Mustaqil ishi fermentli biosensorlar va ularning oziq ovqat sanoatida ishlatilishi

FARG’ONA DAVLAT UNIVERSITETI SIRTQI BO’LIMI ANIQ VA TABIIY FANLAR KAFEDRASI BIOLOGIYA YO’NALISHI
4 KURS 20 55-GURUX TALABASI
MAMADALIYEVA INTIZORNING BIOTEXNOLOGIYA
FANIDAN
MUSTAQIL ISHI


FERMENTLI BIOSENSORLAR VA ULARNING OZIQ OVQAT SANOATIDA ISHLATILISHI

REJA:
1. FERMENTLARNING OZIQ- OVQAT SANOATIDA QO’LLANILISHI

2. VAFLI ISHLAB CHIQARISHDA QO’LLANILADIGAN ENG YAXSHI PREPARAT.

3. KREKER VA PECHENYE ISHLAB CHIQARISH SANOATIDA FERMENT PREPARATLARI

FERMENTLARNING OZIQ-OVQAT SANOATIDA QO’LLANILISHI
Insoniyat ko’p yillardan buyon oziq ovqat mahsulotlarini olishda fermentlardan foydalanib kelgan. Bunday moddalar o’simlik va hayvon to’qimalarining ferment saqlovchi sharbatlari edi. Misol uchun, pishloq olish uchun tarkibida fitsin fermentini tutuvchi o’simlik sharbatidan yoki qushlar va hayvonlarning oshqozon to’qimasining renin fermentini saqlovchi sharbatidan foydalanganlar. Go’shtni tenderizatsiyalash( muskul to’qimasini yumshatish) uchun papayi fermentini tutuvchi papayi sharbatidan foydalanganlar.
18-asrga kelib ovqat hazm qilishda ishtirok etuvchi fermentalr kashf etilgandan so’ng, fermentlarni o’rganish qizg’in davom etdi. Biologik moddalardan turli xil fermentlar olindi : xrendan peroksidaza, donlardan α- amilaza va boshqalar. 19-asrga kelib esa fermentlar birinchi marta sof holda ajratib olindi, va ularga “enzim” deb nom berish tavsiya etildi. Zamonaviy enzimologiya yutuqlari birinchi navbatda tibbiyotning va oziq- ovqat sanoatining turli sohalarida fermentlarning foydalanilish imkoniyatlarini kengaytirdi.
Ferment preparatlari mahsulot chiqimining ortishiga, uning sifatini yaxshilanishiga, istalgan jarayonning mahsuldorligini oshishiga sabab bo’luvchi stimulyator (qo’zg’atuvchi, oshiruvchi modda) hisoblanadi.