İqtisadi nəzəriyyə
ECONOMICS
115
sərf olunmuş xərcləri azaltmaqla, son hədd gəlirini artırmaqdan ibarətdir. Şirkət və
sahibkar bu istiqamətdəki gəlir və xərclərini, habelə onların nisbətini düzgün hesablayıb,
təhlil etməyi bacarmalıdır. Çünki son hədd xərclərinin fərqli dəyişmə dinamikası və
istehsal həcminin artması, qiymətlərin isə aşağı düşməsi meyli, vəziyyəti xeyli
mürəkkəbləşdirir. Ona görə də, qısamüddətli dövr ərzində istehsalın əlavə iqtisadi resurslar
hesabına genişləndirilməsinin optimal variantının müəyyənləşdirilməsi, olduqca mühüm
bir məsələdir. Aşağıda verilən cədvəldən, son hədd xərcləri ilə bağlı, son mənfəət həddinin
istehsalın hansı səviyyəsi üçün səmərəliliyi aydın olur:
Şirkətin son hədd xərcləri (MC) və son hədd mənfəəti (MR) arasındakı nisbət
Məhsul
istehsalının
həcmi (Q)
Hər məhsul
vahidinin
qiyməti (P)
Satış
məbləği
(P×Q)
Son hədd
xərcləri
(MC)
Son hədd
mənfəəti
(MR)
Şirkətin son hədd
xərclərinin (MC)
son mənfəət
həddinə (MR)
nisbəti
6
2
12
11
12
MC11
2
22
9
10
MC15
2
30
8
8
MC=MR
18
2
36
9
6
MC>MR
20
2
40
10
4
MC>MR
Bu rəqəmlərdən aydın olur ki, konkret şirkət üçün onun xərcləri ilə mənfəətinin
uyğunluğu və bərabərliyi 15 vahid məhsul (ədəd, ton, min metr) həddindədir. Hesablama
üsullarından asılı olaraq, şirkətin ümumi xərcləri (TC) və orta xərcləri (AC) nəzərə
alınmalıdır.
Deməli, hər bir rəqib istehsalçı (satıcı) hərtərəfli düşünüb qəti qərara gəlməlidir ki, o
istehsalı davam etdirməyə hazırdırmı, hansı həcmdə istehsal daha səmərəlidir, son nəticədə
mənfəət əldə edəcək, yoxsa müflis olacaqdır?
Şirkət rastlaşdığı problemləri qısamüddətli dövr ərzində həll etdikdə, bir variantda
eyni məhsulun ən keyfiyyətli, alıcıların rəğbətini qazanmış növlərini istehsal etməklə;
yaxud ən aşağı (minimum) istehsal xərcləri sahəsində liderlik strategiyasını həyata
keçirməklə; yaxud da bazarın bir hissəsində (seqmentində), məsələn bahalı avtomobillər,
son dəbdə olar mebel, sifarişlər üzrə hazırlanan paltar, zinyət əşyaları istehsalı və satışında
öz mövqelərini qoruyub saxlamaqla, yaranmış vəziyyətdən çıxış yolu tapa bilir.
Başqa bir variant, yaranmış sərbəst bazar rəqabətinə davam gətirmək və şirkətin
rəqabət qabiliyyətli olduğunu təsdiq etmək üçün istehsal xərclərinin aşağı salınmasıdır.
Bunun üçün istehsalın intensivləşdirilməsi, əmək məhsuldarlığının yüksəldilməsi,
əvəzləyici materiallardan istifadə olunması, işçilərin ixtisarı, əlavə xərclərə yol
verilməməsi, qənaət üsulu kimi müxtəlif vasitələr tətbiq edilir.
Digər və ən son variant isə sahibkarın öz fəaliyyətini dayandırması, şirkətin isə
bağlanması yaxud ləğv edilməsidir. Əslində qısamüddətli dövr ərzində şirkətin və
sahibkarın qarşısında 2 alternativ vəzifə durur: ya müxtəlif vasitələrdən istifadə etməklə,
yaranmış şəraitdə müəyyən miqdarda məhsul istehsal edərək bazardakı mövqeyini
saxlamaq, ya da sahəni tərk edərək, başqa işlə məşğul olmaq. Nə qədər çətin, bəzən ağrılı
olsa da, lakin sosial ədalət meyarları ilə deyil, tələb-təklif, qiymət və rəqabət prinsipləri ilə
idarə olunan bazar münasibətləri sistemi üçün bu adi, hər gün təkrar olunan hadisədir.
