|
![](/i/favi32.png) Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 32/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
Bir ananın qarğışı
Bu dünyanı tərpədər.
Milyon ana ah çəkər
Bir övlad günahından.
Dünya qara geyinər
Bir ananın ahından.
Hara gedir içindən
Yana- yana dünyamız?
Analar istəyincə
Kaş dolana dünyamız.
ANA HƏDİYYƏSİ
Anam namaz üstə əl açıb göyə
Allaha yalvarır «ya Rəbbim!»- deyə:
- Sənsən xəlq eliyən bu göyü, yeri,
Candan şirin olur bala, ay allah.
Sən mənim ömrümdən kəsib illəri,
Balamın ömrünə cala, ay allah!
Bu nədir? Arzuya, diləyə bir bax,
Gör bir nələr keçir ana qəlbindən?
Çoxdur bu dünyada hədiyyə… ancaq
Ömürdən hədiyyə görməmişəm mən.
İstərəm, bir ana, bir bala sözü
Lüğətdə sözlərin önündə gedə.
Uca olduğundan ananın özü
Ucadır, böyükdür hədiyyəsi də.
Çoxdur hədiyyələr insan adına:
Qiymətli ziynətlər, qiymətli daşlar,
Ana həyat verir öz övladına,
Həm də öz ömründən ömür bağışlar.
NƏBİ XƏZRİ
ANA LAYLASI
Ana layla deyir öz körpəsinə
Oturub bu axşam beşik başında.
Туркестанская Библиотека - www.turklib.ru – Turkistan Library
Sakitcə göz qırpır ulduzlar yenə,
Ay çıxıb dayanır dağlar qaşında.
Ana layla deyir öz körpəsinə,
Fikirli- fikirli harasa baxır.
Çay da dərə boyu səslənir, yenə
Ana laylasıyla həmahəng axır.
Ana layla deyir öz körpəsinə,
Uyuyur göy meşə, yatır dağ- təpə.
Ana nəğməsindən məst olub yenə
Uyuyur təbiət, uyuyur körpə!
Düşün, o nəğmədə nə mənalar var,
O min- min arzunun qadir səsidir.
Ana ürəyindən qopan laylalar
Həyatın ən şirin təranəsidir.
BALAŞ AZƏROĞLU
ANA
Payız tək qucağı bəhərlə dolu,
Yay kimi qəzəbi, sevinci odlu,
Qışın qarından da daim üzü ağ,
Bahar günəşi tək mehriban, parlaq,
Bizim dünyamızın bəzəyi ana.
Bütün göyçəklərin göyçəyi ana.
Babam ömrü boyu hey cənnət gəzdi,
O cənnət sənsən.
Atam ölənədək səadət gəzdi,
Səadət sənsən.
Oğlum gözəllərdən məhəbbət gəzdi,
Məhəbbət sənsən.
Mən də bir zamanlar həqiqət gəzdim;
İndi dərk etdim ki, həqiqət sənsən.
Həyatın ən böyük neməti ana,
Bütün insanlığın şöhrəti ana.
ƏLİ TUDƏ
Туркестанская Библиотека - www.turklib.ru – Turkistan Library
ANA ÜRƏYİ
(ixtisarla)
Mehriban nəfəsli məhəbbətində
Kim deyər xəsisdir ana ürəyi?
Xeyir, tükənməyən səxavətində
Üfüqsüz dənizdir ana ürəyi.
Bəzən od- alovlu şimşəyə bənzər,
Bəzən bir yanıqlı tütəyə bənzər.
Bəzən təzə, yumşaq ipəyə bənzər,
Əzizdən əzizdir ana ürəyi.
Yansa mənzil- mənzil işıq yayar o,
Soyusa övladı yetim qoyar o.
Yanmaqdan nə bezər, nə də doyar o,
Günəşlə əkizdir ana ürəyi.
Dəysə ayağına bir çaylaq daşı,
Göynəyər ananın qəlbinin başı…
Yıxılsan, yaranı yuyar göz yaşı,
Büllurdan təmizdir ana ürəyi.
O bir nərə çəksə döyüşdə əgər,
Dağlar, qarlı dağlar baş- başa dəyər.
Ay donar yerində, ulduz göz döyər,
Sanma ki, acizdir ana ürəyi.
Odur kəhkəşanı bütün zamanın,
Bizik ulduzları o kəhkəşanın…
Doğma sinəsində Azərbaycanın
Bakıdır, Təbrizdir ana ürəyi.
ƏLİAĞA KÜRÇAYLI
ANA NAĞILLARI
Gözümdən yuxumu qovaraq hər gün
Nağıl danışardı anam mənimçün.
Şaxta qovuranda, şaxta kəsəndə,
Çovğun püskürəndə, yellər əsəndə,
Dostları ilə paylaş: |
|
|