İqtisadi nəzəriyyə
ECONOMICS
123
əmtəə-xidmətlərə olan tələbatının minimum xərclərlə başa gəlməsini təmin edən inhisarçı
təsərrüfatçılıq fəaliyyəti formasıdır.
Təbii inhisar anlayışı ilk dəfə 1838-ci ildə fransız iqtisadçısı A.Kurno tərəfindən elmi
dövriyyəyə daxil edilmişdir. Bu sözün hərfi mənası – ictimai, yəni dövlət təminatlı
xidmətlər göstərilməsi və məhsullar istehsalının, cəmiyyətin müxtəlif təyinatlı
tələbatlarının ödənilməsinə yönəldilməsidir.
Müasir iqtisadi inteqrasiya və qloballaşma proseslərinin genişlənib-dərinləşdiyi bir
şəraitdə, müxtəlif ölkələrin təsərrüfat həyatında, həm dövlət mülkiyyətində, həm də xüsusi
(səhmdar, korporasiya) mülkiyyətdə olan təbii inhisarlar fəaliyyət göstərirlər. Onların
çoxcəhətli fəaliyyəti ölkənin müvafiq qanunları və dövlətin iqtisadi tənzimləmə tədbirləri
vasitəsilə həyata keçirilir.
Dünya təsərrüfat həyatı təcrübəsi sübut edir ki, təbii inhisarlara cəmiyyət üçün sosial
əhəmiyyətə malik, ictimai istifadədə olan, xüsusi və dövlət mülkiyyətindəki energetika,
qaz-yanacaq, su təchizatı, kanalizasiya sistemi, dəmir yolu nəqliyyatı, metro, müxtəlif
təyinatlı yeraltı-yerüstü kəmərlər, rabitə-poçt xidməti, telefon, kabel televiziya şəbəkəsi
və sairə daxildir.
«Təbii inhisarlar haqqında Azərbaycan Respublikasının Qanunu»nda, ölkənin
təsərrüfat
həyatının
müxtəlif
sahələrində
fəaliyyət
göstərən
təbii
inhisarlar
müəyyənləşdirilmişdir.
Təbii inhisarın təsərrüfat həyatında fəaliyyətini şərtləndirən səbəblər aşağıdakılardır:
a) dünyanın müxtəlif ölkələrində, o cümlədən də Azərbaycan Respublikasında, müəyyən
istehsal-xidmət sahəsinin bir şirkət (birlik) bazasında, daha az xərclərlə, konkret ərazidə,
tələb olunan həcmdə və səviyyədə fəaliyyətinin daha səmərəli təşkilinin mümkün
olması;
b) təbii inhisarların məhsul istehsalı və xidmətlər göstərməsi (satışı) həcminin, həmin
sahənin texniki-texnoloji xüsusiyyətləri nəzərə alınmaqla, minimum xərclərlə
fəaliyyətinə imkan yaratması;
c) təbii inhisarların fəaliyyət göstərdiyi istehsal-xidmət sahələrində, bazar münasibətləri
iqtisadi sisteminə xas olan rəqabət mübarizəsinin, son iqtisadi-sosial nəticələr
baxımından məqsədəuyğun və səmərəli sayılmaması;
d) təbii inhisarların fəaliyyətinin məhdudlaşdırılması, yaxud qadağan olunması xəttinin, iri
məbləğdə investisiyalarla bağlı olub, həmin sahələrin maddi-texniki bazasının,
texnologiyasının, infrastrukturunun yenidən qurulması prosesinin zəruriliyi.
Bu səbəb və özünəməxsus cəhətlər, təbii inhisarların ölkənin təsərrüfat həyatındakı
zəruriliyini şərtləndirməklə yanaşı, eyni zamanda onların işinə təkcə iqtisadi göstəricilər
baxımından deyil, həm də sosial-iqtisadi, habelə milli iqtisadiyyatın təhlükəsizliyi
meyarları nöqteyi-nəzərindən yanaşılsa, bu mühüm istiqamətdə dövlət tənzimlənməsini
irəli sürür. Çünki dövlət tənzimlənməsi, təbii inhisarların fəaliyyətində nəzərə çarpan və
yüksək mənfəət əldə etmək məqsədilə qiymətlərin formalaşmasında, inhisarçılara
göstərilən xidmətlərin keyfiyyətində, vaxt amili hesabına «qənaət rejimi» tətbiq etməkdəki
«kölgəli cəhətlərinin, nöqsanlarının» aradan qaldırılmasında mühüm rol oynayır.