İqtisadi nəzəriyyə
ECONOMICS
116
Bu halda, kapitalın hərəkəti qanununa uyğun olaraq, onun bir sahədən digərinə və
əksinə axını prosesi başlayır, rəqabət bazarını tərk edənlərin yerini başqaları tutur, həyat
davam edir, əmtəə-xidmətlərin gah qalxan, gah da enən fasiləsiz istehsalı prosesi ləngisə də
irəliləyir.
Sərbəst rəqabət bazarı şəraitində rəqib şirkət, uzunmüddətli dövr ərzində istehsal
prosesinin bütün amillərini genişləndirmək, təkmilləşdirmək və yenidən qurmaq imkanları
qazanır. Bu dövr fermerə öz torpaq sahəsini genişləndirmək, mebel şirkətinə avadanlığını
təzələri ilə əvəz etmək, turizm-əyləncə mərkəzinə əlavə işçilər cəlb etmək, kimya
müəssisəsinə son texnoloji yeniliklərdən faydalanmaq şansı verir.
Tələb-təklif, bazar qiyməti və rəqabət mübarizəsi şəraitində baş verən bu ciddi
kəmiyyət-keyfiyyət dəyişiklikləri, ilk növbədə müəyyən məbləğdə kapital, sahibkarlıq
qabiliyyəti, konkret şəraitə uyğun düzgün qərarlar qəbul etmək iradəsi ilə bağlıdır.
Məqsəd isə birdir: sahibkarın, fermerin, işgüzar biznes adamının, şirkətin, korporasiyanın
mənfəətini yüksəldib, maksimum hədd çatdırmaq!
Bu əsas məqsədi həyata keçirmək üçün, ölkə qanunlarında və işgüzar biznes davranış
qaydalarında nəzərdə tutulmuş prinsipləri pozmayan bütün vasitələrdən istifadə oluna bilər.
Şirkət öz istehsal sahəsini və məhsul-xidmətlər həcmini genişləndirib-azalda bilər, fermer
öz torpağını satıb, başqa biznes fəaliyyəti ilə məşğul olar, sahibkar kapitalını tamamilə yeni
sahəyə yönəldər.
Sərbəst rəqabət bazarı mühitində bazara daxil olmaq, yaxud onu tərk etmək yolunda
heç bir hüquqi, inzibati və iqtisadi əngəl olmur. Belə şəraitdə işsizlik və inflyasiya
proseslərinə yer yoxdur, yaxud onların əhatə, habelə təsir dairəsi məhduddur.
Uzunmüddətli dövr ərzində şirkət və korporasiya zərərlə işləyə bilmədiyindən, o
bazarı tərk etməli, «oyundan» çıxmalıdır. Belə uğursuz şirkətlərin yerini, rəqabət qanunu
nəticəsində başqaları tutaraq, öz fəaliyyətlərini əvvəlkilərin nöqsan və səhvlərini təkrar
etməmək əsasında qurmağa çalışırlar. Lakin bazar münasibətləri iqtisadi sistemində
fəaliyyət göstərən şirkət və müəssisələrin heç biri, bu cür problemlərdən sığorta
olunmamışlar.
Uzunmüddətli dövr ərzində istehsal xərclərinin bütün ünsürlərində müəyyən
dəyişikliklər baş verir. Bu dəyişikliklər ilk növbədə, istehsalın həcminin artımı ilə bağlı,
orta xərclərdəki dəyişikliklərlə əlaqədardır. Çünki, uzunmüddətli dövrdə istehsal
xərclərinin dinamikası, istehsalın miqyas səmərəliliyi ilə ölçülür. Əgər, istehsalın miqyas
və xərci artırsa, orta xərclər azalmağa doğru meyl edirsə, deməli miqyas effekti müsbətdir.
Bu meyl, əməyin ixtisaslaşdırılması, qənaət rejiminin həyata keçirilməsi və səriştəli
idarəetmə bacarığı sayəsində əldə edilir.
Əksinə, istehsal həcminin dinamik yüksəlişi orta istehsal xərclərini artırırsa, təbiidir
ki, effekt (səmərəlilik) miqyası mənfi olacaqdır. Şirkətin və müəssisənin hədsiz iri
miqyasları, şübhəsiz onların təsərrüfat fəaliyyətinə mənfi təsir göstərəcək, bürokratik
əngəlləri artıracaq, istehsalın ümumi səmərəliliyini aşağı salacaqdır. Eyni zamanda,
istehsalın həcminin artması orta xərcləri azaltmağa doğru dəyişməyəcəksə, o zaman
səmərəlilik miqyası sıfıra bərabər olacaqdır. Bunu aşağıdakı qrafik təsvirlərdən görmək
olar:
Dostları ilə paylaş: |