429
gəraylılarıni ümumiyyətlə, xalq şeiri üslubunda yazdığı şeirlərində əsasən xalq ruhunun hakim olduğunu
desek heç de yanılmarıq.
Zakirin poeziyasında yarından şikayət motivləri də vardır ki, bu tipli şeirlərində şair həm yarından
gileylənir, həm də onu dərdlərinin tək dərman adlandırır. Məs :
Ey cismimin canı, gözümün nuru,
Elədiyim əndü vəfadan utan!
Gecə-gündüz çaxər kimi dərində
Çəkdiyim cövr ilə cəfadan utan! (7.səh 187)
Şairin öz yarına olan sitəmləri o qədər güclü bir vüsət alır ki, Hətta Züleyxa, Şirin Leyli kimi sevgi
simvolları ilə yarım müqayisə edərək birldirir :
Ey bimürvət neyləmişdim sənə mən?
Rahi-ümmidimə döşədin tikən.
Məhəbbət yolunda bəlalar çəkən
Züleyxadan, Şirindən, Leyladan utan! ( 7.səh 187)
Digər bir şeirində isə Q.Zakir məşuqənin öz aşiqini həm dərdə salmasından, həm də ona şəfa
verməsindən söhbət açır. Buna görə də aşiq həm kədərli, həm də şad və nikbin olur. Məhəbbətində sədaqət
və mətanətli olan romantik aşiq öz məşuqəsinin cövrü-cəfasından, onun etinasızlığından və rəhimsizliyindən
incisədə, onları özü səadət və fərəh sayır:
Bir tərəfdən artırır qəm,
Bir tərəfdən edir mərhəm,
Həm öldürür zaxiri, həm
Qaçır haraya gözlərim. ( 7.səh 61 )
Şair sənətkarlığını böyüklüyü sayəsində bir çox qoşmalarında sujetli lirikanın da ən gözəl
nümunələrini yarada bilmişdir. Sadə sujeti olan şeirlərində aşiqin məşuqəyə məhəbbəti tərənnüm olunur.
Lirik-romantik qəhrəman sevgi yolunda nə qədər əzab və iztirab çəksə bədbinləşmir, onun ümidi daima
yaşayır.
Dün düşdü güzarım yarın kuyinə,
Dərdi qəm cevrəsin alıbdı gördüm
Soruşdum əhvalın, cavab vermədi
Gözləri yaş ilə dolduğun gördüm
Ahu-zar çəkməkdən yox olub var ,
Ayinəsin tutmuş möhnət qubarı
Əyyami-xəzana dönüb baharı
Saralıb gül rəngi solubdu gördüm . ( 7.səh180 )
Zakirin sənətkarlığına məxsus xüsusiyyətlərindən bəhs edən Əli Saləddin yazır: “ Zakirin şeirləri xalq
musiqi havaları ilə oxunsaydı, şairin özünün dediyi kimi, bu şeirləri aşıqların yaratdığı poetik parçalardan
seçmək mümkün olmazdı. Ona görə ki, həmin şeirlərin mayasında aşıq sənətindən gələn xüsusiyyətlər
çoxdu. Dil, ifadə, üslub, oxşatmalar həm Zakirdə, həm də aşıq sənətində eynilik təşkil edir. Bu qarşılıqlı
əlaqə Zakiri bir xalq şairi səviyyəsinə çatdırmışdır. ( Əli.S.səh 19 )
Xalqın içərisindən çıxan Zakir qoşmalarında gözəllərin tərəfində böyük ustalıqla vermişdir. Zakirin
lirik qəhrəmanı yüksək, saf, estetik duyğularla yaşayan, sözün əsil mənasında gözəlliyə pərəstiş edən bir
obrazdır. O həm gözəllərin mənəvi, əxlaqi, zahiri görkəmindən gözəlliyindən yazmış, həm də sifətlərin
olmasının zəruriliyindən danışmışdır. Şair təsvir etdiyi gözəlləri quru, cansız deyil, mənəvi keyfiyyətləri,
onlara bəslədiyi yüksək münasibəti, adət və ənənələri ilə birlikdə təsvir etmişdir. ” Onun gözəlləri “ əhdi
dürüst„ “ iqrarı möhkəm „ “məkr, hiylə bilməyən " , həyalı, namuslu, məhəbbətində sədaqətli, hünərli və
insanlardır. ( 4, səh 212 )
Gəzmişəm cahanı mən, görməmişəm
Sənin kimi gözəl ellər içində.
Bərabərin yoxdu huri-pəridə,
Tək düşübsən mələk-mənzər içində
Zərrəcə eyib yox al yanağında
Qaşında, gözündə, tər buxarında
Sənəmlər oturmuş solu-sağında
Sən məni tapassan ülkər içində ( 7.səh 89)
430
Digər bir qoşmasında isə gözəlin xarici gözəlliyi ilə ağlını vəhdətdə verərək, təsvir etdiyi gözəli bütün
təbiətdən, dünyadan, cahandan daha da üstün tutur.
