444
EVLADLARA
(9-cu il Hökmü)
9-cu İlimiz Səfər İli olacaq...
Amal Xurcunu çiyninizdə,
Əməl Ağacı əlinizdə,
Mütləq İşığı qəlbinizdə,
Ailə Sorağı dilinizdə Yol gedəcəksiniz.
Nur aparıb Uğur gətirəcəksiniz.
19 Mərhəm günü, Günəş Ayı, 9-cu il. Bakı.
AMAL EVİ
Amal Evi yaranmalıdır.
Ayda bir dəfə Evladlar Amal Evinə yığışmalıdır, Ataya, Mütləqə, Amala
sitayiş etməli, Atadan, Mütləqdən, Amaldan Güc almalı, Amallaşma
Birliyinə çatmalıdırlar:
İdrak İşıqlanır, Mənəviyyat İşıqlanır, İradə İşıqlanır..., Müqəddəs
Kitablar oxunur, Müqəddəs Kitablara Söz deyilir. Ruh Göylənir.
Məsullar – təşkilatca: Safruh, Sadiqim, Əsil, Halal;
bədiyyatca: Safruh, Qəlbi, Özümlü.
Evladların hamısı Ruhani Evin tikilməsində Əməl göstərir.
Amal Evi 10-cu il Bayramında Ataya təqdim olunur.
TƏBİƏTLƏŞMƏ
Dağda dözüm var, vüqar var, səbr var...
Dağdan dözüm öyrənməli, vüqar öyrənməli, səbr öyrənməli...
Dağla görüşməli – Dağa qovuşmalı.
Suda təmizlik var, dirilik var, axarlıq var...
Sudan təmizlik öyrənməli, dirilik öyrənməli, axarlıq öyrənməli...
Suyla görüşməli – Suya qovuşmalı.
Ağacda Böyümə var, bərəkət var, köklük var...
Ağacdan böyümə öyrənməli, bərəkət öyrənməli, köklük öyrənməli...
Ağacla görüşməli – Ağaca qovuşmalı.
Göydə ucalıq var, şəfqət var, ülviyyət var.
Göydən ucalıq öyrənməli, şəfqət öyrənməli, ülviyyət öyrənməli...
Göylə görüşməli – Göyə qovuşmalı.
Çətin məqamlarda Dağa, Suya, Ağaca, Göyə üz tutmalı; Dağdan,
Sudan, Ağacdan, Göydən keçməli; Dağ, Su, Ağac, Göy Sözü Yaratmalı,
Yaşatmalı; Dağ, Su, Ağac, Göy Qohumluğu Yaratmalı – Yaşatmalı.
Mərasimləri Dağ ətəyində, Bulaq, Çay, Dəniz üstündə, Meşədə,
Bağçada, Göy altında keçirməli...
445
RUHANİ YERLƏR
Dağ ətəyi tapın – Mərasimlərimiz üçün. Ruhaniləşsin!
Dəniz, Çay, Bulaq üstü tapın – Mərasimlərimiz üçün. Ruhaniləşsin!
Bağ, meşə tapın – Mərasimlərimiz üçün. Ruhaniləşsin!
Ulduzlu Göy tapın – Mərasimlərimiz üçün. Ruhaniləşsin!
27 Qismət günü, Günəş Ayı, 9-cu il. Bakı.
“ATA GÜNÜ” BAYRAMI HAQQINDA
1. Mərasim baş tutdu. Evlad ləyaqəti, Səfər qətiyyəti təsdiq olundu.
2. Sadiqimin uğurlu təşkilatçılıq əməli təqdir olunur.
3. Nisbilik: Vaxt intizamının pozulması, sonda mərasimin adiləşməsi.
Mərasim Müqəddəsliyi Ruhani Yetkinlik yetirir!
26 Ata Ayı, 9-cu il.
EVLADLARA
Qardaşınız Safruhun “Ata İşığında” Kitabını öyrənin, öyrədin, Sabaha
çatdırın.
10 Murad günü, Xəzan Ayı, 9-cu il. Bakı.
FİKİR YÖNÜ
Ata Buyuruğundan Kənar, Hərcayi Fikir ardınca getmək – İdraki
Azmadır – Evladsızlığa aparan.
İdraki Azma – Amala Yağılıqdır, Şərə yalmanmaqdır, Günahdır – Ata
Qeyzinə layiq!
5 Mərhəm günü, Yağış Ayı, 9-cu il. Bakı.
AMAL ADI
Amalımız “Asif Ata Ocağı” adlanır.
23 Murad günü, Od Ayı, 10-cu il. Bakı.
YÖN
Beynəlmiləlçilik – İmperiyaçılıq.
Millilik – Antiimperiyaçılıq.
19 Dözüm günü, Xəzan Ayı, 10-cu il. Bakı.
Əbil, Vələddin, Əminə öz istəkləriylə Ocaqdan çıxırlar, Uluslu, Layiq,
Göylü Yükündən azad olurlar.
***
446
Arif, Ədalət, Vidadi, Asif, Loğman, Həsən, Gülzar, Bayram, Azər
9
öz
istəkləriylə Ocaqdan çıxırlar, Evlad Yükündən azad olurlar.
***
Ata Ayı, 11-ci il. Bakı.
İlqar
10
öz istəyiylə Ocaqdan çıxır, Evlad Yükündən azad olur.
***
Ocaqdan çıxarılan, çıxan – Ocağa qayıtmır.
***
Ailə Mərasimlərində Ata Mütləqiliyinə ən cüzi xilaf olarsa – Mərasim
dayandırılır, günahkar Ocaqdan çıxarılır.
18 Arzu günü, Ata Ayı, 11-ci il. Bakı.
***
Evladlar arasında Dedi-Qodu Ocağa xəyanət sayılır və Dedi-Qodu
iştirakçıları Ocaqdan çıxarılır.
22 Qismət günü, Ata Ayı, 11-ci il. Bakı.
***
ÖZÜYLƏDÖYÜŞ YAZISI
Evladlar Özüylədöyüş yazısı yazmalıdırlar – Gündəlik, Aylıq, İllik,
Ömürlük.
“Mən kiməm?” – Sualına cavab vasitəsiylə özünü tanımalı; “Bu gün
mən necə yaşadım, hansı naqisliyimdən azad oldum; hansı məziyyət
qazandım?” – Sualına cavab vasitəsiylə özünün Ruhani Halını müəyyən
etməli; Aylıq, İllik, Ömürlük özünümüşahidələr əsasında Kamillik Yolunun
məqamlarını qiymətləndirməli; ardıcıl surətdə İnsanlaşmalı. Yazı Ata Gü-
nündə Ataya təqdim edilməli, Ailə Mərasimlərində oxunmalıdır.
Özüylədöyüşsüzlük – Evladsızlıq sayılır.
(İLK YARPAQ TÖKÜMÜ...)
11
Xalq Cəbhəsi – Mahiyyətcə Hökumətin sərbəst kölgəsi olduğundan,
Mitinq – mahiyyətcə Şərə yarayan Küçə tamaşası olduğundan – onlarda
iştirak eləmək Ocağa Xəyanət sayılır və xəyanətkar Ocaqdan çıxarılır.
9
Arif – keçmiş Qeyrət, Ədalət – keçmiş Qala, Vidadi – keçmiş Elmən, Asif –
keçmiş Dayaq, Loğman – keçmiş Yüksək, Həsən – keçmiş Özül, Gülzar – keçmiş
Bulaq, Bayram – keçmiş Fərəh, Azər – keçmiş Mətin.
10
İlqarın Ocaqdakı adı – Uluyol idi.
11
Adlandırma Safruhundur.