akademik qarzdor deb hisoblanadi va belgilangan tartibda talabalar safidan chetlashtiriladi.
Himoya qilinib baholangan hisobotlar magistratura bo‘limida aloxida magistrantlarning ilmiy amaliyotini baholash qaydnomasida qayd qilib umumlashtiriladi.
Mutaxassislik kafedrasi tomonidan magistrantlarning ilmiy amaliyot davomida tartib-intizomga rioya qilishlari nazorat qilinadi hamda magistrantga xulq-atvor, kiyinish madaniyati va atrofdagilar bilan bo‘ladigan munosabat to‘g‘risida ko‘nikma beriladi.
Magistratura talabasi universitetda stajirovka bo‘yicha hisobot himoyasi o‘tkazilgunga qadar stajirovka bo‘yicha hisobotni dastlab mutaxassislik kafedrasi yig‘ilishida himoya qiladi. Himoya yakunlari bo‘yicha mutaxassislik kafedrasi tomonidan yozma ravishda xulosa beriladi.
Magistratura talabasi stajirovka bo‘yicha hisobot himoyasi o‘tkazilishidan kamida 5 kun oldin universitetdagi stajirovka rahbariga stajirovka yakuni bo‘yicha quyidagi hujjatlarni taqdim etadi:
- stajirovka kundaligi;
- stajirovka bo‘yicha hisobot;
- stajirovka bo‘yicha talabaga biriktirilgan raxbar xulosasi;
Stajirovka bo‘yicha hisobot himoyasi universitet rektori buyrug‘i bilan universitetning malakali va tajribali pedagog xodimlaridan iborat tarkibda tuzilgan komissiya tomonidan Universitetda o‘tkaziladi.
Stajirovka bo‘yicha hisobot himoyasida qabul qiluvchi tashkilot vakili ishtirok etishi mumkin.
