147
buraxılmayan Türkiyə Rusiya ilə yaxınlıq edərsə, böyük ərazisi və
iqtisadi potensialı olan, lakin az sayda əhaliyə malik olan
Rusiyada Türkiyə vətəndaşları üçün böyük imkanlar yaranar.
Rusiya ərazisinə sərbəst gediş-gəliş imkanları artar. Bir məsələni
unutmaq lazım deyil ki, öz ərazisində 20 milyondan çox
müsəlmanın yaşadığı Rusiyada müsəlman dininə böyük hörmət
göstərilir. Ümumiyyətlə, katolik xristianlardan fərqli olaraq,
pravoslav xristianlarla müsəlmanlar arasında bir qədər yaxınlıq
mövcuddur. Bu baxımdan da Türkiyənin Rusiya ilə əməkdaşlığı
mümkün olar. Eləcə də İranla Rusiyanın da əməkdaşlığı hərbi-
siyasi və iqtisadi ittifaq çərçivəsində reallığa çevrilər.
Beşincisi, Rusiya ilə yüksək səviyyəli əməkdaşlıq Türkiyənin
türk dünyasına inteqrasiyasına çox kömək edər. Qəbul etmək
lazımdır ki, Türkiyənin bugünki zəif gücü, texniki, iqtisadi və
siyasi imkanlarının məhdudluğu və eləcə də dünya siyasətində
geniş iştirak edə bilmək imkanlarının olmamasına görə, bu dövlət
türk dünyasının siyasi cəhətdən bütövləşməsini həyata keçirə
bilmir. Bu baxımdan da Türkiyənin gələcək hərbi-siyasi və
iqtisadi qüdrəti ABŞ və Qərbi Avropa ilə yaxınlıqdan asılı ola
bilməz. Əksinə, Türkiyə çox şeyləri itirir.
Altıncısı, Rusiya, Türkiyə və İran arasında hərbi-siyasi
birliyin yaradılması və bu birlikdə Azərbaycanın iştirakı ilə islam
dininin Avrasiyada daha da güclənməsinə gətirib çıxara bilər. Belə
ki, katoliklər tərəfindən soyuq qarşılanan pravoslavlar (xüsusilə
ruslar) da öz arxalarında daha çox müsəlmanları görə bilərlər. Bir
də tarix sübut edir ki, slavyanlarla türklər uzun əsrlər boyu
qonşuluqda yaşayıblar. Düzdür, tarixən türklərlə slavyanlar
arasında müharibələr olsa da, onlar arasında sıx əlaqələr də
mövcud olubdur. Rusiya ilə Türkiyə arasında siyasi birliyin
mövcudluğundan Türkiyə ehtiyat edə bilməz. Belə ki, Rusiya
əhalisi az olduğundan bu amil gələcəkdə artan əhalisi olan
Türkiyə üçün qorxulu amilə çevrilə bilməz. Rusiya Türkiyəni
özündən əhali baxımından asılı edə bilməz. Bir məsələni unutmaq
olmaz. Türkiyə ilə Rusiya arasındakı yaxınlıq bir neçə onillikdən
sonra Rusiya ərazisində türkkökənli xalqların nüfuzunun həddən
148
artıq artmasına gətirib çıxara bilər. Türklərlə ruslar arasında geniş
qohumluq yaranar ki, bu da nəticədə Rusiya ərazisində türklərin
təsirlərini daha çox artırar. Türkiyə-Rusiya ittifaqı həm də
Rusiyaya Çindən gözlənilə biləcək təsirlərin qarşısını ala bilər.
Türkiyə vətəndaşları Rusiya qədər heç bir Avropa və ya dünya
ölkəsində böyük nüfuzlar əldə edə bilməzlər. Rusların da qərbi
avropalılara nisbətən türklərə böyük rəğbətləri vardır. Ruslar
gələcəkdə öz ərazilərində çinlilər və ingilisləri görməkdənsə,
türkləri görməyə üstünlük verərlər. Türkiyə bir neçə onillikdən
sonra əhalisi azalan Rusiyada böyük təsirlər əldə edə bilər.
Azərbaycan Türkiyə-Rusiya ittifaqında birləşdirici məkan, güc
rolunu oynaya bilər.
