391
EVLADIM SOYLUNUN TƏMSİL ETDİYİ
ATA AİLƏSİNİN HESABATI HAQQINDA
1. Hesabat Təqdir olunur.
2. Özüylədöyüş – İşıqçılıq Vəhdətinə nail olmaq.
3. Mütləq Səcdə – Mütləq İntizam – Mütləq Doğmalıq Vəhdətinə nail
olmaq.
4. Ocağa Evlad gətirmək.
Qaranlıqlar Yarılsın!
29 Mərhəm günü, Çiçək Ayı, 15-ci il. Bakı.
EVLADLIQ MƏRASİMİ HAQQINDA
1. Mərasimin Məzmunu:
Evladların Ocaqçılıq hesabatları: – Amallaşma, İnsanlaşma,
Xalqlaşma.
Evladlığa Qəbul.
Ata Sözü.
Ruhani Sənədlər.
2. Mərasimin yazısı Safruha tapşırılır.
3. Yazı İşıq Ayının 25-də Ataya Təqdim olunur.
EVLADLARIN HESABAT–İZHAR ƏMƏLİ
Amallaşma İzharı:
Mütləqə İnamı nə səviyyədə Özümləşdirmişəm?
Özüylə Döyüşü nə səviyyədə Özümləşdirmişəm?
Ruhani Cəmiyyət İdealını nə dərəcədə Özümləşdirmişəm?
Müstəqil Vətən İdealını nə dərəcədə Özümləşdirmişəm?
Özümlü Şərq İdealını nə dərəcədə Özümləşdirmişəm?
İnsanlaşma İzharı:
Vicdançılığa nə səviyyədə Yüksəlmişəm?
Təmənnasızlığa nə səviyyədə Yüksəlmişəm?
Fədakarlığa nə səviyyədə Yüksəlmişəm?
Xalqlaşma İzharı:
Öyrəndiyimi nə dərəcədə öyrətmişəm?
17 Arzu günü, İşıq Ayı, 15-ci il. Bakı.
EVLADIM ƏRRUHA
Dünya Pulçuluğa qurşanıb – Dünyanın xilası Ruhçuluqdur.
Dünya Siyasətçiliyə qurşanıb – Dünyanın xilası İnsançılıqdır.
Dünya Dinçiliyə qurşanıb – Dünyanın xilası İnamçılıqdır.
Ruh Ərləri gərək Yurdumuza, Şərqimizə, Dünyamıza.
Mütləq İnam Ərləri.
392
Mütləq İdrak Ərləri.
Mütləq Mənəviyyat Ərləri.
Mütləq İradə Ərləri.
Özüylədöyüş Ərləri.
Ruhani Cəmiyyət Ərləri.
Müstəqil Vətən Ərləri.
Özümlü Şərq Ərləri.
“Ərruh” adını sənə halal eləyirəm.
Adına layiq ol!
Qaranlıqlar Yarılsın!
Yükümüzdən Böyük Fərəhimiz yoxdur!
(Bu adı alacaq şəxs adı aldı, Evlad oldu və Ocaqdan çıxdı. Həyat-
dakı ad-soyadı bilinmədiyinə görə Ocaqdan çıxmağı barədə Ruhani
Hökm yazılmadı).
EVLADIM ELUCANIN TƏMSİL ETDİYİ UNİVERSİTET
ATA AİLƏSİNİN HESABATI HAQQINDA
1. Hesabat Təqdir olunur.
2. Ailə Yüksəlişə nail olub.
3. Bədiyyatla Təmas davam etdirilsin – Ədəbi məclisdən fərqli şəkildə.
4. Vicdançılıq, Təmənnasızlıq, Fədakarlıq Kamilliyinə çatmağa
yönəlsin Ailə Əməli.
5. Müqəddəsat daha dəqiq öyrənilsin.
6. Dərgi bərpa edilsin.
ASİF ATANIN “QANAD” AİLƏSİNİN “FİKİR EVİ”NƏ XEYİR-DUASI
Evladlarıma Müqəddəslik Ucalığı Tələbiylə
Ürəyinizdə Günəş olsun!
