69
Izlov quduqlarini joylashtirish sistemasi va miqdori
Uyumlar va konlarni aniqlash maqsadida bajariladigan
geologik-razvedka
ishlari metodikasi kam sonli quduqlar vositasida masalaning hal qilinishini
ta’minlashi kerak.
Izlov burg‘ilashiga kiritilayotgan har bir
maydonda istiqbolli jinslar
komplekslarini o‘rganish maqsadida uchtadan ortiq bo‘lmagan izlov qudug‘ini
rejalashtirishga va burg‘ilashga ruxsat etiladi. Har bir aniq vaziyatda burg‘ilash
nuqtasi va quduqlarni joylashtirish sistemasi bashorat qilinayotgan tutqich turiga
hamda uning geologik tuzilishiga bog‘liq holda tanlanadi.
Bitta izlov qudug‘ini qazishning asosiy metodik usullari:
- braxiantiklinal va qubbasimon strukturalarning gumbazida;
- tektonik buzilishlar bilan bo‘lingan istiqbolli maydonlarning ko‘tarilgan
bloklarida;
Bir-biriga bog‘liq bo‘lmagan ikkita izlov qudug‘ini burg‘ilash:
- taxmin qilinayotgan gumbazning markaziy qismidagi
kichik amplitudali
strukturalarda va strukturalar kuchsiz ifodalangan zonada;
- ko‘p qubbali ko‘tarilmadagi eng yirik gumbazda va gipsometrik yuqori
joylashgan qubbada,
shuningdek, qubbalar oralig‘idagi zona chegarasida
strukturani neft yoki gazga to‘lganlik darajasini “kritik yo‘nalish”
metodi bilan
aniqlash maqsadida;
- mahsuldor gorizontlar yuqoridagi va pastdagi strukturalar planlariga o‘zaro
mos kelmagan sharoitlarda antiklinal burmalarning gumbazida “asosiy yo‘nalish”
metodi bo‘yicha burg‘ilash.
Qazilgan uchta bir-biriga bog‘liq bo‘lmagan izlov qudug‘i bo‘yicha kesma
chizig‘ini o‘tkazish:
- braxiantiklinal strukturaning cho‘ziq tomoniga ko‘ndalang yo‘nalishda;
- antiklinal burmalarning uzun o‘qi yo‘nalishi bo‘yicha;
- struktura gumbazining chuqurlik bo‘yicha siljiganligi to‘g‘risida
ma’lumotlar etarli bo‘lmaganda tor, chiziqsimon cho‘zilgan burmalarning
uzunligiga diagonal yo‘nalishda;
70
- engsimon, delta va bar tipidagi litologik chegaralangan
tutqichlarda neft va
gaz uyumlarini izlash uchun regional cho‘kish hamda qatlamlarning cho‘ziqligi
yo‘nalishlari bo‘yicha uchburchak to‘ri shaklida (egri-bugri, kesma ko‘rinishida) bir-
biri bilan bog‘liq bo‘lmagan uchta quduq qazish.
“Uyum” turidagi anomaliya (UTA)lardagi izlov quduqlarini joylashtirish
sxemasi ob’ektning maydoniga va chegarasiga bog‘liq bo‘ladi. Ob’ektning geologik
tuzilishini tavsiflaydigan ma’lumotlar bo‘lmasa, birinchi
quduq UTA maydonining
markaziga joylashtiriladi. Ijobiy natijalar olinganda qolgan ikkita quduq UTA ning
shaklini, o‘lchamini va birinchi quduqning sinash natijalarini hisobga olgan holda
joylashtiriladi.
Agarda birinchi uchta quduqda neft yoki gazning sanoat oqimlari bo‘lmasa
(struktura
planlari mos kelmasa, geologik tuzilishi taxmin qilinganidan
murakkabroq bo‘lsa va b.) ajratilgan izlov qavatida
izlov quduqlarini qazish
masalasi “O‘zgeoburg‘ineftgaz” AK, “O‘zbekgeofizika” AJ va “IGiRNiGM” AJ
lari tomonidan taqdim etilgan tegishli dalillarni va xulosalarni “O‘zbekneftegaz”
AJda o‘rganib chiqish asosida hal qilinadi.
Dostları ilə paylaş: