İdarəetmə mədəniyyəti
Demokratik dövlət, hüququ - özünün xüsusi fəaliyyətini təmin edən və
bütün xalqın iradəsini, onun təbii həyati maraqlar cəmini ifadə edən norma
(davranış qaydaları) və prinsiplər sistemi kimi təyin və tətbiq edir. Demo-
kratik ölkələrin dövlət idarəçiliyi aparatının texnoloji ehtiyatında hüquq, -
səmərəli sosial dəyişikliklərə, ictimai ziddiyyətləri aradan qaldırmağa, cə-
miyyətin harmonik və mütərəqqi inkişaf məqsədlərinə nail olmağa yardım
edən mühüm mədəni vasitədir. O, obyektiv tarixi xarakter daşıyır, bütün cə-
miyyətin ümummilli həmrəylik maraqlarına xidmət edir.
Milli və beynəlxalq inkişaf üçün idarəetmə mədəniyyəti strateji əhəmiy-
yətə və geniş imkanlara malikdir. İdarəetmə mədəniyyəti - ictimai rifahın
yüksəldilməsi, ölkələrin və xalqların təhlükəsiz inkişafı və tərəqqisinə nail
olma maraqlarında insanın, cəmiyyətin və dövlətin inkişafının idarə edilmə-
sinə istiqamətlənmiş elmi biliklər, texnologiyalar, mütəşəkkillik, etika və
rəhbərlik fəaliyyətidir. O, qoyulmuş məqsədlərə nail olmaq və idarə edilən
obyektin inkişafında effektivliyi təmin etmək üçün düzgün siyasi, iqtisadi
və ya sosial qərarlar qəbul etməyə imkan verən idarə personalının dərin pe-
şəkar biliklərini, bacarığını, hüquqi savadını, məsuliyyətini nəzərdə tutur.
Ümuni mahiyyətə, məqsəd və qanunauyğunluqlara malik olaraq, müəyyən
proses və texnologiyalarda təmsil olunaraq, o, dünya sivilizasiyasının mə-
kan və zaman çərçivəsində özünün tarixi və nəzəriyyəsinə, peşəkar, hüquqi
və etik xüsusiyyətlərinə, siyasi, iqtisadi, sosial və fərdi sahələrdə nailiyyət-
lərinə və imkanlarına malikdir. Bu, gərgin əmək, istedad və intuisiya, daimi
özünütəkmilləşdirmə, başqa insanlar üçün yaşamaq bacarığı, dövlət və ya
birliK tərəfindən qoyulmuş inkişaf vəzifələrinin effektiv həllinə nail olmağı
tələb edən mürəkkəb prosesdir. Bu həm də liderlərin - universal elmi bilik-
lərlə, idarəetmə texnologiyalarına yiyələnməklə, təcrübə, mütəşəkkillik, in-
tizam və hüquq qaydası, müstəqillik, siyasi və mənəvi məsuliyyət, möhkəm
iradə, düzgünlük və yüksək peşəkar etika, mədəniyyəti harmonizasiya et-
mək bacarığı və kollektiv üzvlərinin maraqlarını təmin etməklə şərtlənən,
məqsədyönlü mənəvi yaradıcı fəaliyyət hüququdur.
İdarəetmə mədəniyyəti idarəçilik fəaliyyətinin səviyyəsini, xarakterini
və nailiyyətlərini, idarəçilik obyektləri və subyektləri arasındakı münasibət-
ləri tənzimləyən dəyərlərin, normalar və ənənələrin məzmununu və keyfiy-
yətini, dövlətin, siyasətin, təşkilatın həyat fəaliyyətinin, iqtisadi və sosial
institutların, bütövlükdə cəmiyyətin idarə edilməsinin effektivliyini əks et-
dirir. Bu zaman milli idarəetmə mədəniyyətinin səviyyəsi cəmiyyətin və
dövlətin intellektual, etik və hüquqi mədəniyyətinin birgə səviyyəsi, həmçi-
nin bütün səviyyələrdə siyasətçi və inzibatçıların, rəhbər və liderlərin elmi
bilikləri və təcrübəsi, mütəşəkkilliyi və mənəvi-etik prinsipləri ilə müəyyən
edilir.
