3
So'z boshi
“Ta'lim to'g’risida” va “Kadrlar tayyorlash milliy dasturi to'g’risida”gi
O'zbekiston Respublikasi qonunlariga muvofiq, Oliy ta'limning asosiy maqsadi za-
mon talablariga javob bera oladigan malakali, raqobatbardosh, yuksak bilimli, oliy
ta'lim mutaxassisi talablariga, o'zi tanlagan yo'nalishi yuzasidan talabga javob bera
oladigan respublikaning ilm-fan, madaniyat, iqtisod, ijtimoiy sohalarini rivojlan-
tirishda o'z hissasini qo'shadigan, mustaqil fikrlay oladigan, yuksak ma'naviyatga
ega bo'lgan yuqori salohiyatli mutaxassislarni tayyorlashdir.Oliy ta'lim- ning asosiy
vazifalaridan biri davlat ta'lim standartiga muvofiq zamonaviy dasturlar asosida
tuzilgan davlat tilida yozilgan zamonaviy o'quv adabiyotlarini yaratishdir.
Shunga ko'ra mazkur uslubiy qo'llanma ta'lim tizimini tubdan isloh qilish va
Kadrlar tayyorlash Milliy modelini shakllantirish maqsadlariga xizmat qiladi deb
hisoblaymiz. O'quv qo'llanma M. Ulug’bek nomidagi O'zbekiston Milliy universi-
tetining biologiya-tuproqshunoslik fakultetida “Sitologiya” kursi bo'yicha ko'p yillar
mobaynida turli ta'lim yo'nalishlari uchun o'qib kelinayotgan ma'ruzalar asosida
yozilgan bo'lib o'z ichiga namunaviy o'quv dasturdagi mavzularni qamrab olgan.
Oxirgi 50 yil mobaynida biologiya fanining molekulyar biologiya, mole-
kulyar genetika, hujayra va gen injeneriyasi kabi bo'limlari sohasida erishilgan
yutuqlar xozirgi kunda amaliyotda va sanoatda tadbiq etilmoqda. Bu sohada izlan-
ish ishlarining ortib borishi, hujayra biologiyasini o'rganishda yangi uslublarni
yaratish, uni molekulyar va genetik nuqtai nazardan o'rganishni taqozo etmoqda.
«Sitologiya» kursi talabalarga hujayra haqidagi bilimlarini shakllantirishi va
amaliy faoliyatga yo'naltirishga xizmat qilishi lozim.
Mazkur qo'llanmada turli hujayra komponentlariga alohida tuzilmalar ko'rin-
ishida emas, balki butun bir tizim sifatida qarab, bu esa o'z navbatida ularni bir-
biridan ajratmagan holda, tiriklikning yagona elementar birligi – hujayrada o'rgan-
ishga
yordam beradi
Mazkur kursning muhim xususiyati shundaki, u talabalarga kelib chiqishi ji-
hatidan turlicha bo'lgan hujayralarning tuzilishi haqida bilim beradi: bakteriya,
hayvon, o'simlik. Bu juda muhimdir, chunki bo'lajak zoologlar, botaniklar, mikro-
biologlar, virusologlar, biokimyo-garlar va biofiziklar hujayraning tuzilishini bilib-
gina qolmasdan, balki kelib chiqishi turli bo’lishiga qaramasdan hamma hujayralar
uchun umumiy bo'lgan qonuniyatlarni bilmoqlari zarur. Shuning uchun keltirilgan
mavzularda doimiy ravishda prokariot va eukariot hujayralar o'zaro taqqoslanadi.
Uslubiy qo'llanma bakalavrlar uchun mo'ljallangan. Lekin undan nafaqat ba-
kalavr talabalari, balki o'z bilim va ko'nikmalarini oshiruvchi magistr, stajyor
tadqiqotchi-izlanuvchilar ham foydalanishlari mumkin.
Mualliflar tomonidan yaratilgan mazkur qo'llanma “Sitologiya” fanidan aso-
siy nazariy bilimlarni olish uchun ilmiy manbaa bo'lib xizmat qiladi va o'zbek tilida
ta'lim olayotgan talabalarga bilim olish samaradorligi va talabaning fanga bo'lgan
qiziqishi ortishiga yordam beradi. Darsda talabalarni faollashtirish maqsadida turli
topshiriqlarni qo'llagan holda har bir mavzu oxirida darsni o'zlashtirishga oid savol-
4
lar keltirilgan bo'lib bu nafaqat mavzuni o'zlashtirishga, balki talabalarni mustaqil
fikrlash, o'z ustida ishlash qobiliyatini rivojlantirishga yordam beradi.
Ushbu qo'llanmaning yozilishida o'zlarining qimmatli fikrlarini bildirgan
akademik J.A.Musayevga, O'zRFA Genetika va O'EB instituti biologiya fanlari
doktori,
professor
S.M.Rizayevaga,
M.Ulug’bek
nomidagi
biologiya-
tuproqshunoslik fakulteti zoologiya va ixtiologiya kafedrasi dotsenti, biologiya fan-
lari nomzodi S.A. Sodiqovaga samimiy minnatdorchiligimizni izhor qilamiz.
Dostları ilə paylaş: