49
Almaniyaya qarşı çıxacağı halda, Sovetlər Türkiyəni müdafiə etməyəcəkdir. Lakin
Almaniya Türkiyəyə hücum etsə, SSRİ buna mane olmağa çalışacaqdır. Düzəlişi
və danışıqları ümumiləşdirərək İ.Stalin dedi: "Mən düzəlişi belə başa düşdüm ki,
əgər münaqişə başlayarsa, Türkiyə neytral qalacaqdır, lakin pakta görə Türkiyə
ingilis və fransızlardan ayrılmır və digər yerlərdə onlara kömək edir". Ş.Saracoğlu
Sovet rəhbərliyinin düzəlişlərinə razı olduğunu bildirdi. O, ingilis-fransız-türk
paktının 3-cü maddəsi, yəni Türkiyənin Yunanıstan və Rumıniyaya kömək
göstərilməsi ilə bağlı öhdəliyin paktın mətnindən çıxarılıb məsləhət hissəsinə
keçirilməsi, İngiltərə və Fransanın SSRİ-yə hücum edəcəyi təqdirdə Türkiyənin
onlar qarşısında olan öhdəliyinin qüvvədən düşməsi barədə Sovet şərtlərini öz
hökumətinə məruzə edib Ankaradan müvafiq təlimat alacağını qeyd etdi (28). Beş
saat on beş dəqiqə çəkən söhbət gecə 23:15-də başa çatdı.
Ş.Saracoğlu oktyabr ayının 16-na qədər Moskvada qalsa da, danışıqların
sonrakı mərhələsi elə bir nəticə vermədi. Sovet İttifaqı İngiltərə və Fransa ilə ciddi
fikir ayrılığına malik olduğu üçün türklərin onların sifarişini yerinə yetirdiyindən
ehtiyatlanır və hər şeyə şübhə ilə yanaşırdı. Digər tərəfdən isə, Almaniya ilə
əməkdaşlıq bu dövrdə Sovet xarici siyasətinin aparıcı istiqaməti olduğundan, onlar
Türkiyəyə hər hansı təminat verməkdənsə Balkanların nüfuz dairəsinə
bölüşdürülməsinə, bir sıra Balkan ölkələrinə yönəlik ərazi tələblərinin
ödənilməsinə daha çox diqqət yetirirdilər. Son anda Sovetlər təklif etdilər ki,
müharibə olacağı təqdirdə Türkiyənin İngiltərə və Fransaya köməyi minimuma
enib məsləhətləşmə xarakteri daşımalı, qarşılıqlı yardım haqqında hazırlanan
Sovet-Türk paktında nəzərdə tutulmalıdır ki, Almaniya Türkiyəyə hücum edərsə,
Sovet İttifaqı Türkiyəyə hər hansı bir yardım göstərməməli, Boğazlar SSRİ və
Türkiyə tərəfindən birgə qorunmalıdır.(29) Əlbəttə, bütün bunlar Türkiyənin
maraqlarına uyğun deyildi. Türklər yaxşı başa düşürdülər ki, bu şərtlərin qəbul
edilməsi Almaniyaya qarşı müharibədə Türkiyənin müttəfiqi olan Britaniyanın
hərbi imkanlarını zəiflədə bilər. Bundan başqa, Boğazların birgə müdafiəsi
haqqında Sovet təklifi təkcə Montrö konfransında Türkiyənin uğurlarını şübhə
altına almırdı, eyni zamanda onun suverenliyini təhlükə altına qoyurdu. Qara
dəniz və Avropa Türkiyəsinin birgə müdafiəsi, Boğazlar rejiminin dəyişməsi ilə
bağlı Sovet cəhdləri Türkiyəni müharibəyə sürükləməkdən başqa bir şey deyildi.
Danışıqların sənədləri göstərir ki, Sovet rəhbərliyi qarşılıqlı yardım haqqında
Türkiyə tərəfindən təqdim olunmuş pakt layihəsinə son dərəcə ehtiyatla yanaşır,
öz üzərinə hər hansı öhdəlik götürməkdən yayınır, 23 avqust və ona bağlı olan
gizli protokollar silsiləsinə görə Almaniyanın mənafeyini nəzərə almağa çalışırdı.
