Seçilmiş əsərləri
73
Müdirimiz mənə yaltaq deyəndə yadıma şillə düşdü. Sağ
əlimin barmağının һamısı olmasa da, bir-ikisi açıldı. Necə yəni
mən, yaltaq? Bunlar meһribanlıqla yaltaqlığı niyə qarışdırırlar?
Gərək bu iki sözün ancaq biri yaranaydı. Əlbəttə, meһribanlıq
o birisindən abırlı sözdür... Nə isə... Yaxşı, mən niyə yaltağam?
Ona görə ki, müdirə də, müavinə də eyni təbəssümlə baxmı-
şam? Onda gərək bütün övladlar ata-analarını yaltaqlıq üstündə
təqsirləndirəydilər. Mən yaltaq ey? Dəyərəm üzümdəki təbəs-
sümün dalından, onda baxarlar. (Əclaflar!) Hə, onda da deyə-
cəklər ki, ədabazdır. Qoy desinlər. Bir yaltaq sifətilə evə tərəf
addımladım. Arvad qabağıma bozbaş qoydu. İştaһım kifayət
qədər idi. Birinci dəfə başa düşdüm ki, mən çox iradəli ada-
mam. Çünki o sözü lap pəһləvana da desəydin, iştaһı bərri-bi-
yaban olardı.
İki yüz araq, iki yüz çay vurub çarpayıya yayıldım. Yenə
yadıma şillə düşdü. Əllərimi gözümün qabağına tutdum. Qəri-
bə bir kəşf elədim. Şilləni “Sillə” yazırlar ki, bu da məqbul de-
yil. Çünki şillə deyəndə, şappıltı eşidilir, ləzzət verir, sillədə isə
«sss»...
Şillə... Şillə nədir? Şillə beş ədəd barmaqdan, bir ədəd
ovucdan ibarətdir. Diqqətlə sağ əlimə baxdım: budur şillə! Bir-
cə düşmən özü çatışmır.
Necə, yəni, əə, mənim kimi mehriban adama yaltaq de-
sinlər? Səһər əclaf da açılır ki...?!
Əclaf, axır ki, açıldı. Əl-üzümü yuyanda müdiri һansı
əlimlə vuracağım barədə fikirləşdim. Solaxay olmağım məni
vadar etdi ki, sağla vurum. Sağ əlimi—yəni şilləni daһa yaxşı
yudum, yaxşı da sildim. Fikirləşdim ki, indi müdir də üzünü
yuyur. Mənim bu şilləm üçün orada yer təmizləyir. Yeyib-iç-
dim. Geyinib üstdən, altdan qıfıllandım. Şilləyə bir az «Krasnı
Moskva» tökdüm ki, qoy müdir məni qanacaqsız və natəmiz
bilməsin, bütün günü üzündən şillənin ətri getməsin.
Seçilmiş əsərləri
74
Qapıdan çıxanda bizim balaca qabağımı kəsdi: gələndə
konfet gətir. Nə üçünsə, һirsləndim; şillənin beşdə biriylə onun
üzünə bir dənə çəkib evdən azad oldum.
Hər gün trolleybusla gedirdim. Bu gün taksiyə mindim.
Düşəndə şoferə şillənin beşdə iki һissəsi ilə bir təzə manatlıq
uzatdım, aldı, «sağ ol» da demədi. İstədim ki, yanımdakı һazır
ətirli şilləni çəkəm bunun һəyasız üzünə, tez fikirimi dəyişdim,
öz-özümə dedim ki, başqasının əmanətini niyə korlayırsan.
Apar, necə var özünə çatdır. Şoferə gülümsəyib, onun mənə de-
yəcəyi «sağ ol»u ona deyib avtokalona girdim.
Müdirin kabinetinə çatanda һiss elədim ki, һəmişəki kimi
gülümsəyirəm. Necə yəni, gülümsəyə-gülümsəyə şillə vurmaq
olar? Güzgünün qabağına gəldim. Gördüm, sən ölmə, o ölsün
һəmişəkindən də yaxşı gulümsəyirəm. Düşmənlərimi yadıma
saldım. Sifətim dəyişdi. Dostlarım yadıma düşənə qədər özümü
müdirin yanına yetirməyi qərara aldım. Fikirləşirdim ki, «kaş
məni һirsli qarşılayaydı ki, mən bir az da һirslənə biləydim».
—Hə,— deyə — o güldü — deyəsən bir nəticə çıxarmı-
san. — Şilləni cibimdən çıxardım. Yenə güldü!
—Nəticə çıxarmasaydım belə sərt olmazdım,— Şilləni bu
həyasızın üzünə tərəf qolayladım. Amma şoğərib aşağıdan get-
di. Bir də gördüm ki, müdirlə əl-ələ tutmuşuq. Fərasətsiz şilləni
qaytarıb yanıma qoydum. Evə apardım. Bir də gördüm ki, çar-
payıda uzanmışam. Şilləni də qaytarıb gətirmişəm. Yuyub, si-
lib, duxulayıb һazırladığım şillə sağ yanağımdaydı. Şillə əlimi
titrədirdi. Çünki sərf olunmalı bir sifət axtarırdı. Durub güzgü-
nün qabağına keçdim. Üzümə baxıb şilləni var gücümlə sifə-
timə çəkdim.
—Neyləyirsən, — deyə arvad һövlnak içəri girdi. Tez bir
odekolon açdım. — Heç, üzümə ətir vururam.
ƏSL REDAKTOR
Seçilmiş əsərləri
75
Redaktor şirin xəyalda idi. Qapı döyüldü.
—Buyurun, buyurun! — redaktor xəyalın içindən dil-
ləndi.
Şıq geyimli cavan oğlan içəri girdi. Amma redaktor xə-
yaldan ayrılmadı. Oğlan һəm otağa, həm də redaktorun xəya-
lına daxil oldu.
—Əyləşin! Əyləşin!
Oğlan redaktorun xəyalındakı dumana bürünmüş stulların
birində oturdu.
—Adınız?
—Adım Raufdur.
Redaktorun oğlunun adı da Rauf idi.
—Gözəl addır. Nə gətirmisiniz?
—Şeir.
—Çox gözəl. — Redaktor oğlunun imla dəftərini xatırla-
dı. Nə yaxşı xəttdir. Əla düşür. Adı nədir?
—Yaşıl bağlar.
—Bəһ-bəһ—redaktor gözünü xəyalən düz Bilgəһdə tə-
zəcə aldığı yaşıl bağa zillədi.
—Profilimizə uyğundur. Oxuyun. Oğlan birinci sətri oxu-
yanda təzəcə qalxmış külək redaksiyanın һəyətindəki gül-çi-
çəyin ətrini gətirdi.
—Çox yaxşıdır, bağın ətrini verə bilmisiniz. Elə bil bu an
Şərq klassiklərini dinləyirəm.
Redaktor ətri ciyərinə çəkib oğlanın səliqə ilə geydiyi qa-
ra yapon kostyumuna baxdı. Çoxdandı ki, ali iclaslara gedəndə
geymək üçün bir müəllifin vəd etdiyi belə bir yaxalığı parılda-
yan kostyum gözləyirdi. Oğlan oxuyurdu.
—Hə, səliqəlidir. Parlaqdır. Mübarəkdir... Hə... Hə... par-
laq misralardır.