Qoy “Fikir Evi”nə gələnlər bilsinlər ki, əgər dünya əvvəlki kimi siyasətə
tapşırılacaqsa, Ruhaniyyata tapşırılmayacaqsa – o, məhv olacaq!
Qoy “Fikir Evi”nə gələnlər bilsinlər ki, əgər dünya maddiyyatçılığa
tapşırılacaqsa, İnsaniyyatçılığa tapşırılmaya-caqsa – o, məhv olacaq!
Qoy “Fikir Evi”nə gələnlər bilsinlər ki, əgər dünya əvvəlki kimi dinə
tapşırılacaqsa, İnama tapşırılmayacaqsa o, məhv olacaq!
Dünyanın dünya səviyyəsində xilası yoxdur.
Dünyanın dünyadan üstün səviyyədə xilası var.
Gərək dünya Vicdançılıq əsasında təzədən qurulsun və bu qurum İn-
sanın daxilində, ağlın və ürəyin əməlində yaşasın.
Siyasət – Vicdançılıq tanımır. Siyasətdə İnsan özünə sahib olmur.
Siyasət həmişə İnsandan keçir. Və Mahiyyətcə cəzaçılıq Vicdançılığı
rədd eləyir. Bu səbəbdən də cani cəzalandırılır, cinayət yaşayır.
393
Siyasət – Təmənnasızlıq tanımır. Siyasət – özü təmənna əməlidir,
mənfəət və fürsət əməlidir.
Siyasət – Fədakarlıq tanımır, faydalıq tanıyır.
Siyasətin yaratdığı dünya – göz qabağındadır.
Tamam başqa dünya yaranmalıdır – İnsan üstə köklənən.
Maddiyyatçılıq – Maddiyyatın İnsan üzərində hakimliyidir; vasitənin
məqsədə çevrilməsidir.
Maddiyyatçılıqda İnsan özündən ayrılır; ömrünün, gününün yönü,
ahəngi zahiriyə, keçiciyə pərçimlənir və İnsani Dünya öz ahəngini itirir,
yönünü azır.
Ruhani Dünya gərəkdir İnsana. Yəni İnam Dünyası, İdrak Dünyası,
Mənəviyyat Dünyası, İradə Dünyası.
Din – yalançı inamdır, cəfəngiyyatçı inamdır, cənnətçi inamdır,
cəhənnəmçi inamdır, İnsanı alçaldan inamsızlıqdır.
Dünya İnam üstə köklənməlidir.
İnsanın Mütləqiliyi təsdiq olunmalıdır.
Onun üzərindən xurafat hakimliyi götürülməlidir.
Allah hökmdarlığı, qorxusu ləğv olunmalıdır İnsan həyatından
həmişəlik. Həm də ateizm hərcayiliyi silinməlidir həyatdan!
Qoy “Fikir Evi”nə gələnlər bilsinlər ki, Ocaq Tələbi var – tarixin fövqün-
də, bugünkü Qərbçiliyin, İslamçılığın fövqündə.
Çətin Uğurlar Ocağı Tələbi var; Məşəqqətli Yol Ocağı Tələbi var.
Dünyanı, Zamanı ötmək Tələbi var – Qədimliyimizdən gələn;
Əzəli, Əbədi, Sonsuz, Kamil Ocaq Tələbi.
Ölkəmizin Ocaqyurd səviyyəsi Tələbi var.
Qaranlıqlar Yarılsın!
28 Qismət günü, İşıq Ayı, 15-ci il. Bakı.
ODQORUYANLAR ƏMƏLİ
Evladlarım – Yurdçunun, İnamçının, Ruhçunun, İşıqlının timsalında
Odqoruyanlar Əməli yaranır.
31 Arzu günü, İşıq Ayı, 15-ci il. Bakı.
BEYLƏQAN AİLƏSİNİN FİKİR EVİNİN HESABATI HAQQINDA
1. Beyləqanda Ruhani hünər ərəfəsi yaranır – Qaranlıqları Yaran.
2. Həmin ərəfədən İrəliləmək – Hünərə çatmaqdır.
Həmin ərəfədən geriləmək – hünəri itirməkdir.
1 Şölə Ayı, Ümid günü, 15-ci il. Bakı.