O’zbekiston respublikasi oliy va o`rta maxsus ta`lim vazirligi t
Negativ psixopatologik belgilar.
Shizofreniyani fundamental negativ ko’rinishiga
sxizis (intrapsixik ataksiya)
kiradi. Sxizis deb ruhiyatni parchalanganligi, dezintegratsiyasi, aralash-quralashligi
tushuniladi. Masalan, xotira o’zgarmaydi, lekin fikrlash va nutqni uzuq-yuluq tarzdagi
og’ir buzilishi kuzatiladi. Ruhiyatni parchalanganligini aniq belgisi nutqni uzuq-
yuluqligidir. Bunda so’zni grammatik tuzilishi o’zgarmaydi faqat mantiqi, mazmuni
o’zgarad. Shaxsni ikkilanishi, depersonalizatsiya, ambivallentlik va boshqalar
kuzatiladi. Shizofreniyani yana bir asosi belgisi
autizimdir . Bunda real borliq bilan
aloqa kamayadi, bemor o’z dunyosiga berilib ketadi. Ba’zi hollarda bemorlar
borliqdan to’liq ajralib qoladi.
Ba’zan esa o’zini haddan ortiq analiz qilish bilan
cheklanadi. Intraverziya va autoerotizimni ham autizmga kiritish mumkin. Yana bir
shizofreniyaga xos qaytmas emotsional o’zgarish
apatiyadir . Apatiya ba’zan ko’ngil
bo’shlik, nozik hissiyotlar bilan qo’shilib kelishi mumkin.
Mayl buzilishlari
shizofreniya bilan og’rigan bemorlar uchun xosdir. Bemorlarda istaklarni pasayishi
xato abuliya ham kuzatilishi mumkin. Bemor bekordan bekorga yuradi, chekadi, oddiy
biologik talablarni qondiradi. Ba’zan istaklar pasaysada kasbiy faollik saqlanib qoladi.
Ayrim hollarda apatiya va abuliya birlashib ketadi. Apatiko-abulik sindrom paydo
bo’ladi. Shizofreniya bilan kasallangan bemorlarda kupincha parabuliya,
ambitendentllik, impulsivlik paydo bo’ladi.
Bemorlar fikrlashida turli hil o’zgarishlarni aniqlash mumkin. Birinchi o’rinda
fikrlashni uzuq-yuluqligi, paralogik fikrlash, autistik fikrlash, simvolik fikrlash, amorf
fikrlash, neologizmlar, bir fikrdan boshqasiga sakrash bo’ladi. Shuning bilan birga
ba’zi bemorlarga abstrakt fikrlashni yuqori darajadaligi xosdir.Fikrlashni bunday
xususiyatlari ba’zida bunday odamlarni kasbiy faoliyati davomida yuqori cho’qilarni
zabt etishiga imkon beradi. Bunday odamlarga misol qilib Nyuton, Nitsshe, Gogol,
Van Gog larni ko’rsatish mumkin. Ko’pchilik bemorlarda xotiraning formal
qobiliyatlari o’zgarmaydi. Xotirani pasayishi xotirani emotsional komponentlarini
pasayishi bilan bog’liqdir. Yana bemorlarda mimika o’zgargan bo’ladi. Gipomimiya,
paramimiya, amimiya kuzatiladi. Shizofreniya bilan og’rigan bemorlarni psixomotor
faoliyatida ham o’zgarishlar kuzatiladi. Ularni harakatlari qo’pol, tajang, sog’lom
odamlarga o’xshamaydigan bo’ladi. Bemorlarda boshqa odamlar bilan aloqa qilish
buziladi. Ular odamlarga kam qo’shiladi, odamlar bilan tanlab muloqotda bo’ladi va
ayrim hollarda ular odamlarga umuman qo’shilmaydi.