74
3) Jabariya
–
ta`g`diri a`zel hu`kimin qatan` dep bilgenler
4) qadariya
–
insannin` erki o`inde dep biliwshiler
5) jahmiya
–
jahm ibn Saffon ta`repdarlari, yag`niy barliq ma`seleleni dozaq ha`m ja`nnetke baylanisli
dep tu`sindiriwshiler
6) Murjiya
–
Alla bendesin u`mitsiz qilmaydi dewshiler
Barliq ag`im mazhab, topar, partiya ja`ma`a`tleri fiqh ma`selesinde, namaz, ibadat ta`rtipleri, iymannin`
manis-mazmuni tuwrali pikir talastiradi. Olar arasinda islam dininin` tiykarg`i talap ha`m aqidalarin
inkar etetug`inlari da bar. Misali mu`tazil ag`imina go`re:
- jamanliq ilahiy ta`g`dirden emes, al insannin` o`zinen
- pasiq kisinin` imamlig`i haram
- iyman bendenin` ta`jriybesinen, yag`niy eni o`zlestiriwinen ibarat bolip, aldinnan belgilenbeydi
- Quran jaratilg`an, wa`hiy emes
- qiyamette gu`na-sawaptin` ta`rezisi, esap-kitabi joq
- a`wliyeler ka`ramati jalg`an
- qiyamette Haq taalani ko`riw mu`mkin emes
- ja`nnet xalqi da uyiqlaydi, aziqlanadi, o`ledi
Bul ag`imlardin` o`z-ara talasi barkamaliqqa erisken adamlardin` diniy diyanat, islam ha`m iyman
ma`nis-mazmunin an`lamastan, zahiriy na`rseler u`stinde, atamalar u`stinde o`z-ara tartisiwi.
Tasavvuf ahli bolsa Allataala onin` zatin, ma`nis-mazmunina jetiwge umtilg`anlig`lari sebepli bunday
ra`sim, qag`iydalarg`a uliwmaydan itibar bermegen. olardi a`hmiyetsiz dep esaplag`an. Sufiy jetik,
ka`mil insanlar bolip, bunday talasqa meyil mazhabparastliqtan bilim ha`m isenim ma`selesinde bi
qansha u`stin turg`an.
Ha`zirgi zamanda Islamda diniy, sotsialliq ha`m siyasiy ma`selelerge Islamnin` mu`na`sibeti haqqinda 3
tiykarg`i ag`im bar bolip, olar o`z ko`z qaraslarin to`mendegishe an`latadi.
Islam fundamentalizmi. Onin` tiykarg`i sistemasi, ko`z-qaraslari islamnin` fundamental
printsipleri ha`r qanday sotsialliq du`ziinen pariq qilatug`in «Islam rawajlaniw jolin» belgilep beredi dep
esaplag`an. Olar usi fundamental printsiplerdi qayta tiklew ha`m olarg`a a`mel qiliw ta`repdarlari.
Lekin islam modernistlerine qarama-qarsi olar usi printsiplerdi ha`zirgi zaman talaplarina say qayta
tu`sindiriw mu`mkin emes dep esaplaydi. Olar tradiotsonalistler kibi din ha`m siyasatti bir dep
tu`sinedi, biraq olardan pariqli tu`rde islam menen millet ma`plerin bir yaki ku`ta` jaqin dep tu`sinedi.
Islam tradiotsionalizmi. Olar Orta a`sir diniy aqidalarin izshil a`melge asirip, dindi ha`r qanday
reformalawg`a qarsi shiqqan. Olardin` pikirinshe, dinde «itiqad esikleri jabiqdur». Olar milliy sana
tarawinda islamdi milletshilikke qarsi qoyadi, yag`niy musilmanlar milletlerinen qatiy na`zer ja`miyette
islam aqidalarina so`zsiz a`mel qiliwi kerek, u`mmetlerdin` barlig`i ten` huqiqli.
Islam modernizmi modermizm zamanago`ylestiriw, ha`zirgi zaman sha`rayatlarina beyimlestiriw.
Bul tar ma`nisinde Islam diniy ha`m sotsialliq ta`liymatin jan`asha, zaman sha`riyatlarina
muwapiqlastiriw, islam dininn` siyasiy, huqiqiy, sotsialliq ma`selelerde sheshiwi lazim bolg`an
mashqalalarg`a tiyisli aqidalalarin jan`asha tu`sindiriw, xojaliq turmisin ta`rtipke saliw ha`m Islam
printsipleri tiykarinda rawajlaniwdin` jan`a modelleri ha`m jollarin islep shig`iw o`z aldina maqset etip
qoyadi.
Ken` ma`niste ha`zirgi sotsialliq turmis ha`m ilimiy texnikaliq rawajlaniwdin` talaplarina islam
ta`liymatlarin beyimlestiriw ha`reketinen ibarat. Islam modernizmi dinde «Ijtiqad esikleri ashiqdur»
printsipine a`mel qiladi.
75
Ijtiqad (arabsha umtiliw, g`ayrat etiw) diniy ha`m huqiqiy ma`seleler boyinsha pikir ju`ritiw
printsipi.
