O‘zbekiston milliy universitetining jizzax filiali “sirtqi” fakulteti “Iqtisodiyot

Kichik biznes va xususiy tadbirkorlik, xizmat ko’rsatish va servis, kasanachilik sohalarining rivojlanish holati
Hozirgi vaqtda jahon iqtisodiyotida ko‘plab mamlakatlar moliyaiqtisodiy krizisni boshdan kechirayotgan tahlikali vaziyat vujudga kelmoqda. Jahon moliya va tovar bozorlarida vaziyatni barqarorlashtirish, bank tizimini hamda iqtisodiyot real sektori korxonalarini qo‘llab-quvvatlash yo‘llari izlanmoqda. Shuni qayd etish joizki, avvalgi yillarda O‘zbekiston hukumati tomonidan qabul 36 qilingan aniq chora-tadbirlarning keng kompleksi iqtisodiyotimizni jahon moliya krizisi xataridan muayyan darajada himoya etishga xizmat qiladi. Iqtisodiyot tarkibini aniq maqsad yo‘lida takomillashtirish ta’minlanmoqda, raqobatbardosh tayyor mahsulotlar ishlab chiqarish korxonalari faol tashkil qilinmoqda, eksport hajmlari muttasil oshirib borilmoqda va uning avvalgi bir tomonlama xom-ashyoga yo‘naltirilganligi bartaraf etilmoqda. Asosan ichki resurs manbalariga tayanuvchi barqaror moliya-bank tizimi shakllantirilgan. 2008-2012 yillarda mamlakatimizda kichik biznes va xususiy tadbirkorlik sohasining ham barqaror rivojlanganligiga alohida e'tibor qaratilgan. Xo’jalik yurituvchi sub'ektlarning soliq yukini yanada kamaytirish, mikrofirma va kichik korxonalar uchun yagona soliq to’lovining 10 foizdan 8 foizga, 2009 yildan boshlab esa 7 foizga tushirilishi, jismoniy shaxslardan olinadigan daromad solig’i stavkalarining kamaytirilishi va ayni paytda uni hisoblash tartiblarining takomillashtirilishi tadbirkorlik, kichik va xususiy biznesni izchil rivojlantirish uchun kuchli rag’batlantiruvchi omillar yaratdi. Faoliyat yuritayotgan kichik biznes sub'ektlari soni o’sib bormoqda.