Туркестанская Библиотека - www.turklib.ru – Turkistan Library
sənin olar!..
AĞALAR MİRZƏ
BAYRAQLARI QALDIRIN
Bayraqları qaldırın,
Son döyüşdü, irəli.
Qələbə nə şirindi,
Ölüm nədi, görəlim.
Qəlbim şeypura dönüb,
Yırtır sinəmi səslər.
Analar Vətən üçün
Döyüş aslanı bəslər.
Bu zəfər yollarında
Ya qul olaq, ya ağa.
Ölsək, köynəklərimiz
Çevriləcək bayrağa
Düşmən tüpünə basqı,
Şeypurları gur çalaq!
Vətənə bir can azdı,
Birini də borc alaq.
Topa mərmi əvəzi
Qoyaq Vətən eşqini
Gedək bir övlad kimi,
Dönək vətəndaş kimi.
Bayraqları qaldırın,
And için bu torpağa!
Ölsək, köynəklərimiz
Çevriləcək bayrağa.
BAYRAQ
«Ya Allah» deyib
al əlinə,
İrəli bax,
Özünü aparmasa,
Туркестанская Библиотека - www.turklib.ru – Turkistan Library
Ruhunu aparacaq
Bayraq…
Ruhundu ağ göyərçin,
Göy üzü gömgöy bayraq,
And göyərsə dilində,
Köməyə çatan çatacaq.
Qaldır bayrağı köksündən
Allah pənahına!
Qan qardaşınca sev,
Kim ki təkdi…
«Hu- hu» deyincə
Qapılar açılacaq.
Əynindəki laləli köynəkdi
Əlindəki bəxtəvər bayraq.
Çap atını hünərlə,
Köksünlə axını yar,
Bayraq tutan ərlər
Yarasını yalayar.
Örtüləcək üzünə
Qapılar…
son kərə bax,
Taleyi hər kişiyə
Ya kəfəndi, ya bayraq!
RAMİZ QUSARÇAYLI
AZƏRBAYCAN BAYRAĞI
Şənini vəsf etməyə yetər qüdrətim, yetər,
Ulduzunu, ayını göydə mələklər ötər,
Hər rəngində «ya qazi, ya şəhid» bir mən bitər,
Sən ey istiqlalımın əbədiyyət sancağı,
Azərbaycan bayrağı!
Yağının min hiyləsi küydən, kələkdən keçər,
Sən sancılan ucalıq min- min ürəkdən keçər,
Dağlar yerindən oynar, daşlar ələkdən keçər,
Göylərin nur yağmuru, yerlərin göy qurşağı,
Azərbaycan bayrağı!
Sən Arazın, Samurun umuduna bələndin,
Çəni ağlar Göyçənin buluduna bələndin,
Dərbəndin dərd hıçqıran sükutuna bələndin,
Туркестанская Библиотека - www.turklib.ru – Turkistan Library
O tayımda Savalan, bu tayımda Şahdağı,
Azərbaycan bayrağı!
Cəngidə cövlan yerim, cövlanda can yerimsən,
Barışda gül çələngim, savaşda qan yerimsən,
Sən mənim and yerimsən, mənim iman yerimsən,
Dalğalı ləngərlərin yelpiklənən yarpağı,
Azərbaycan bayrağı!
Sənsən Azadlıq eşqim, sənsən Hürr,- deyəcəyəm,
Ən son nəfəsimdə də sənə şer deyəcəyəm,
Şuşada sən qonduğun daşa pir deyəcəyəm,
Çəkəcəyəm gözümə kölgən düşən torpağı,
Azərbaycan bayrağı!
Azərbaycan bayrağı!
KƏMALƏ NƏSRİN
BAYRAĞIM
Ey, qanımız bahasına
Göyə tikilən sancağım!
Şəfəqdə yanan ocağım!
Arxam, dayağım,
Ulu bayrağım!
Hey dalğalan göy üzündə!
Nəsillərə ümid səndə.
Ən böyük şərəfdi, mən də
Bir gün ölərsəm kölgəndə.
Göydən yağışlar, qarlar yağar,
Yerdə savaşlar, qasırğalar.
Nankor yağılar, qəlbi paxıllar
neylər sənə?
Qəlbimin içində, gözümün
bəbəyində,
Yurdumun ən uca yerində
yer var sənə!
Yellənsənə, yellənsənə!
Qoy, həsəd aparsın yellər sənə!
Mavin, yaşılın, qırmızın,
Haqqın nurudu ayın, ulduzun.
Туркестанская Библиотека - www.turklib.ru – Turkistan Library
Yaraşıqsan göylərə,
Şərəfsən bizlərə,
Göz dağısan düşmənlərə.
Qadın anamın örpəyi,
Ər balamın ümid yeri.
Gözümün dikənəcəyi-
Arxam, dayağım!
Ulu bayrağım!
ŞƏHİDLƏR QANINA BOYANAN BAYRAQ
Şəhid qanları töküldü üstünə,
Şəhid qanları gilə- gilə.
Sən darda olan zaman
Can verdi övladların
Uğrunda gülə- gülə.
Qırmızından damcılar,
Hey sızar şəhid qanı.
Yenidən doğuldun bizə,
Ey göylərin sultanı!
Sən xalqımın ucalmış
ən gözəl şah nəğməsi,
Qəhrəman ataların
üfüqlərdəki izi.
Ey qızıl çiçək açan,
rəng- rəng müqəddəs arxa!
Ey köksümdən qabarıb
göylərə qalxan dalğa!
Qol açdın, ana oldun
ölməz şəhid təninə;
Əyilirəm həmişə
Sənin ölməzliyinə.
Şəhid qanları tökülüb üstünə,
Şəhid qanları gilə- gilə.
Sən darda olan zaman
Can verərik hamımız
Dostları ilə paylaş: |