Orta a`sirlerde tek iri musilman faqihlari ha`m ilahiyatshilari mujtahidler ijtiqad huqiqna iye
bolg`an. X a`sirde Islamnin` suppiylik bag`darindag`i sha`riyat nizamlari qa`liplesip, Islam aqidalari islep
shig`ilg`annan keyin, ijtiqad esikleri jawip qoyildi» ilahiyat, huqiq, a`dep-ikramliliq ha`m sotsialliq
ta`liymatlardi tek aldin`g`i ilahiyatshilarg`a uqsaw (tahdid qiliw) mu`mkin dep esaplag`an.
XIX a`sirdin` aqirina kelip Islam dini reformalari ijtiqad huqiqin ja`ne tiklegen. Qurandi ha`m
Islam ta`liymatin jaqsi bilgen ha`r bir bilimdan musilman ijtiqad etiwi mu`mkin dep esaplang`an.
Diniy ekstremizm ha`m fundamentalizm-belgili bir diniy konfessiya ha`m sho`lkemlerdegi fantik
elementlerdin` iskerlik ideologiyasi. Fanatizm o`z aqidasinin` sha`k-shubhasiz tuwrilig`ina isenip, basqa
partiya ha`m mazhablardi pu`tkilley biykar etip, olardi ta`n almaw, balki olardin` diniy tiykarlarin
buziwda ayiplap, olarg`a qarsi uris ashiwg`a shaqiratug`in faktorlardan bolip tabiladi. Diniy fanatizm
diniy ekstremizm ha`m terrorizmge negiz tayarlaydi.
Fundamentalizm belgili bir din ju`zege kelgen da`wirge qaytiw ha`m bul jol menen zamannin`
barliq mashqalalarin sheshiw mu`mkin degen pikirdi alg`a su`riwshi bag`dar. Fundamentalizm ibarasi
da`slepki reet Birinshi jer ju`zlik uris aldinda ju`zege kelgen protesttantizmdegi ortodoksal ag`imlardi
an`latiw ushin qollanilg`an. Bul ag`im 1910-jildan keyin usi atama menen atala basladi.
Fundamentalistler xiristianliqtin` da`stu`riy aqidalarina, a`sirese, Bibliyanin` absolyut jetikligine
isenimdi bekkemlewdi, oni so`zbo`-so`z tu`siniwge qatan` a`mel qiliwdi talap qildi. Bul ag`im keyin
ala Amerikada ken` tarqalip, 1919 jili Filadel`fiyada Du`n`ya xiristian fundamentalistleri assotsiatsiyasina
tiykar salindi.
XX a`sirdin` 80-90 jillarinda pu`tkil du`n`yada diniy faktordin` belsendilesiwi buring`i
sovetlerden keyingi ma`kanda da o`z sa`wleleniwin tapti. Bul da`wir ja`miyet rawajaniwinda bir ta`repten.
Diniy isenimnin` sotsialliq-ma`deniy turmistag`i ta`biyiy statusi tiklenip atirg`an, ekinshi ta`repten,
usi tiykarda ayirim ideologiyaliq qarama-qarsiliqlar tuwiliw waqti boldi.
Konstitutsiyamizda belgilep qoyilg`aninday, kontitutsiyaliq du`zimdi zorliq penen o`zgertiwdi
maqset etip qoyiwshi, respublikanin` svereniteti, bir pu`tinligi ha`m qa`wipsizligine puxaralardin`
konstitutsiyaliq erkinliklerine qarsi shig`iwshi, uristi, sotsialliq milliy, rasaliq ha`m diniy ala awizliqti
tarqatiwshi, xaliqtin` salamatlig`i ha`m ruwxiylig`ina qa`wip tuwdiriwshi, sonday-aq
a`skeriylestirilgen birlespelerdin`, milliy ha`m diniy ruwxdag`i siyasiy partiyalardin` ja`ne
birlespelerdin` du`ziliwi ha`m iskerligi qaag`an etiledi.
O`zbekstang`a baylanisli islam fundamentalistleri qa`wipi aqidaparastliqti en jaydiriw, bul jol
menen musilmanlardin` reformator ma`mleketke isenimin joq etiwge uriwda o`z ko`rinisin tappaqta.
Bunday toparlar bekkemlenip baratirg`an uliwmamilliy birdemlik, milletlerara ha`m puqaraliq tatiwliqqa
qarsi ha`reket etpekte. Demokratiya ha`m du`n`yaliq ma`mleket tu`siniklerin, isenim erkinligiine
tiykarlang`an ko`p konfessiyali du`n`yaliq ja`miyetti abroysizlandiriwg`a bag`darlang`an ha`reketlerin
a`melge asirmaqta.
Bunday diniy ekstremizm ha`m fundamentalizmge tiykarlang`an ag`imlarg`a vahhabiylik «Xizb
ut-tahrir» akromiyler jatadi.
Qadag`alaw ushin sorawlar
Islam dininin` o`zinen aldin`g`i dinlerge bolg`an su`na`sibeti qanday
Islamnin` bes parizi nelerden ibarat
Islam dinindegi iyman qag`iydalari qanday