569
şeyləri eləyə bilər. Bəs o? Boynuna qoymağa çalışsalar, kimisə
satarmı? Yox, bundan ölüm yaxşıdı...
***
Günlər həddən artıq sıxıntılı, boz, yeknəsəq keçir, qısa,
etinasız və hökmlü ifadələrdən başqa heç nə eşitmirdi: səhər
saat altıda kameranın qapısı şaqqıltıyla açılır, nəzarətçi “pod-
yom” (qalx) qışqıranda qalxıb adyalı mitilin üzərinə çəkir,
sonra “v ubornuyu” əmrilə vedrəni götürüb ayaqyoluna ge-
dir; qayıdanda “saxar” (qənd), “çay”, “xleb” (çörək) sözlərilə
səhər yeməyini verirlər; “selyodka” (balıq), “xleb” sözləriləsə
naharını yeyir; “proqulka” (gəzinti) kəlməsini eşidəndə
nəzarətçinin müşayiətilə həyətə gəzintiyə çıxır; axşam
yeməyini alanda “sup”, “xleb”, “çay” ifadələrini eşidir; “no-
mer” (nömrə) əmrilə nömrəsini deyir; bir də gecə “otboy” (yat)
hökmü səslənir. Səhər iki selyodka başı, yüz əlli qram qara
çörək, bir parç isti su, bir çay qaşığı şəkər tozu, günorta içində
bir-iki çürük kartof, ya da çuğundur parçası üzən sup, yüz
qram çörək, axşamsa arpa, vələmir, yaxud qarğıdalı unundan
bir qab sıyıq, əlli qram çörək verirlər.
İlk istintaqa fevralın on üçündə apardılar...
Nəzarətçi səhər yeməyindən bir qədər sonra gəldi, kame-
ranın qapısını açıb çıxmağı, əlləri arxada saxlamağı əmr elədi,
dar dəhlizlərlə, dolama yollarla uzun-uzadı apardılar, tast
gələn qarovul dəstəsindən bir nəfər dustağın nömrəsini so-
ruşdu, müsbət cavabdan sonra dövrəyə alıb komissarlığın bi-
nasında bir neçə mərtəbə qaldırıb-endirdilər, nəhayət,
müstəntiq Yeqor Zavyalovun otağına saldılar, küncdəki stul-
da oturdub xəbərdarlıq elədilər: ətrafa baxmaq, qurcalanmaq,
əl-ayağını tərpətmək, icazəsiz sual vermək, müstəntiqin gözlərinin
içinə dik baxmaq olmaz.
Müstəntiq Zavyalovun daş kimi donuq, ifadəsiz gözlərinə
baxanda içi ürpəşdi: bu cür adama həqiqət yox, nəticə lazım-
dı, nəticəsə mümkün qədər çoxlu “xalq düşməni” aşkara çıxa-
rıb güllə qabağına, sürgünə göndərməkdi...
570
Müstəntiq 169 nömrəli istintaq işi materiallarından ibarət
qovluğu açdı, bir kağız götürüb müttəhimin bioqrafiyasını
oxudu, millətçi-filan qruplara “qoşulduğu” tarixləri göstərdi.
“Mən heç bir qrupun üzvü olmamışam”, – özünü saxlaya
bilmədi.
“Bunu sübut eləyirik, – Müstəntiq qapıda dayanmış silahlı
əsgərə əmr elədi. – Bugünlük qurtardıq, apar!”
Əlbəttə, bilirlər ki, heç bir qrupun-filanın üzvü olmayıb,
amma nəyisə sübut etməyə çalışmalıdılar axı!
Səhəri gün müstəntiq yavaş-yavaş mətləb üstünə gəlməyə
başladı:
“Kiyevdə oxuyanda Müsavat Partiyasının üzvü olmusu-
nuzmu?”
“Bəli, Kiyevdə oxuyanda Müsavat Partiyasının üzvü, par-
tiyanın Kiyev təşkilatının sədri olmuşam”.
“Özbəkistanda kimlərlə əlaqədə olmusunuz, onların siyasi
məsləkləri barədə nə deyə bilərsiniz?”
