İqtisadi nəzəriyyə
ECONOMICS
99
hansı sahələrə (xidmət-turizm, zinyət əşyaları istehsalına) daha artıq diqqət yetirilməsi
zəruriliyini irəli sürməyə imkan vermişdir.
11.5. Ümumiyyətlə istehlakçıların ödəniş qabiliyyətli alıcılıq səviyyəsinə, onların
davranışına ən çox təsir göstərən gəlirləri və bazarda müxtəlif təyinatlı məhsulların-
xidmətlərin qiymətləridir. Lakin, bu iki mühüm əhəmiyyət kəsb edib, istehlakçının
davranış və rəftarına güclü təsir göstərən amillərlə yanaşı, ilk baxışda o qədər də nəzərə
çarpmayan bir sıra elə cəhətlər də vardır ki, onları kənara atmaq mümkün deyildir.
İstehlakçıların yaşadıqları coğrafi mühit, ölkənin təbii iqlim şəraiti, milli adət-ənənə
xüsusiyyətləri, ailə tərbiyyəsi, təhsili, yaşı, cinsi, hansı sosial təbəqəyə mənsub olması,
şübhəsiz onların bazar subyekti və alqı-satqı münasibətlərinin iştirakçısı kimi davranış
mədəniyyətlərinə, rəftarlarına , zövqlərinə təsir göstərir.
Mütəxəssislərin və iqtisadçıların fikrincə, müasir dövrdə istehlakçı zövqünün
formalaşmasına bilavasitə, yaxud dolayı yollarla təsir göstərən amillər qrupu sırasında
aşağıdakıları qeyd etmək zəruridir:
- əmtəə və xidmətlərin keyfiyyəti, ekoloji təmizliyi, insan orqanizmi üçün
təhlükəsizliyi;
- dəb və yeni moda dəyişikliklərinə uyğunlaşmaq psixologiyasının təsiri;
- müxtəlif reklam vasitələrinin məqsədyönlü və fasiləsiz təbliğatı;
- istehlakçıların peşə-sənət və təhsil səviyyəsində baş verən dəyişikliklər;
- istehlakçıların dəyişən yaş və cins xüsusiyyətləri ilə bağlı problemlər;
- istehlakçıların ailə tərbiyyəsi, mədəni səviyyəsi və zövqlərinin formalaşması;
- yaşadığı ölkənin milli adət-ənənələri və mentaliteti;
- işləyib fəaliyyət göstərdiyi şirkət və təşkilatın psixoloji mühit xüsusiyyətləri;
- istehlakçının mənsub olduğu ictimai təbəqənin qayda və davranış qaydaları;
- ailə üzvlərinin, dost-tanışların, yaxın adamların rəy və məsləhətləri;
- kreditə mal satışının təşkili və onun istehlakçı üçün əlverişli şərtləri;
- istehlakçını həvəsləndirən rəğbətləndirici tədbirlər sistemindən geniş faydalanması.
Yuxarıda göstərilən amillərin kompleks şəkildə, yaxud qismən istehlakçının gəliri və
bazardakı qiymətlərlə qarşılıqlı əlaqədə təsiri, alıcıların davranışı, habelə rəftarının
formalaşmasının əsasında durur. Zaman, yaş, yeni dəb və modalar bu prosesdə müəyyən
təbii, qanunauyğun dəyişikliklər yaratsa da, istehlakçı gəliri və qiymətlərin səviyyəsi,
habelə insanların zövqü, mədəni yüksəlişi mühüm amillər kimi öz təsirini həmişə göstərir.
11.6. İnsanların tələbatları nə qədər müxtəlif və sonsuz sayılsa da, lakin hər halda
normal insanların tələbatlarının müəyyən nisbi həddi vardır. Hər bir istehlakçı öz gəlir və
imkanından asılı olmayaraq, istər gündəlik tələbat mallarının (çörək, yağ, meyvə, sabun),
istərsə də uzunmüddətli istehlak mallarının (televizor, soyuducu, mebel, avtomobil) əldə
edilməsində müəyyən bir hədd-hüdud gözləməlidir.
İstehlakçı rəftarının təhlili göstərir ki, onun yediyi qidanın, içdiyi suyun, baxdığı
tamaşanın, dinlədiyi musiqinin təkrar mənasında kəmiyyətinin (miqdarının) artması,
şübhəsiz ümumi fayda, rahatlıq, razılıq, məmunluq, hətta müəyyən ləzzət gətirsə də, lakin
bu əmtəə-xidmətlərin hər sonrakı vahidinin istifadəsinin faydalılıq həddi (əmsalı, utili)
aşağı düşməyə doğru meyl edir.
