MA’NAVIYAT -kishilarning falsafiy, huquqiy, estetik, badiiy, axloqiy, diniy tasavvurlari va tushunchalari majmui.
MA’RIFAT – bilim berish, xabardor qilish, о‘rgatish ma’nolarini ifoda etadi. Ma’rifatning ikkinchi ma’nosi inson ongi, qalbi, hayot tarzini ijobiy tomonga о‘zgartirib, yaxshilik qilish, savob ishlarni amalga oshirishga undaydigan kuch sifatida namoyon bо‘ladi.
MADANIY MEROS – avlodlar tomonidan yaratilgan amaliy tajriba, axloqiy, ilmiy, tafakkuriy, diniy, ruhiy qarashlar, xalq madaniyati, ijodi kabi moddiy hamda ma’naviy boyliklar majmui.
MADANIYAT – jamiyat, inson ijodiy kuch va qobiliyatlari tarixiy taraqqiyotining muayyan darajasi. Kishilar hayoti va faoliyatining turli kо‘rinishlarida, shuningdek, ular yaratadigan moddiy va ma’naviy boyliklarda ifodalanadi. «Madaniyat» tushunchasi muayyan tarixiy davr, konkret jamiyat, elat va millat, shuningdek, inson faoliyati yoki turmushining о‘ziga xos sohalarini izohlash uchun qо‘llaniladi.
Dostları ilə paylaş: |