Namangan muhandislik qurilish instituti

O‘ZBEKISTONDA FUQAROLIK JAMIYaTI BARPO ETIShDA O‘TISh DAVRI

O‘tish davri jaryoni haqida juda ko‘plab ilmiy asarlar yaratilgan. Ammo “o‘tish davri” mustaqil Mavzu sifatida ilmiy adabiyotlarda juda kam o‘rganilgan. Buning asosiy sababi, uning aniq mezonini va boshlanishi bilan “poyoni” (oxirgi muhlati) masalasini aniq belgilash murakkabligicha qolmoqda. Bundan tashqari, ba’zi olimlar, jamiyat taraqqiyoti to fuqaroviy jamiyat darajasiga ko‘tarilguncha faqat “o‘tish davri” davom etadi, u uzluksiz jarayon, — deb hisoblasa, yana bir xil olimlar “o‘tish davri”ning muhlati va mohiyatidan ko‘ra, undagi jarayonlarni o‘rganish muhimroq ekanligini ta’kidlaydilar.

Fuqarolik jamiyati ning xalqaro miqyosda tan olingan tamoyillari, demokratik jamiyat qurishning umumbashariy tamoyillari mavjud bo‘lib, ular quyidagilardan iborat:

inson huquqlari va erkinliklarining ustuvorligi;

davlatning fuqarolar xohish-irodasini ifodalashi;

fuqarolar va millatlarning teng huquqliligi;

hokimiyat organlarining saylab qo‘yilishi va ularning fuqarolar oldida mas’uliyati;

tayinlangan mansabdorlarning saylab qo‘yilgan organlar oldida hisob berishi;

hokimiyat organlarining taqsimlanganligi, ularning o‘zaro mutanosibligi va muvozanati, bir-birini nazorat qilishi;

ommaviy axborot vositalarining erkinligi va to‘rtinchi hokimiyat maqomida bo‘lishi va boshqalar.