Microsoft Word Esref Veyselli Qarsima siz cixin cap docx
Yüklə 1,96 Mb. Pdf görüntüsü
|
- Bu səhifədəki naviqasiya:
- YAXŞI
- DAŞ VƏ İŞIQ
134 YAXŞI Yaş gəlib yaxşıca dirənib dağa, Demək istəyirəm: nəsə də yaxşı. Səfər eyləməyə yaxşı yerlərə, Gərək yaxşı ola kisə də, -yaxşı.
Elə ki bürünər yollar dumana, Mənzilə tez çatmaq qalar gümana. İnana bilmərəm: yaman yamana Yüz kərə, min kərə desə də,- yaxşı.
Bu daş bu ələmi sezdirə bilmir, Bu baş bu bədəni gəzdirə bilmir. Bu yaş uzaqları kəsdirə bilmir, Yaxşı addımlayır kəsədə, yaxşı.
Görsən sayılmırsan sayan yanında, Bir ağac tapıb da, dayan yanında. Anlayan yanında, duyan yanında Saza da yaxşıdı, sözə də yaxşı.
Ay Əşrəf, yaxşıya yaxşı deyilər, Yaxşının çörəyi yaxşı yeyilər. Yaxşıya pis desəm ağzım əyilər, Ancaq söyləmərəm pisə də- yaxşı.
*** 2015
135 AĞSAÇLI MÜƏLLİM
Bərkə düşən kimi yorulur ürək, Şirin söhbəti də qalır yarıda. Bəzi daşürəkli tələbələrtək Sözünə baxmayır ayaqları da.
Dünyadan danışır o dünyagörmüş, Danışır, dilində sözü titrəyir. Bir vaxt yeriyəndə yer titrəyərmiş, İndi yeriyəndə özü titrəyir.
Tutulur nəfəsi, tutulur səsi, Bürüyür alnını damcı-damcı tər. Bizi pillə-pillə qaldıran kəsi, Yolundan saxlayır indi pillələr..
Zəng olur, dərs bitir, çıxır uşaqlar, Bir qoca onlara qarışıb gedir. Elə bil gənclərlə hər görüşəndə O öz gəncliyilə görüşüb gedir..
***
136 YARIMÇIQ QALMIŞ DƏRS HAQQINDA BALLADA (Nə zamansa dərs demişəm. 1-ci sinifdə nə zamansa balaca bir qız uşağı ata sözünə qarşı üsyan qaldırıb) Bülbül tək cəh-cəh vurub, Dərslərdən beş alan qız, Hərdən göy kimi dolub Bulud tək boşalan qız Bu gün necə oldusa Dərsə qulaq asmadı. Lövhəyə çağıraraq Ona dedim “Ata yaz”, Ayrılıqda “A” yazdı, Ayrılıqda “T” yazdı, Ancaq “Ata” yazmadı, Dedim:”Qızım, ata yaz”, Ana yazıb durdu qız. Axır baxıb gördü ki, Hövsələdən çıxmışam, “Atam atıb, müəllim, Atasızıq” deyərək, Könüllərə od salan Kaman tək inləyərək, Tez keçib oturdu qız. Qəlbinin bir küncünə Sığınaraq o çiçək Kövrəldi, köks ötürdü. Sanki elə bu zaman Onun nankor atası Öz qızının yanından Ögey qızla ötürdü. Qız istədi çağırsın, Qız istədi desin ki,
137 Ata, ata, ay ata, Əllərini istəyən əllərim yetim qalıb, Atasız gəlib keçən Aylarım yetim qalıb, İllərim yetim qalıb. Qız istədi desin ki, Bəsdir ömür bağıma Əsdi xəzan, yağdı qar. Yaxşı, elə deyək ki, Sən anamdan küsmüsən. Mən ki hələ uşağam, Mənim nə günahım var? Qız istədi desin ki, Heç bir şey istəmirəm, İstəyir könlüm səni. Barı küçəmizə gəl, Bir kərə görüm səni. Yollardan da küsmüsən? Bunun yeri varmı heç? Sabah mən bağışlasam, Anam da bağışlasa Küçəmiz, məhəlləmiz Səni bağışlarmı heç?.. Qız istədi desin ki, Ata getmə, bir dayan, Bəlkə bizim əsrdə Ata olmaq çətindir, Atalıq olmaq asan?!.. Qız istədi desin ki... Yox, bilmədi nə desin.. Hamımızın gözünə Kədər kölgəsi düşdü.
138 Dərdsiz, qəmsiz balalar Dərdə, qəmə batdılar. Sinfimizin altından Yer kürəsi sürüşdü, Sanki otuz nəfəri Qəm gölünə atdılar. Hər şey çıxdı yadımdan, Dərsim qaldı yarımçıq, Lövhədəki o söz də Yaddan çıxıb qaldı ta... Qəlbimizin başından Qəm lövhəsi asıldı. Görəsən hiss etdimi Barı o nankor ata, Şagirdlərin bir dərsi Nəyə görə pozuldu?!
***
139 DAŞ VƏ İŞIQ Qoşa rezinlərin dartıb bir anda Tumaş gözlüyünü boşaltdın, bala! Babalar can qoyub işıq yolunda, Sən niyə işığa daş atdın, bala?!
Çökdü ürəyimə, çökdü bir ağrı, Daş atdın, o uçub gör hara dəydi- Bəşərin zülmətdən işığa doğru Keçdiyi müqəddəs yollara dəydi.
Bir anlıq itirdim özümü, düzü, İşığa xor baxmaq günahdır, günah. Kor olsun sən gedən məktəbin gözü Sənlə baxacaqsa cahana sabah.
Atdığın o “güllə” gör neylədi, ah, Neçə məhəbbətə, görüşə dəydi. Bəlkə də səninçün bu bir oyuncaq, Mənimçün Faradey faciəsiydi.
Bir işıq quş kimi düşdü yuvadan, Bu vəhşi əyləncə kimə gərəkdir? Bu gün çırağıma daş atan insan Sabah ocağımı söndürəcəkdir.
Qoşa rezinlərin dartıb bir anda, Tumaş gözlüyünü boşaltdın, bala! Babalar can qoyub işıq yolunda, Sən niyə işığa daş atdın, bala?!
Yüklə 1,96 Mb. Dostları ilə paylaş:
|