63
İdarəetmə mədəniyyəti özündə həm idarəçilik fəaliyyətinə xas qayda və
üsulların toplusu kimi mahiyyət və proses, statikadan və dinamikadan iba-
rət sabit kəmiyyətləri, həm də dialektik dəyişikliklərə məruz siyasi proseslə-
rə xas dəyişən kəmiyyətləri birləşdirir. Eyni zamanda mədəniyyətin ictimai-
faydalı fəaliyyəti yerinə yetirən bütün sosial institutları idarəetmə mədəniy-
yətinin görüş dairəsindədir. Bu, həm də təşkiletmə və idarəetmə sisteminin
cəmiyyətin sosial mədəniyyətinin bütöv qarşılıqlı əlaqəli sisteminin bir his-
səsi olması ilə bağlıdır. İdarəetmə mədəniyyətinin mühüm komponentləri -
dövlət, iqtisadi və sosial idarəetmə, insanları idarə etmək bacarığı ilə şərtlə-
nən liderlik mədəniyyətidir.
İdarəetmə mədəniyyəti konkret vəziyyətdə düzgün istiqamətləndirməyə,
cəmiyyətin inkişaf perspektivini görməyə, yüksək inkişaf dinamikasını və
dövlətin rəqabət qabiliyyətini təmin edən kulturoloji innovasiyaları müdafıə
və inkişaf etdirməyə imkan verir. O özündə universal kulturoloji bilikləri,
idarəetmə elminin tarixi, fəlsəfəsi, nailiyyətləri, texnologiyalarını və mü-
rəkkəb idarəetmə problemlərini, müxtəlif vəziyyətləri və dəyişən şəraitləri
daha yaxşı tərzdə təhlil etməyə, balanslaşdırılmış siyasi, sosial, iqtisadi və
beynəlxalq qərarlar qəbul etməyə, dünya sivilizasiyasının inkişaf tendensi-
yalarını nəzərə alan gələcəyin pozitiv obrazını qurmağa imkan verən komp-
leks metodologiyanı təcəssüm etdirir. İdarəetmənin effektivlik meyarı - ida-
rəçilik fəaliyyətinin konkret nəticələri, milli inkişaf və ictimai tələbatların
təmin edilməsi üçün onun praktik dəyər səviyyəsidir.
İdarəetmənin mürəkkəbliyi həm də onunla şərtlənir ki, müxtəlif insanlar
eyni bir əşyaları, təzahürləri, faktları, hadisələri fərqli anlama səviyyəsinə,
öz fikirlərini müxtəlif cür ifadə etmək qabiliyyətinə malikdirlər. İnsanın
psixoloji xüsusiyyətləri və qənaətləri ilə şərtlənən ətraf aləm haqqında tə-
səvvürləri, şəxsiyyətin şüurunda mənasını müxtəlif cür dəyişərək, ayrı-ayrı
çalarlar və təfərrüatlar qazana bilər. Bu qanunauyğunluğa görə insanın ida-
rəetmə mədəniyyəti - insan şəxsiyyətinin tərbiyəsi, xarakteri, bilikləri, qabi-
liyyətləri, təcrübəsi, iradəsi, əqidəsi, motivləri, dəyərləri və məqsədləri ilə
şərtlənən bir çox müxtəlif hədlərə malikdir. Müvəffəqiyyət orada əldə edilir
ki, idarəetmə mədəniyyəti - insanın, sosial qrupun, cəmiyyətin, dövlətin və
ya beynəlxalq birliyin fəaliyyətlərinə rəhbərlik üzrə dəyişən dünya şəraitin-
də onların inkişaf gedişini istiqamətləndirən və sosial-mədəni tərəqqini tə-
min edən şüurlu humanist fəlsəfəni və fəaliyyətin optimal texnologiyasını
özündə sintez edir.
Kollektivi idarə etmədə rəhbərlərə, liderlərə xüsusi rol məxsusdur. Rəh-
bərin idarəetmə mədəniyyəti - onun peşəkarlığı və etikasının sintezidir. Bu,
məqsədləri düzgün qoymaq, “zəif cəhətləri” aşkar etmək, prioritet məsələ-
ləri və onların daha effektiv həlli metodlarını təyin etmək məharətidir, bu,
Fuad Məmmədov
64