İqtisadi nəzəriyyə
ECONOMICS
100
İqtisadi nəzəriyyədə bu hadisəyə əmtəələrin və xidmətlərin faydalılıq həddinin
azalması, aşağı düşməsi prinsipi, yaxud qanunu deyilir. Deməli, istehlak olunan əmtəə-
xidmətlərin qiyməti (dəyəri) ilə onların faydalılıq həddi, yəni hər sonrakı şərti miqdar
vahidinin faydalılığı arasında tərs mütənasiblik əlaqəsi vardır. Bu mənada, əmtəə-
xidmətlərdən istifadə prosesində hər sonrakı, təkrar və əlavə istehlak payı (vahidi), onların
faydalılıq həddini, yaxud dərəcəsini, səviyyəsini aşağıya endirir.
Əmtəə-məhsulların faydalılıq həddinin tədricən azalması və aşağı düşməsi qanunu
ilk dəfə alman iqtisadçısı German Qossen (1810-1858) tərəfindən müəyyənləşdirilmişdir.
Qossenin birinci qanununa görə nemətin hər sonrakı, əlavə payı (miqdarı, vahidi,
şərti kəmiyyəti) onu istehlak edən fərd üçün daha az faydalıdır.
Qossenin ikinci qanununa görə hər fərdin (şəxsin, ailənin) istehlak etdiyi nemətlərin
tərkibi elə qurulur ki, onların faydalılıq həddi son nəticə etibarilə eyni olur. Bu bərabərliyə,
istehlakçının tarazlıq nöqtəsi deyilir və riyazi nisbət şəklində belə ifadə olunur:
İ
stehlakçının tarazlıq nöqtəsi =
«A»
qrup məhsulunun faydalılıq həddi
«A»
qrup məhsulunun qiyməti
=
=
«B»
qrup məhsulunun faydalılıq həddi
«B»
qrup məhsulunun qiyməti
Əgər «A» qrup məhsulunun qiymətini 1 manat, dollar, avro və faydalılıq həddini 8
util; «B» qrup məhsulunun isə qiymətini 2 manat, dollar, avro və faydalılıq həddinin 16 util
olduğunu nəzərə alsaq, o zaman bu nisbət belə alınacaqdır:
8 util (əmsal)
1 manat (dollar, avro)
×
16 util (əmsal)
2 manat (dollar, avro)
=
16
16
= 1
Deməli, istehlakçının müxtəlif kombinasiyalarda istifadə etdiyi məhsulların
faydalılıq həddi vahidə bərabər olub eynidir yaxud dəyişməz qalır.
İqtisadi nəzəriyyədə əmtəə-xidmətlərin ümumi faydalılığı ilə bağlı, onların «həyat
dövrü» yaxud «həyat tsikli» anlayışı vardır. İstehlakçıların müxtəlif tələbatlarını ödəyərək,
onların faydalandıqları şeylərin hər birinin normal fəaliyyət dövrü və «öz ömrü» vardır.
Gündəlik tələbat və uzunmüddətli istifadə üçün nəzərdə tutulan malların «həyat dövrü»
anlayışı, onlardan istifadənin ilk anlarından başlayaraq, həmin məhsulların öz fiziki
imkanlarını tam şəkildə başa vurana qədər davam edir. Bu ümumi proses, hər hansı bir
məhsulun istehlakçıya normal istehlak dövrü ilə bağlıdır. Məsələn, orta hesabla minik
avtomobili, televizor, soyuducu, mebel istehlakçıya illərlə xidmət göstərir. Lakin elə ərzaq-
qida və xidmət məhsulları vardır ki, onların «həyat tsikli» bir neçə gün, hətta saatlarla
ölçülür.
Əmtəə-xidmətlərin «həyat dövrü» anlayışı – onların layihələşdirilməsi və
hazırlanması; istehsal və buraxılışına başlanması; bazara çıxarılması və satışının
maksimum həddə çatması; bazarın həmin məhsula olan tələbinin tam ödənilməsi; həmin
əmtəə-xidmətlərə olan tələbin azalması kimi pillələri əhatə edir.
Bu pillələrin hər birində, istehsal olunub satışa çıxarılan müxtəlif təyinatlı ərzaq və
qeyri-ərzaq, qısa müddətli və uzunmüddətli əmtəələrin-xidmətlərin qiyməti, reklam
təbliğatı, satış səviyyəsi fərqli olur. Eyni zamanda məhsulların faydalılığı və «həyat
dövrü» anlayışları, onların fiziki, habelə mənəvi aşınması problemləri ilə də bağlıdır.
Dostları ilə paylaş: |