O‘zbekiston respublikasi sog‘liqni saqlash vazirligi tibbiy ta’limni rivojlantirish markazi
Yüklə 1,04 Mb. Pdf görüntüsü
|
| ANNOTATSIYA
Ushbu o‘quv-metodik qo‘llanma tibbiyotning oliy o‘quv muassalarining davolash «60910200» fakulteti talabalari, magistrlar, statsionar va oilaviy poliklinika sharoitidagi umumiy amaliyot shifokorlari uchun mo‘ljallangan bo‘lib, ishchi o‘quv dasturi tarkiga kiradi. O‘quv-uslubiy qo‘llanma oliy o‘quv yurtlarining tibbiyot fakulteti talabalari uchun bolalar kasalliklari dasturi asosida tayyorlangan. Bolalar suyak va mushak tizimi jarohatlanish semiotikasi va sindromlari to‘g‘risidagi ma’lumot xajmi o‘quv dastur sifatini oshirib, qo‘shimcha ma’lumotni o‘rganish va ma’lumot doirasini kengaytirish imkoniyatini yaratadi. Qo‘llanmada bolalarda kuzatiladigan suyak va mushak tizimidagi jarohatlanish muammolariga e’tibor beriladi. Taqdim etilgan materiallar talabalarga erta bolalikdan salomatlikni shakllantirishda suyak va mushak tizimidagi o‘zgarishlarni erta aniqlash axamiyatini yaxshiroq tushunishga yordam beradi. Talabalar bolalarda mushak-skelet tizimini o‘rganish, raxitning asosiy klinik belgilarini aniqlash, laboratoriya ma’lumotlari va suyak rentgenogrammalarining natijalarini o‘qish, vitamin D3 dozasini hisoblash ko‘nikmalarini o‘zlashtirish. Raxitni davolash va oldini olish uchun asosiy tamoyillari haqida malumotlarni o‘zlashtirishi amaliyotda muhim ahamiyatga ega. Tibbiyot oliygoxlari talabalari uchun mo‘ljallangan. 3 KIRISH Ma’lumki suyak tizimi organizmni muayyan holatda saqlab muxofaza etuvchi harakatga keltiruvchi tayanch bo‘lish bilan birga bir qatorda hayotiy zarur bo‘lgan qon ishlab chiqarishda modda almashinuvida ishtirok etadi. Oilaviy shifokorlarning bolalar suyak-mushak tizimini tekshirishi muhim ahamiyat kasb etadi. Bu orqali shifokorlar kasalliklarga erta tashxisot qo‘yish ushbu kasalliklarni davolash va bolalar orasida nogironlikni oldini olish kabi masalalarga yechim topadilar. Hozirgi vaqtda raxitni davolash va oldini olishda erishilgan yutuqlar tufayli uning og‘ir shakllarini kamdan-kam uchratish mumkin. Biroq, o‘rtacha og‘irlikdagi va hatto yengil raxit tananing umumiy reaktivligiga, bolaning turli kasalliklarining borishi va natijalariga sezilarli ta’sir ko'rsatadi. Bolalardagi ORVI, pnevmoniya va boshqa ko‘plab kasalliklar raxit fonida yanada og‘irlashadi va ko‘pincha asoratlar bilan birga keladi, raxitning engil shakllari bilan ham uzoq, surunkali shaklga o‘tadi. Yosh bolalarning aqliy va motorli rivojlanishi kechikishi mumkin. Maktabgacha va maktab yoshidagi bolalarni tekshirganda, ko‘pincha erta yoshda raxitning qoldiq asoratlarini ko‘rish mumkin, ularning ba’zilari kattalardagi nuqsonlarga, shu jumladan ayollarda tug‘ilishning qiyin kechishiga olib kelishi mumkin. |