İqtisadi nəzəriyyə
ECONOMICS
107
rəqabət mübarizəsinin, inhisarların işgüzar əməliyyatlarının məntiqi nəticəsidir. Mənfəətin
nə demək olduğunu belə ifadə etmək mümkündür:
Satış məbləği – Ümumi istehsal xərcləri=Mənfəət
Bu üsulla hesablanmış mənfəətə statistik mənfəət deyilir.
İqtisadi nəzəriyyədə mənfəətin, – mühasibat mənfəəti, iqtisadi (xalis) mənfəət,
normal mənfəət kimi müxtəlif formaları vardır. Həmin formalar bir-birindən öz tərkibi və
hesablanma üsullarına görə fərqlənirlər.
Mühasibat mənfəəti – məhsul satışından əldə olunmuş pul məbləğindən, xarici
istehsal xərcləri çıxmaqla hesablanır:
Satış məbləği – Xarici xərclər=Mühasibat mənfəəti
yaxud: Mühasibat mənfəəti=Satış məbləği – Xarici xərclər
İqtisadi (xalis) mənfəət – məhsul satışından əldə edilmiş pul məbləğindən, bütün
istehsal xərclərini, yəni həm daxili, həm də xarici xərcləri çıxmaqla hesablanır:
Satış məbləği – (Daxili+Xarici xərclər)=İqtisadi (xalis) mənfəət
yaxud:
İqtisadi (xalis) mənfəət=Satış məbləği – (Daxili+Xarici xərclər)
Təsərrüfat təcrübəsində sahibkarlıq və işgüzar biznes fəaliyyətini davam etdirmək
üçün əsas mənbə iqtisadi (xalis) mənfəət sayılır.
Normal mənfəət – hər bir sahibkar və iş adamının elə mənfəət kəmiyyətidir ki,
həmin məbləğ istehsal-xidmət dairəsinin başqa sahələrinə yönəldilsəydi belə, yenə də öz
sahibinə eyni səviyyə də mənfəət gətirə bilərdi. Deməli, normal mənfəət sahibkar, yaxud
da şirkət tərəfindən istehsala qoyulmuş (sərf olunmuş, yönəldilmiş) daxili (gizli,
görünməyən) xərclərə bərabər olan bir kəmiyyətdir.
12.5. İstehsal prosesinin torpaq, əmək, sahibkarlıq qabiliyyəti ilə yanaşı mühüm
amillərindən biri sayılan kapital (K), iqtisadi resurs və məhsul kimi mənfəətin
formalaşmasının əsas mənbəyidir.
Merkantristlərdən başlayaraq, müasir iqtisadi məktəblərin nümayəndələrinə qədər
son 300 il ərzində kapitalın mahiyyəti, vəzifələri, hərəkəti haqqında müxtəlif fikirlər irəli
sürülmüş və izahlar verilmişdir. Kapitalı pul, istehsal vasitələri, mülkiyyət, ictimai
münasibət, toplanmış əmək, manevr etmək imkanı verən vasitə, investisiya imkanları,
bilik, bacarıq, intelekt, ixtisas, vaxt kimi qiymətləndirilib səciyyələndirən fərqli və oxşar
mövqelər vardır.
Ümumilışdirilmiş şəkildə kapital, istehsal fəaliyyəti nəticəsində yaradılmış və əmtəə-
xidmətlərin istehsalı üçün istifadə olunan iqtisadi resurslardır, yaxud kapital əmtəə və
xidmətləri istehsal etmək üçün istifadə olunan avadanlıq və qurğulardır.
Bu fikirlər konkretləşdirilərsə, kapital sahibkarın və şirkətin malik olduğu
aktivlərdir, müəyyən vəsaitlərdir, iqtisadi resurslardır, imkanlardır. Həmin kapital real
formada (məhsul, əşya, bina, tikinti, avadanlıq, dəzgah); pul-maliyyə formasında; hazır
əmtəə-xidmətlər formasında ola bilər.
Real kapital həmişə hərəkətdə olub, istehsal prosesinin 3 ardıcıl mərhələsini təkrar-
təkrar keçir. Bu mərhələlər, müəyyən məbləğdə pul kapitalının məhsuldar kapitala və onun
da istehsal prosesi mərhələsindən keçərək, tədavül dairəsi vasitəsilə yenidən əvvəlki pul
kapitalı formasına, yəni ilkin şəklə düşməsini əhatə edir.
