçən gəmilərin beynəlxalq standartlara uyğunluğuna nəzarət
edilməlidir
Dəniz qəzaları üçün təcili müdaxilə birlikləri və planı hazırlanmalıdır
Bütün gəmilərin ətrafa verə biləcəkləri təbii, tarixi, mədəni və iqtisadi zərərlərin
aradan qaldırılması və kompensasiyası ilə bağlı bu gəmilərə qanuni
tənzimləmələr nəzərdən keçirilməlidir
Çirklənmənin qarşısının alınması üçün milli və beynəlxalq səviyyədə bir çox
qanunun olmasına baxmayaraq, bu qanunların tətbiq edilməsində çətinlik
çəkilir. Səlahiyyət və məsuliyyət tək bir təşkilata verilməlidir
QƏZA NƏTİCƏSİNDƏ MEYDANA GƏLƏN ÇİRKLƏNMƏ VƏ
ZƏRƏRLƏRƏ QARŞI ALINACAQ TƏDBİRLƏR:
www.behruzmelikov.com
Qəzanın şəkli və müdaxilə qabiliyyətini müəyyənləşdirmək və alınacaq
tədbirlərə qərar vermək üçün ən yüksək riskə məruz qalanları təsbit etmək
Dənizə tökülən maddənin xüsusiyyəti və müxtəlif ekoloji şəraitlərdəki təsir
xüsusiyyətlərini təsbit etmək
Dənizə tökülən maddələrin hərəkətlərini təsbit edə bilmək üçün dənizdəki külək
və axıntılara dair məlumatları əldə etmək
Vəsait və heyətin yerləşdirilməsi üçün strategiya təyin etmək
Dənizdə toplanacaq neft və digər vəsaitlərin müvəqqəti yığılacağı sahələri təsbit
etmək
Müdaxilə əməliyyatında istifadə ediləcək texnikaların seçimini etmək
DƏNİZLƏRDƏ ÇİRKLƏNMƏ İLƏ BAĞLI SƏNƏD:
Dünya dənizlərinin və buna bağlı olaraq sahil sahələrinin qarşı-qarşıya olduğu mühit
çirklənməsinə, dənizlər və dəniz canlı qaynaqlarının qorunmasına istiqamətlənmiş
1900-cü illərdən bu yana qlobal və regional səviyyədə çox sayda beynəlxalq müqavilə
bağlanmışdır. 1992-ci ildə Rio da Janeiroda reallaşdırılan BM Ətraf Mühit və İnkişaf
Konfransında qəbul edilən "Gündəm 21" adlı sənədin 17-ci maddəsi “okeanların,
qapalı və yarıqapalı dənizlər də daxil olmaqla bütün dənizlərin və sahil sahələrinin,
buradakı canlı qaynaqlarının qorunması, ağıllı istifadəsi və inkişaf etdirilməsi”
başlığını daşımaqdadır. Bu sənəd, qlobal səviyyədə nail olunmuş bir siyasi iradə
uyğunlaşmasını göstərən ən aktual sənəd olması səbəbiylə dənizlərin qorunması
baxımından xüsusi bir əhəmiyyət daşıyır.
XƏZƏR DƏNİZİNİN ÇİRKLƏNMƏSİ
Xəzərə, Kür və Araz çaylarına, Azərbaycanın başqa göl və çaylarına hər gün
1.100.000 m3 çirkli su axıdılır. Hesablamalara görə, təkcə 1987-ci ildə Xəzərə 13.000
ton neft məhsulu, 746 ton dəmir, 6.611 ton yağ, 938 ton sintetik maddə, 186 ton fenol,
2.000 ton digər zəhərli maddələr vs. axıdılmışdır. Təkcə "Azərbaycan Neft-Kimya
Dövlət İstehsalat Birliyi" Bakı körfəzinə gündə 78.000 m3 çirkli su buraxır. Çirkli
suyun hər litrinin tərkibində 35-150 milliqram neft məhsulu var. Bu isə sudakı neft
məhsulu nisbətinin normaldan 700- 3000 dəfə çox olması deməkdir.1988-ci ildə
Xəzər dənizində 24.000 hektardan daha böyük üzən bir neft ləkəsi təsbit edilmişdir.
Azərbaycanda hər il ortalama olaraq 13 milyon ton neft çıxarılır. Bunun 9.5 milyon
tonu dənizdəki neft yataqlarının payına düşür. Primitiv metodlarla çıxarılan neftin bir
hissəsi Xəzərə axıdılır.
www.behruzmelikov.com
Rusiya Federasiyası, Qazaxıstan və Türkmənistan da bu baxımdan Azərbaycandan
heç də geri qalmır. Bura tökülən Volga, Kür və Araz çaylarının dəniz
çirklənməsindəki payı da olduqca böyükdür.
Hazırda Xəzər dənizi ölür, bataqlığa və ölü dənizə çevrilir. Dənizin çirklənməsi
sadəcə ekoloji şüursuzluq deyil, cahillik, mənəviyyatsızlıq və ekoloji düşüncənin
çirklənməsidir.
Çernobil və Aral kimi, Xəzər dənizi də ekoloji fəlakət zonası elan edilməli və onu
qurtarma istiqamətində ciddi elmi proqramlar həyata keçirilməlidir.
www.behruzmelikov.com
Dostları ilə paylaş: |