20___-yil____ - _____________ __________-son Keles sh.
Toshkent tumani
“Bunyodkor” MFY Kengashiga
05.10.2022-yildagi 173-sonli murojaatga
Toshkent tumani hokimligi Sizning 05.10.2022-yildagi 173-sonli, mahalla aholisining “Bunyodkor” MFY Zarbuloq asosiy ko‘chasiga kirish qismi o‘ng tomonida ko‘chma savdo nuqtasi tashkil qilish uchun elektron auksionga chiqarilib sotilganidan noroziligi, ushbu hududni qonun doirasida o‘rganib, mahalla aholisi uchun yo‘l harakati xavfsizligini ta’minlagan holda ajratilganligi to‘g‘risida xulosa berishni so‘rab yozgan xatingizga javoban quyidagilarni ma’lum qiladi.
Mazkur masala Toshkent tumani Davlat soliq inspeksiyasi tomonidan o‘rganib chiqildi. Ko‘chma savdoni amalga oshirish tartibi to‘g‘risidagi Nizomning 5-bob, 41-bandiga muvofiq ko‘chma savdo ob’yektlari to‘g‘risidagi ma’lumotlar avtomatik tarzda O‘zbekiston Respublikasi Sanitariya-epidemiologik osoyishtalik va jamoat salomatligi xizmati, Veterinariya va chorvachilikni rivojlantirish davlat qo‘mitasi, Favqulodda vaziyatlar vazirligi, Ichki ishlar vazirligining Yo‘l harakati xavfsizligi xizmati va Davlat Soliq qo‘mitasi huzuridagi Kadastr agentliklarining hududiy bo‘linmalariga yuboriladi va mazkur Nizom talablariga muvofiqligi yuzasidan ko‘rib chiqiladi.
2022-yil 22-avgust kuni e-auksion.uz elektron savdo platformasida onlayn auksionda ishtirok etish orqali 2466504-sonli lotda YaTT Abdullayeva Muazzam Raxmatullayevna auksion g‘olibi deb e’tirof etilganligi hamda ko‘chma savdo ob’yektining “k-savdo” avtomatlashtirilgan axborot tizimida ro‘yxatdan o‘tganligini tasdiqlovchi KS03603-sonli guvohnomaga ega ekanligini ma’lum qilamiz.
Tuman hokimining
birinchi o‘rinbosari S.Ergashev
Ijr: Tuman Davlat soliq inspektsiyasi (X.Sultanov).
Dostları ilə paylaş: |