_______________Milli Kitabxana___________________
148
Pəncərədən oxumaq səsi gəlir. Afət məlahətli
səslə oxuyur. Şakir pəncərədən baxır. Afəti görür.
Həyəcanla “Afətdir” deyir. Camal da, Nəcəf də
pəncərəyə yaxınlaşır. Azər Afətə çatmaq istəyir).
AZƏR: - Afət, Afət!
AFƏT: - Azər, tələbə yoldaşım, əziz qardaşım.
(Mehriban görüşürlər)
AZƏR: - Afət, sən də Çinarlı rayonunda işlə-
yirsən?
AFƏT: - Işləyirdim.
AZƏR: - Bəs indi?
AFƏT: - Bu barədə sonra. De görüm nə yaxşı
gəlmisən? Zəlihəni gördünmü?
AZƏR: - (Heyrətlə) Zəlihəni? Sən onu hardan
tanıyırsan, Afət?
AFƏT: - O mənim əziz rəfiqəmdir. Sənin mək-
tubunu mənə göstərdi, şəklini də. Demək o tərifli
təyyarəbığ oğlan sən imişsən.
AZƏR: - Bacım Afət, mənə Zəlihədən bir xə-
bər. De görüm Zəlihə.
AFƏT: - Məgər sən bizim məktubumuzu al-
mamısan?
AZƏR: - Nə məktub? Yox almamışam. Axı
məktub yazan günün səhərisi məni Bakıya çağır-
dılar. Müəllim qəzetinə. Qəzetə ixtisası müəllim
olan müxbir lazım imiş. Vüqar müəllim məni məs-
ləhət bilib. Indi müxbirəm.
AFƏT: - Vüqar müəllimin məsləhəti ilə?
_______________Milli Kitabxana___________________
149
(Onlar astadan söhbət edirlər. Nə danışdıqları
eşidilmir.)
ŞAKIR: - Ədə, Camal müəllim, tez bir fo-
toaparat tap, gətir. Bu qızın o oğlanla şəklini çəkək.
Sən öl bundan yaxşı fakt olmaz. Günün günorta
çağı rayonun tən ortasında cavan bir oğlanla
mazaqlaşır.
CAMAL: - Bu saat (Çıxır)
NƏCƏF: - Sən öləsən yaman başlı adamsan,
Şakir. Elə ona görə də həmişə qabağa çəkillər səni.
Yaxşı bu qızın nişanlısı zadı yoxdu?
ŞAKIR: - Əşi nə nişanlı? Göytəpə məktəbində
Davud müəllim var, bir az onnan xosunnaşır. Elə
bir bezin qırağıdırlar. O da gədəçənin biridir. Bö-
yük-kiçik tanıyan köpəkoğlu deyil. O günü deyirəm
ay müəllim, o Natiq hörmətli kişinin oğludur, onda
gözün olsun, deyir mənim hüququmu tapdalama.
Dedim ə, sən də mənə Afət olacaqsan? Nə desə
yaxşıdı?! Deyir “Afətin adını çəkmə! Onun təmiz
adına ləkə düşər” (Camal daxil olur. Afətlə Azərin
şəklini çəkir. Davud müəllim Afətgilə yaxınlaşır.)
ŞAKIR: - Aha Davud gəlir. Özüm ölüm burda
iş var. Bu saat oğlanlar vuruşacaq. Camal sən apa-
ratı sazla. Elə bir – birini qamarlayanda çəkərsən
şəkillərini.
AFƏT: - Budur Davud müəllim də gəldi.
Bizim ürək dostumuzdur. Azər tanış ol.
(Azərlə Davud əl verirlər)
ŞAKIR: - Biqeyrət köpək oğlu.
_______________Milli Kitabxana___________________
150
Pərdə
IX ŞƏKIL
Afətin evi. Afət, Azər, Davud söhbət edirlər.
AFƏT: - Demək doğma kəndin səni ögey kimi
qarşılayıb, Afət. Darıxma gec – tez həqiqət qələbə
çalacaq.
AFƏT: - Həqiqət! Nə qədər də qürurla səs-
lənir. Bax, mən özüm bir həqiqətəm. Lakin heçlər
məni heç etmək istəyirlər. Indi sizdən soruşuram
həqiqət bir heç ola bilərmi?
DAVUD: - Heç vaxt. Lomonosov kəşf edib ki,
heç nə itmir. Yalnız şəkilini dəyişir. Həqiqət də
belədir. O, itə bilməz, məhv ola bilməz.