50
Türkiyə Xarici işlər nazirinin Moskvada olmasından istifadə edərək Almaniya
hökuməti Sovetlərə təsir göstərirdi ki, Türkiyəni İngiltərə və Fransa ilə sazişə
gəlməkdən çəkindirsin. 8 oktyabr 1939-cu ildə Almaniya hökuməti Moskvadan
xahiş edirdi ki, "Türkiyəni İngiltərə və Fransa ilə Saziş bağlamaqdan imtina
etməyə və qəti bitərəf mövqe tutmağa vadar etmək lazımdır. Eyni zamanda
Almaniya tərəfi Moskva danışıqlarının gedişində Sovet İttifaqı ilə Türkiyə
arasında hər hansı bir müqavilə imzalanmasını da narahatçılıqla izləyirdi. Əgər
belə olardısa, Almaniya tərəfi təkid edirdi ki, Moskva ilə Ankara arasında
mümkün ola biləcək müqavilənin mətninə belə bir düzəliş daxil edilsin ki, SSRİ
Almaniya əleyhinə Türkiyəyə kömək göstərməyə borclu olmayacaqdır" (30).
Ribbentronun tapşırığı ilə Almaniya nümayəndələrinin belə bir düzəliş təklif
etməsi Almaniyanın Türkiyəyə münasibətdə gələcək niyyətlərinin Moskvaya bəlli
olan təzahür forması idi.
Hələ Ş.Saracoğlu Moskvada ikən SSRİ-dəki Alman səfiri F.Şulenberqi qəbul
edən V.Molotov Türkiyə ilə danışıqların bütün mahiyyətini çox açıq şəkildə
ortaya qoydu. O dedi: Mən inanmıram ki, biz türklər ilə hər hansı sazişə gələk...
Əgər biz Türkiyə ilə danışıqlar aparırıqsa, biz onu Türkiyənin mövqeyini
aydınlaşdırmaq üçün aparırıq. Bu mənada danışıqlar bizə xeyir gətirir. V.Molotov
bununla bir növ avqust ayının 24-də Almaniya nümayəndə heyəti ilə vidalaşan
zaman Stalinin dediyi "Sovet İttifaqı heç vaxt öz tərəfdaşını satmaz" fikrini bir
daha təsdiqləmək istəyirdi (31). Türkiyəni bitərəf qalmağa vadar etmək barədə
Almaniya tərəfindən irəli sürülən fikir sonralar Sovet rəhbərlərinə əsas verdi ki,
Türkiyənin böyük müharibədə uzun müddət bitərəf qalmasını Almaniya
maraqlarına xidmət kimi qiymətləndirsinlər. Əslində isə, vuruşan dövlətlər
arasında Türkiyəni öz təsir dairəsinə cəlb etmək uğrunda mübarizənin
kəskinləşdiyi şəraitdə neytral mövqe tutmaq Türkiyənin maraqlarına daha çox
uyğun udu.
Ş.Saracoğlunun SSRİ-yə uzunmüddətli səfəri bir nəticə vermədi və o, oktyabr
ayının 16-da Moskvanı tərk etdi. H.C.Yalçın az sonra, noyabr ayının 5-də "Yeni
Sabah"da haqlı olaraq yazırdı ki, əgər bizim Sovetlərdən olan dostlarımız öz
fikirləri barədə əvvəlcədən bizi xəbərdar etsəydilər, türklər özlərini nəticəsiz
qalmış alçaldıcı Moskva danışıqlarından xilas etmiş olardılar. Danışıqların
nəticəsizliyindən təəssüf edən Türkiyə Respublikasının prezidenti İ.İnönü 1939-cu
ilin noyabr ayında Böyük Millət Məclisinin növbəti sessiyasının açılışındakı
çıxışında deyirdi: Məlumunuz olduğu kimi, Xarici işlər nazirimiz Sovet
hökumətinin müsafiri olaraq Moskvada üç həftəyə qədər görüş və müzakirələrdə
bulundu. Bu müzakirələrdən, əski dostumuz Sovet İttifaqı ilə aramızda bugünkü
məsud münasibətlərdən daha irəli bir vəziyyət ifa edəcək bir anlaşma meydana
gələ biləcəyinə ümid etmişdik. Nəticəyə varmaq üçün