Müdrik ola, aqil ola əhli-hal
Bilməyə ki, nədir nərgiz məxrüd,
Dişi gövhər, ağzı şəkər, dili bal,
Dodaqları qənddi-müxərrər gözəl. ( 7.səh 224 )
Gözəlin canlı təsvirini verən şux qoşmaları ilə Zakir öz sələfi Vaqifə yaxınlaşır. Lakin onun
qoşmalarının əksəriyyəti həqiqi məhəbbəti və aşiqin ruhunu tərənnüm edən şeirlərdir ki, Zakir yaradıcılı-
ğındakı ən səmimi lirikanı bunlarda görmək mümkündür. Qasım bəy Zakirin qoşmalarının orijinallığı və onu
M.P.Vaqifdən fərqləndirən cəhətlərin ən başlıca isə Zakirin qoşmaları ruh və zövq etibarı ilə aşıq şeirinə
daha yaxın olmasındadır. Həmçinin Q. Zakirin şeirlərində lirik qəhrəmanın ehtrasları daha örtülü və pərdəli
ifadə edilir. Həmçinin Zakirdə “ Lirik qəhramanı gözəllik və onun aşiqini romantik tülə bürünmüş ovqatı,
yaşantıları dərdli könlü, həsrət, intizar, və xəbəri şəxsi motivlə yaşaması, məzmun və mahiyyət kəsb edir, bu
iztirabların daha da ictimai- sosial səbəblərdən yaranması əsaslandırılır ”. ( 1, səh.153)
Zakir məhhəbət və gözəlin tərifini təkcə qoşmalarında deyil, gəraylarında ifadə etmişdir. Şairin
gəraylıları ruh, məzmun etibarı ilə şifahi xalq ədəbiyyatına daha çox yaxındır. Hətta gəraylılardan
möhürbəndlər olmasa, xalq yardıcılığı nümunələrdən fərqləndirmək olmazdır.
Hər aşiqin bir yarı var,
Əlamətdi mənim yarım
Başdan ayağa naz ilə
Nəzakətdi mənim yarım. ( 7.səh250 )
Şair gəraylıların nadir nümunələrini yazılı ədəbiyyatda yartmışdır, həmin nümunələrdə şifahi xalq
ədəbiyyatının deyimləri, simvolları həddindən çoxdur.
Hanı Şirin, hanı Leyli
Var idi aşiqə meyli.
Dərhdən getdi gileyli
Keçən dövrana bir baxmaz. ( 3, səh 181 )
Bu nümunədə şifahi xalq ədəbiyyatında geniş yayılmış Şirin, Leyli adlarına rast gəlirik. Həmin adlar
dillər əzbəri olmaqla özlərində müəyyən qisim əxlaqi keyfiyyətləri və insan taleyini əks etdirir. Zakir həmin
adların simasında fikrini daha aydın ifadə etmişdir. Onu da qeyd etmək lazımdır ki, Q.Zakirin ədəbi
ictimaiyyətə iyirmi bir gəraylısı məlumdur.
“ Zakirin gəraylıları daha çox sevgi-məhəbbət, öyüd-nəsihət, dünya və insan haqqında fəlsəfi
düşüncələr və.s. bu kimi məzmun daşıyır. “Bəhri bəlaya qərq oldum ”, “ Bilməm keçid hörməliyəm ”, “
Gözəl çox olur sevdiyim ”, “ Nə müddətdir dost yolları „ və.s kimi gəraylıların hər biri poetik baxımdan
mükəmməldir və janrın klassik nümunələri səviyyəsindədir. ” (1 , səh. 191)
“Keçdi növbəti-zimistan „ misrası ilə başlanan gəraylı şairin canlı təbiətini tərənnümünə həsr edilmiş
ən şux və gözəl şeirlərdəndir. Şeirdə qışın getməsi, aləmə həyat verən bahar fəslinin gəlişi təsvir olunur.
Zakir lirik qəhramanın eşqini şiddətini bildirmək üçün qışla yazı qarşılaşırır, yaz fəslində təbiətin və
canlıların şad-xürrəm olduqları bir vaxtda aşiqin dərdinə çarə tapılmadığını, onun yara həsrət qaldığını, hər
yer baharın hökm sürdüyünü, yalnız aşiqin məhəbbətlə dolu ürəyində hələdə qış olduğunu söyləyir.
Keçdi növbəti-ximistan,
Yenə fəsli bahar oldu.
Əndəbi binəvanın
Sənəti ahu- zar oldu. (6.səh242)
Ümumiyyətlə, Q.Zakirin gəraylıları məna və məzmununa, bütövlükdə aydınlığına, xalq ruhuna
yaxınlığına, məzmunu və fikir dərinliyinə görə fərqlənir. Şair gəraylılarında gözəldən, gözəllikdən
danışsada, bütövlükdə şəxsi, ictimai mənaları aşılamışdı. Zakirin gəraylılarında vəsf etdiyi gözəllik və
məhəbbət aşiq poeziyasındakı gözəlləmələrdə olduğu kimi həyatıdır, canlıdır, düşündürücü və təsirlidir.
Qasım bəy Zakir xalq şeiri üslublu şeirlərində gözələ öz zəif, incə hiss və duyğularını bildirməklə
kifayətlənmir, həm də özünə qədər ki, qoşma və gəraylılardan fərqli olaraq onun dövrə, zamana, ictimai-
sosial mühitdə münasibəti, ictimai əhval-ruhiyyəsində qabarıq şəkildə ifadəsini tapır. “ Gözüm yolda qaldı,
könül intizar”, “ Dost yolu bağlandı, ümid kəsildi “, “ Qadir ALLAH səbəb sala araya “, “ Dost yolunda cəfa
çəkdim, can üzdüm ”, “ Nə müddətdir, iştiyaqın çəkdiyim „ , “ Fələk səndə nə adətdir „ misraları ilə başlanan
qoşma və gəraylılarında ictimai-sosial məzmunu diqqəti cəlb edir. Bu şeirlərdə çərxin sitəmindən, dövrün
zülmündən, zalım fələyin qana susmasından, taleyin ədalətsizliyindən şikayət edilir. İctimai-siyasi
məzmunlu şeirlərdə daha çox fələyə müraciət forması vardır. Məlumdur ki, istər şifahi ədəbiyyatımızda, istər