Bazar münasibətləri şəraitində təbii inhisarlarla onun istehsal-xidmət təyinatlı
məhsullarının çoxsaylı istehlakçıları arasında balanslaşdırılmış vəziyyət yaratmaq, səmərəli
və ədalətli tarif dərəcələri müəyyənləşdirmək, istehsal xərclərini minimum həddə
İqtisadi nəzəriyyə
ECONOMICS
124
Q
P=AC
P
P
MR
D
AC
P=MC
0
Təbii inhisar tarazlığı
saxlamaq, maliyyə şəffaflığına nail olmaq, investisiyaların səmərəliliyini yüksəltmək,
normal rentabelliyi təmin etmək, müəyyən rəqabət ünsürləri mühiti yaratmaq baxımından
bu sahədə dövlət tənzimlənməsinin həyata keçirilməsi, onun iqtisadi, inzibati, təşkilatı
metodlarından düzgün, milli iqtisadiyyatın gələcək perspektivlərinə uyğun istifadə
olunması zəruridir.
Nəzərə almaq lazımdır ki, təbii inhisarların fəaliyyət göstərdikləri istehsal-xidmət
sahələrinin iri miqyasları və texniki-texnoloji xüsusiyyətləri ilə bağlı böyük xərclər, xeyli
ilkin kapital qoyuluşları tələb edir. Aydındır ki, hətta istəsə də hər hansı bir sahibkar,
yaxud şirkət bu işlə məşğul ola bilmir. Eyni zamanda təbii inhisarçıların fəaliyyət
göstərdikləri sahələrin son hədd, yəni əlavə hər məhsul vahidi istehsalına sərf etdikləri
xərclər xeyli aşağıdır, azdır. Deməli, ilk mərhələdə böyük məbləğdə kapital qoyuluşları
sərf etmiş təbii inhisarlar, sonralar istehsalın həcmini artırmaq, əlavə məhsul-xidmətlər
buraxılışı hesabına daha səmərəli iqtisadi nəticələrə nail olmaq imkanlarına malikdirlər.
Beləki, tədricən təbii inhisarların orta xərcləri, digər şirkətlərlə müqayisədə, dönmədən
aşağı düşməyə doğru meyl edəcəkdir. Bunu aşağıdakı qrafik təsvirdən görmək olar.
Burada P – tənzimlənən qiymət;
–
təbii inhisarın müəyyənləşdirdiyi tarazlı
qiymət; D – məhsul və xidmətlərə olan
tələb əyrisi; AC – orta xərclər əyrisi; MC –
son hədd xərcləri əyrisi; MR – son hədd
gəlirdir.
Qrafik təsvirdən aydın olur ki, təbii
inhisarların son hədd xərcləri əyrisi (MC)
orta istehsal xərcləri əyrisindən (AC)
aşağıdan keçdiyindən, MC ilə MR (son
hədd gəlir əyrisi) kəsişmə nöqtəsi onların
tarazlığını göstərir. Bu tarazlığın pozulması iqtisadi resursların bölgüsü və ictimai sərvətin
istifadəsi baxımından cəmiyyət üçün səmərəli olmadığından, dövlət bu prosesləri müxtəlif
metodlarla tənzimləyir.
İqtisadiyyatın dövlət tənzimlənməsinin ilk addımları hələ XIX əsrin 80-ci illərində
ABŞ-da atılmış, sonralar XX əsrin əvvəllərindən, xüsusilə 1929-1933-cü illərin dünya
iqtisadi böhranından sonra Avropa ölkələrində də geniş yayılaraq, müxtəlif inkişaf
mərhələləri keçmişdir. Ümumiyyətlə inhisarların, xüsusilə təbii inhisarların maliyyə-
təsərrüfat fəaliyyətinin, qiymət-tariflər sisteminin dövlət tərəfindən tənzimlənməsi üçün
ölkədə müvafiq hakimiyyət orqanları (strukturları), məhkəmələr, müxtəlif federal
kommisiyalar işləyirlər.
XX əsrin 60-70-ci illərində dünya və ABŞ iqtisadiyyatında baş vermiş enerji böhranı,
habelə yeni texnoloji rejimlərə keçidlə bağlı kəmiyyət-keyfiyyət dəyişiklikləri, dövlət
tənzimlənməsi proseslərinə daha ciddi diqqət yetirilməsini tələb etmişdi. O dövrdə ABŞ-da
iqtisadiyyatın dövlət tənzimlənməsi əvvəllərə nisbətən geniş miqyas alaraq, ölkənin ümumi
daxili məhsulunun (ÜDM) 24 faizini təşkil edən istehsal-xidmət təyinatlı müxtəlif sahələri
əhatə etmişdi. Sonralar bu göstərici aşağıya düşməyə doğru meyl etmişdir. XXI əsrin ilk
onilliyində ABŞ-ın ümumi daxili məhsulunda təbii inhisarların xüsusi çəkisi təxminən 4-7
faizdir.
Dostları ilə paylaş: |