AFƏT: - Azər, o gecə mənim ad günümdə
Vüqar müəllimin dediyi sözlər yadındadır? Vüqar
müəllim deyirdi: Tale axar suya bənzər. Ömrü bu
axar suyun öhdəsinə buraxmaq olmaz.
AZƏR: - Gərək sən öz xoşbəxtliyini, taleyin,
qəzavü qədər adlanan qüvvənin əlindən almağı
bacarasan.
AFƏT: - Afərin, Azər! Mən elə güman
edirdim ki, Vüqar müəllimin bu sözlərini ürəyinin
_______________Milli Kitabxana___________________
151
dərinliyində qoruyub saxlayan təkcə mənəm.
Demək o sözləri sən də unutmamısan!
AZƏR: - Məgər Vüqar müəllimi unutmaq
olarmı? O günəşə bənzəyir. Biz tələbələr bu
günəşdən qopan zərrələrik. Bizim hər birimizin
qəlbində bir Vüqar müəllim var. Hərdən mənə elə
gəlir ki, hansı tələbənin qəlbində Vüqar müəllimi
yoxdursa o ədalətli ola bilməyəcək. Bax elə Camalı
götürək. Camal ona görə əyri yolla gedir ki, onun
ürəyində Vüqar müəllim yoxdur.
(Qapı döyülür. Dilbər gəlir.)
AFƏT: - Dilbər!
DILBƏR: - Təəccüblüdür eləmi Afət?
AFƏT: - Gecənin bu vaxtı təksən?
DILBƏR: - Təkəm.
(Hamı təəcüb içindədir.)
DILBƏR: - Afət bacım, sənnən kömək
ummağa gəlmişəm.
AFƏT: - Dilbər! Yəqin mənim özümün bir
köməyə ehtiyacım olduğunu duyub, məni ələ
salmağa, üstümə gülməyə gəlmisən, eləmi?
DILBƏR:- Yox, yox. Səni and verirəm
nənənin əziz goruna, belə fikirlərə düşmə! Mən
doğrudan da səndən kömək ummağa gəlmişəm.
AFƏT: - Gəl, əyləş.
(Hamı əyləşir.)
DILBƏR: - Afət, sözlərim sənə qəribə gəlmə-
sin. Mənim Şakirə getməyimin canlı şahidləri və
səbəbkarları sizsiniz. Yox, sizi təqsirləndirmək fik-
_______________Milli Kitabxana___________________
152
rində deyiləm. Özüm getmişəm. (Pauza) Amma
daha təngə gəlmişəm. Şakir məni təngə gətirib.
Bax, evimizdə hər şeyimiz var. Insafən mənə nə
istəsəm alır. Amma yenə fikirləşirəm ki, evimizdə
nəsə çox mühüm bir şey çatışmır. Bəzən elə bilirəm
ki, havadır çatışmayan. Pəncərələri açıram.
Görürəm yox! Evdə hava var. Servantdakı
servizlərin, xrustalların soyuq işıltısı məni bezdirib.
Indi də qurşanıb şairliyə. Hər gecə yarım litri
gillədir, olur dəli – divanə. Sonra da başlayır ki, ar-
vad, bu saat göyün yeddinci qatındayam. Deyirəm
ay Şakir, düş aşağı, qolun – qılçın sınar, sən
cəhənnəm balalarım yetim qalar. Deyir əşşi sən nə
geri qalmış adamsan. Bu göyü demirəm ey, o biri
göyü deyirəm. Vallah heç nə başa düşmürəm.
AZƏR: - Demək Şakir olub şair. Elə tarixdə də
bir şair olub Şakir təxəllüslü. Baba bəy Şakir.
Ancaq o ağıllı adam olub.
AFƏT: - Yıxdı xalqın evini bu şairlik. Harda
bir savadsız var, şair olmaq istəyir. Eşidirsənmi
baba Nizami, eşidirsənmi, ata Füzuli, böyük Sabir
eşidirsənmi?
DILBƏR: - Elə mən də bilirəm ki, bunun
yazıları bir şahıya dəyməz. Fikirləşirəm ki, görəsən
elə kim istəsə yarım litir vurub şair ola bilər?
AFƏT: - Elə olsaydı o bazarda şərab satan Ki-
nikor kirvə var ha, o dünyanın ən böyük şairi olardı.
Dostları ilə paylaş: |