İqtisadi nəzəriyyə
ECONOMICS
108
Kapitalın məqsədi ilə bağlı, onun ardıcıl surətdə bir formadan digərinə çevrilməsi və 3
mərhələni əhatə edən hərəkəti, kapitalın dövranı adlanır. Kapitalın dövranı prosesi
aşağıdakı sxem üzrə davam edir.
Burada P – pul vəsaiti; Ə – əmtəə; İV – istehsal vəsaitləri; İQ – iş qüvvəsi; İ –
istehsal prosesi; Ə – satış çıxarılan məhsul;
P – satışdan əldə olunmuş pul məbləğidir.
Kapitalın dövranının hər 3 mərhələsi bir-biri ilə bağlı olub, istehsal və tədavül
proseslərinin vəhdətindən ibarətdir. Bu proses fasiləsiz xarakter daşıyaraq, vaxtaşırı təkrar
olunduğundan, kapitalın dövriyyəsi adlanır.
Pul kapitalının məhsuldar kapitala çevrilməsi, onun istehsal vasitələri və iş qüvvəsinə
ayrılaraq istehsal prosesində iştirakı, onların hər birinin öz dəyərini məhsulun üzərinə
keçirməsi üsullarının müxtəlifliyi əsas və dövriyyə kapitalı anlayışları ilə bağlıdır.
Əsas kapital dedikdə, məhsuldar kapitalın istehsal prosesində bütünlüklə iştirak edən
və öz dəyərini tədricən, fiziki-mənəvi cəhətdən aşındıqca hazır məhsulun üzərinə keçirən
istehsal vasitələri nəzərdə tutulur. Bu anlayışa istehsalat binaları, texniki tikintilər, müxtəlif
avadanlıqlar, dəzgahlar, maşınlar, qurğular, mexanizmlər daxildir. Əsas kapitalın fiziki
cəhətdən aşınması dərəcəsi, istehsal vasitələrinin istifadə müddətindən, istehsal
proseslərinin intensivliyindən, onların keyfiyyətindən və tətbiq edildikləri sahələrin
konkret texniki-texnoloji xüsusiyyətlərindən, hətta xarici mühitin, ekoloji amillərin
təsirindən də asılıdır.
Əsas kapitalın aşınmasının qarşısını almaq üçün cari və əsaslı təmir işləri
aparılmasının mənbəyi amortizasiya fondudur. Bu kapitalın fiziki aşınması dərəcəsinə
uyğun olaraq, istehsal vasitələrinin dəyərinin pul formasında ödənilməsinə amortizasiya
deyilir. Onun norması, amortizasiya ayırmaları məbləğinin əmək vasitələrinin dəyərinə
olan faiz nisbətiylə ölçülür:
A =
A
Q
∙ 100%
Burada
A – amortizasiya norması; A – amortizasiya fonduna ayırmalar; Q – əsas
kapitalın (əmək vasitələrinin) dəyəridir. Müasir dövrdə dünyanın yüksək inkişaf etmiş
ölkələrində maşın və avadanlıqların fiziki aşınması müddəti 5-7 il, istehsal binalarınkı isə
10-50 il arasındadır. Mənəvi aşınmanın müddəti isə elmi-texniki yeniliklərlə bağlıdir.
İstehsal prosesində iştirak edən dövriyyə kapitalı, məhsuldar kapitalın o hissəsinə
deyilir ki, onun istehlakı prosesində dəyəri bütünlüklə hazır məhsulun üzərinə keçir və bir
dövr ərzində pul formasında tamamilə sahibkara yaxud şirkətə qayıdır. Dövriyyə kapitalına
xammal, yanacaq, materiallar, başa çatdırılmamış və ehtiyatda saxlanan məhsullar, iş
qüvvəsi daxildir.
12.6. İstehsalın səmərəlilik səviyyəsinin iki əks son nöqtələri olan xərclər və mənfəət
arasında dialektik həm də ziddiyyətli qarşılıqlı asılılıq münasibətləri əlaqəsi vardır.
Şirkətin, sahibkarın, fermerin məhsul istehsalını artıraraq, öz mənfəətini yüksəltmək
yolundakı səyləri, tez-gec istehsal xərclərinin də səviyyəsinin artması problemi ilə üzləşir.
Bu ziddiyyətli vəziyyət isə iqtisadi nəzəriyyənin və ümumiyyətlə hər cür təsərrüfatçılıq
P – Ə
İş qüvvəsi (İQ)
İstehsal vasitələri (İV)
....İstehsal (İ)....Ə
1
....P
1
Dostları ilə paylaş: |