“Urgənc şəhərindəki Pedaqoji İnstitutunda işlədiyim ya-
rım il ərzində direktor müaviniylə, dekanla, kafedra müdir-
lərilə müəllimlərlə, beş mühasiblə qarşılıqlı işgüzar müna-
sibətlərdə işləmişik. Amma onların keçmişləri, siyası məsə-
lələri mənə məlum deyil. Mən orda işlədiyim ilyarım ərzində
özümü yaxşı müəllim kimi tanıtdırmışam. Urgəncin ağır
şəraitinə, dəmir yolundan uzaq olmasına baxmayaraq, işim-
dən razıydım. Çünki nəhayət, ailəm üçün çörək pulu qazanır-
dım”.
Növbəti gün müstəntiq İstanbula kimin təklifinə getdiyilə
maraqlandı.
“Məni İstanbulda səlahiyyətli nümayəndə vəzifəsinə min
doqquz yüz on doqquzuncu ildə hökumət başçısı Usubbəyov
təklif elədi”.
...Həmin gün sorğu-sual ediləndə artıq evində axtarış apa-
rıldığını bilmirdi. Xalq Daxili İşlər Komissarlığından Qnez-
dov və Sultanov gəlib şahidlərin iştirakıyla tapdıqlarını siya-
hıya almışdılar. Tapılanlarsa köhnə vəsiqələrdən, fotoşə kil-
571
lərdən, arayışlardan, yazışmalardan, kitabçalardan, köhnə
kağız pullardan, Vəli Xuluflunun bir neçə kitabından iba-
rətiydi. Amma gələnlər mənzilin sadəliyindən əməlli-başlı
hey rətlənmişdilər, görünür, məşhur yazıçının bu cür sıxıntı
içində yaşadığına inanmırdılar.
İki-üç gündən bir aparıldığı istintaqda müstəntiq hər şey
soruşurdu. Hansı əsərlərin müəllifi olduğu barədə sual
verəndə yandırdıqlarını demədi, Zavyalov da qurdalamadı,
görünür, Vyanada qoyduğu əlyazmalardan xəbər tutmamış-
dılar; bir də “İki od arasında” romanının adını çəkmədi, hələ
nəşr olunmayıb, oxuyacaqlar, çək-çevir eləyəcəklər, uzun ba-
şağrısı olacaq. “Bolşevik təhlükəsi” və “Studentlər” əsərlərisə,
əlbəttə, millətçi, daha doğrusu, mütərəddid əsərlərdi.
Fevralın iyirmi altısında müttəhim ittihamı ona uzatdı.
“Tanış olun, sonra imzalayın”.
Oxudu; deməli, 1919-cu ildə hökumətin konsulu vəziyyətində
işləyəndə ingilis-fransız və Türkiyə kəşfiyyat təşkilatlarıyla əlaqədə
olub, fəal, peşəkar müsavatçı kimi qeyri-leqal Müsavat təşkilatının
rəhbər özəyinin üzvü seçilib, 1927-ci ildə müsavatçılarla milli
təmayülçüləri yaratdıqları antisovet blokuna keçib; üstəlik, öz
həmfikirləri arasında müntəzəm olaraq əksinqilabi görüşləri təbliğ
eləyib, 1931-ci ildə Azərbaycan əksinqilabi-millətçi təşkilatçının
tərkibinə daxil olub, yəni Azərbaycan SSR Cinayət Məcəlləsinin 72-
73-cü maddələrində nəzərdə tutulan cinayətlər üzrə ittiham olunur.
Dodaqlarında acı təbəssüm peyda oldu: Vətəninə ayaq ba-
san gündən namusla yaşamağa, vicdanla işləməyə çalışıb, ya-
zı-pozusundan, ailəsindən başqa fikri-zikri olmayıb, amma
onu əksinqilabi fəaliyyətdə günahlandırırlar. Yəqin, bunları
kimlərinsə dilindən qoparıblar.
Qələmi götürüb qərarın altında yazdı: “Mənə verilən üç
maddədən ibarət ittihamlar ağ yalandır. Mən özümü günahkar he-
sab etmirəm”. Sonra imzasını qoydu.
Müstəntiq kağızı götürdü, dərkənarı oxudu, soyuq-soyuq
gülümsündü:
“Nə olar, biz günahlarınızı sübut eləyərik”.
Dostları ilə paylaş: |