Türk inanc sistemi baxımından qədim Türklərlə Şumerlərin ortaq bağları
113
RESUME
SIMILAR ASPECTS OF THE ANCIENT TURKS AND SUMERIANS IN
ACCORDANCE WITH THE SYSTEM OF THE TURKIC RELIGION
Babayev Elvin
The Sumerians and Turks have many similar aspects in accordance with the
conditions of language and religion. This mainly aries during the study of Orkhon
׳ s
writings. Many of the stigma are similar. Moving teh Sumerians from Central Asia
reveals interesting facts. Similarities Sumerian language with the Altai-Turkich
language in similar architectural forms of temples and similarity of the ornaments of
mountain temples and in general in the similarity of
ideograms with mountain
villages. The model of creating peace in Sumerian and Turkish epics is completely
identical to each other.
Çapa tövsiyə etdi: akademik V.M.Məmmədəliyev
Qəribi lirikasının səciyyəvi xüsusiyyətləri
115
QƏRİBİ LİRİKASININ SƏCİYYƏVİ XÜSUSİYYƏTLƏRİ
Paşa Kərimov,
filologiya üzrə elmlər doktoru
Açar sözlər: Səfəvi, qızılbaş, divan, qəzəl, müxəmməs
Ключевые слова: Сафеви, гызылбаш, диван, газель, мухаммас
Key words: Safevi, gizilbash, divan, ghazel, mukhammas
XVI əsrdən başlayaraq Azərbaycan ədəbiyyatında səfəvilik, qızılbaşlıq
ideyalarını təbliğ edən poeziyanın mövcudluğundan danışa bilərik. Bu
poeziya istər
klassik, istərsə də şifahi ədəbiyyata məxsus formalardan istifadə edirdi. Həmin dövrdə
qızılbaş ideyaları elə geniş yayılmışdı ki, hətta Azərbaycan türkcəsi mənasında
“qızılbaşca” sözü də işlədilirdi. Prof.T.Gəncəyi yazır: “Qızılbaşca” Səfəvi dövründəki
türkcəni göstərmək üçün işlədilən bir iştilah idi və bu sülalənin süqutundan sonra
siyasi və məzhəbi çalara malik olduğundan aradan qalxdı” (1, s.25). Səfəvi təriqətinin
ilk təbliğatçısı bu təriqətin banisi, Şah İsmayılın ulu babası Şeyx Səfiəddin Ərdəbili
(1252-1334) olmuşdur. Lakin Səfəvi ideyalarını təbliğ edən türkdilli qızılbaş şeiri
məhz Xətaidən sonra formalaşır və özünün ardıcıllarını tapır. Tədqiqatçılar haqlı
olaraq qeyd edirlər ki, qızılbaşlıq ideyaları Xətai divanında daha aydın
ifadəsini
tapmışdır. Səfəvilərin ideyalarını, şiəliyi təbliğ edən, döyüşə gedən qızılbaş
əsgərlərini “igid yektalar”, düşməni Yəzid, Şümri-Mərvan adlandıran Xətai qızılbaş
ədəbiyyatının klassik nümunələrini yaratmışdır. Xətainin şeirlərində təriqətin, şiəliyin
təbliği, Səfəvi bayrağı altında birləşməyə çağırış, igidlərin haqq-ədalət yolunda
döyüşlərə səslənməsi, Həzrət Əlinini müqəddəsliyinin nəzərə çarpdırılması mühüm
yer tutur. Şah İsmayıl Xətaidən sonra qızılbaş poeziyası ənənələrini davam etdirən
Məhəmməd Əmani, Mürtəzaqulu xan Zəfər, Məsihi, Qurbani, Məlik bəy Avcı və s.
şairlərin adlarını çəkmək olar. Şeirlərində qızılbaş ideyalarını hərarətlə təbliğ edən,
risalələrində şiəliyin, səfəviliyin digər məzhəb və təriqətlərdən üstünlüyünü,
Səfəvilərin, Şah İsmayıl Xətainin müqəddəsliyini sübut
edən XVI əsr müəllifi Qəribi
barədə son dövrlərdə məlumat əldə edilmişdir. Şairin Tehranın Məclise-Şuraye-İslami
kitabxanasında saxlanan əlyazma külliyyatı onun həyat və yaradıcılığı barədə
müəyyən fikir söyləməyə imkan verir. Qəribi küliyyatını ilk dəfə görüb araşdıran,
buraya daxil olan şeirlər toplusu-divanı və “Təzkireyi-məcalisi-şüərayi-Rum” adlı
osmanlı şairləri təzkirəsini Təbrizin “Əxtər” nəşriyyatında ön söz və izahlarla çap
etdirən Cənubi Azərbaycan alimi doktor Hüseyn Məhəmmədzadə Sədiq (Hüseyn
Düzgün) olmuşdur. Külliyyatın ayrı-ayrı yerlərində rast gəlinən məlumatlar əsasında
Qəribinin Anadolunun Məntəşə bölgəsində böyüyüb boya-başa çatdığını, sonradan
şiəlik, səfəvilik, qızılbaşlıq ideyalarını qəbul edərək I Şah Təhmasibin dövründə
Paşa Kərimov
116
(1524-1576) Azərbaycana gəlib Təbrizdə saraya yaxınlaşdığını, burada şeirləri, dini
risalələri ilə Səfəvi xanədanına, şiəlik, qızılbaşlıq ideyalarına xidmət etdiyini söyləyə
bilərik. O.Əfəndiyev “Azərbaycan Səfəvilər dövləti” adlı kitabında
göstərir ki, “1501-
ci ildə şiəlik Təbrizdə dövlət təriqəti elan olunduğu zaman yeni təriqətin əsaslarını
möhkəmlətmək barədə məsələ qalxdı və məlum oldu ki, şiəliyin nəzəriyyəsi ilə səthi
tanış olan bir nəfər də yoxdur. Hətta şiə dini təliminə dair kitab da yox idi” (3, s.56).