Yeddincisi, Regionda hərbi-siyasi ittifaq yaranarsa, böyük bir
coğrafi məkanda iqtisadi məkan da formalaşar. Hətta bir neçə
müddətdən sonra vahid pul siyasəti də həyata keçirilə bilər ki,
Türkiyə bu imkanlardan geniş faydalana bilər.
Səkkizincisi, ittifaqın yaradlıması Rusiya üçün də xeyirli olar.
Rusiya hesab edər ki, onun cənub sərhədlərində İran və Türkiyə
kimi onunla bir ittifaqda olan böyük dövlətlər vardır. ABŞ-dan
olan təhlükə tamamilə azalar. İttifaqın yaradılması ilə ABŞ-ın Ön
Asiyaya, Cənubi Qafqaz və Xəzər regionuna girişinin qarşısı
qismən alınar.
Doqquzuncusu, belə bir ittifaqın yaradılması ilə NATO-ya
alternativ olan, hətta ondan hərbi cəhətdən cox güclü ola bilən,
keçmiş SSRİ-dən də böyük potensiala malik olan yeni bir hərbi-
siyasi qurumun yaranmasına səbəb olar. Bu quruma sonra Çin də
dəstək verə bilər. Qurum yaranarsa, NATO yalnız ABŞ, Kanada
və Qərbi Avropa məkanında qala bilər, yəni öz əvvəlki sərhəd-
lərinə çəkilər. Nəticəsi də Rusiya, İran və Çin üçün əlverişli olar.
Onuncusu, Rusiya öz ticarət məhsulları üçün geniş bazarlar
əldə edər və iqtisadi cəhətdən güclənər.
Onbirincisi, İttifaq dünya enerji mənbələri üzərində geniş
nüfuza sahib olar, neftin qiymətinə təsir imkanları əldə edər,
Rusiyanın Qərbə enerji təzyiqləri artar. Nəticəsi də Rusiyanın
xeyrinə olar.
149
Onikincisi, İrana ABŞ-ın təzyiqləri tamamilə minimuma enər.
Təhlükə aradan qalxar və İran da iqtisadi cəhətdən güclənər və tez
bir zamanda nüvə dövlətinə çevrilər (regionda qarşılıqlı balans
yaratmaq naminə).
Onüçüncüsü, Cənubi Qafqaz bögəsində sabitlik əldə olunar,
Azərbaycanın ərazi bütövlüyü təmin olunar.
Ondördüncüsü, ABŞ-ın Qara dənizə girişinin qarşısı alınar.
ABŞ-ın beynəlxalq münasibətlərdə mövqeyi zəifləyər və dünya
siyasətində aparıcı təsirləri aşağı enər.
İttifaqın yaradılması çox böyük zaman, siyasi iradə və böyük
zəhmətlər hesabına əldə oluna bilər. İttifaqın yaradılmasının
mümkünlüyünü zəruri edən amillər içərisində coğrafi yaxınlıq,
tarixi bağlılıq, adət-ənənə oxşarlıqları, dil oxşarlıqları, dini
amillər, dövlətlərin bir-birindən inkişafına görə kəskin
fərqlənməyən cəmiyyətləri, avrasiyaçılıq (xüsusilə, asiyalılıq,
şə
rqlilik) kimi amilləri göstərmək olar.
Cənubi Qafqazın da daxil olduğu hərbi, iqtisadi və siyasi
ittifaqı 1+2+3+5+2 formatı əsasında formalaşdırmaq olar. Burada
1- Rusiya, 2-Türkiyə və İran, 3-Azərbaycan, Gürcüstan və
Ermənistan, 5-Qazaxıstan, Özbəkistan, Türkmənistan, Qırğızıstan,
Tacikistan, 2-Ukrayna və Belorusu göstərmək olar. Hərbi, iqtisadi
və siyasi ittifaqın adını RTİ-CASCUB adlandırmaq olar. Eləcə də
ittifaqa “Böyük” adını vermək olar. İttifaq bir böyük güc mərkəzi,
iki regional orta güc mərkəzlərinin iştirakı ilə yaradıla bilər.
İttifaqdakı format belə də adlana bilər: 1+2+10. İttifaqın ümumi
pul vahidini də gələcəkdə buraxmaq olar. İlkin mərhələdə iqtisadi
və mədəni məsələlər bu ittifaqda öz həllini tapar. Sonra isə ittifaq
hərbi-siyasi quruma çevrilə bilər.
Yazılma tarixi 01 dekabr 2009-cu il
Dostları ilə paylaş: |