Cəsarətlə deyə bilərik ki, yeni Səfəvilər dövlətinin ideoloji əsaslarını yaradan, bu
məsələyə dair Azərbaycan türkcəsində əsərlər yazan ilk alimlərdən biri də Qəribi
olmuşdur. Onun külliyyatının yeganə əlyazma nüsxəsinə aşağıdakı əsərlər daxil
edilmişdir: 1) “Hekayəti-Yuhənna təkzibü məzəmməti-münafiqin və təsdiqi-yəqini-
əhli-iman” risaləsi. Müəllifin ərəbcədən Azərbaycan türkcəsinə tərcümə etdiyi,
sonunda öz fikirlərini əlavə etdiyi bu əsərdə dinlər və məzhəblər müqayisə edilir,
islamın və şiəliyin üstünlüyü sübut edilir; 2) Mənaqib – Nəzmlə və səcli, qafiyəli
nəsrlə yazılmış bu əsər 12 imamın
fəzilətindən bəhs edir; 3) 14 məsuma, xüsusi olaraq
Əliyə və Hüseynə, I Şah Təhmasibə həsr edilmiş qəsidə, tərcibənd və tərkibbəndlər.
Türk alimi İ.Babacan bu şeirləri Səfəvi dövrü türkcəsinin ilk nümunələrindən hesab
edir; (4,s.4). 4) “Çahar fəsil” adlı nəzm və nəsrlə yazılmış risalədə Qurana və
peyğəmbər hədislərinə istinad edən müəllif şiə məzhəbinin üstünlüyundən, Həzrət
Əlinin vilayət və kəramətlərindən danışır; 5) Qəribi divanı; 6) “Təzkireyi- məcalisi-
şüərayi-Rum” adlı şairlər təzkirəsi.
Göründyü kimi, Qəribi əsərləri ilə Səfəvi dövlətinin ideloji təməllərinin
yaradılmasına xidmət etmişdir. Fikirlərini geniş kütlə arasında yaymaq istəyən və
şübhəsiz ki, Səfəvi sarayının sifarişini yerinə yetirən şair əksər əsərlərini
Azərbaycan
türkcəsində yazmışdır. Qəribi külliyyatının 184 vərəqdən ibarət yeganə əlyazması
XVI əsrdə Səmərqənd kağızına nəstəliq xətti ilə köçürülmüşdür. Üzərindəki
qeydlərdən məlum olur ki, nüsxəni 1590-cı ildə Muxtar ibn İraqi Maraği
köçürmüşdür. Bu qeyd əsərin müəllif tərəfindən yazılmasından xeyli sonrakı dövrə
aiddir.
Qəribinin həyatı barədə danışarkən ilk növbədə onu qeyd etmək istərdik ki, onun
doğulub boya-başa çatdığı Məntəşə bölgəsi, bütövlükdə Şərqi Anadolu şiəlik,
qızılbaşlıq ideyalarının geniş yayıldığı məkan olmuş, I Şah İsmayılın başçılığı ilə
Səfəvilər dövləti yaradılarkən Anadolunun bir çox türk oymaqları onun səsinə səs
verərək ətrafında toplaşmışlar. Qızılbaş poeziyasının bir sıra nümayəndələri burada
yetişmişdir. Şair təzkirəsində Şahidi Dədənin Məntəşə və Muğla bölgəsindən
olduğunu bildirdikdən sonra “Mən də ol vilayətdə ikən
hələ cəhl aləmində idim, əksər
ovqatda nəzərinə varub Məsnəviyi-Mollayi-Rumdan və nəhv və sərf kitabından dərs
oxurdum” (2, s.273) yazmışdır. Təzkirəsində müəllif İbrahim Gülşəni Bərdəi I Sultan
Süleyman tərəfindən ölkəyə dəfət edildikdə İstanbulda olduğunu, onun əlini
öpdüyünü məlumat verir (2, s.64). Buradan belə nəticəyə gəlmək olar ki, Gülşəninin
1528-1529-cu illərdə İstanbula gəldiyi vaxt Qəribi orada olmuş, Təbrizə 1530-cu
illərdə köçmüşdür. İ.Babacan ərəb və fars dillərini mükəmməl bilən şairin ömrünün
sonuna qədər Təbrizdə qalıb burada vəfat etdiyi ehtimal edir (4,s.4).