azatlıq haqqındag`ı talapların eziwshi duzimge qarsı bag`darlawda u`lken xızmetler ko`rsetti.
koloniyalardan jıynawg`a qarar etti. Usıg`an baylanıslı 1916- jılı 25-iyun`de imperator Nikolay P
42
qol qoyg`an front artındag`ı xızmetler ushın Turkstan, Sibir` ha`m Kavkazda 19 jastan 43 jasqa
shekemgi er adamlardı mobilizatsiyalawdı na`zerde tutqan pa`rman shıqtı.
Turkstan general-gubernatorına tezlik penen pa`rmandı iske asırıw xaqqında buyrıq berilip,
Sırda`r`ya wa`layatının` moynına 87 mın`, Samarqandqa 38 mın`, Ferg`anag`a 50 mın` ma`rdikar
jiberiw minnetlemesi juklendi. Usının` ishinde A`miwda`r`ya bo`liminen 5149 adam jiberiliwi tiyis
boldı. Bul pa`rman xalıqtın narazılıg`ın ku`sheytip jiberdi.
4-iyul`den u`lkenin` iri sawda ha`m o`nermentshilik orayı bolg`an Xojand qalasında narazılıq
demonstratsiyası baslanıp ketti. Onda diyxanlar, ma`rdikarlar, hayallar barlıg`ı 6 mın`nan aslam
adam qatnasıp, demonstratsiya
″
ma`rdikar bermeymiz
″
uranı astında o`tti. Demonstratsiya qan
to`gispeli soqlıg`ısıw menen pitti.
Samarqand ha`m Tashkentte de jag`day keskinlesti. 11-iyul`de Tashkent qalasında u`lken
ko`terilis baslanıp ketti. O`nermentler, jumısshılar, qala ka`mbag`alları ha`m a`tiraptag`ı diyxanlar
qatnastı. Ayrıqsha
atap etiw kerek, bul narazılıq ha`reketlerine Tashkent hayalları da belsene
qatnastı. Narazılıqlar Rossiyanın` negizgi paxtashılıq rayonına aylandırg`an Ferg`ana oypatında
barg`an sayın ku`sheydi.
9-iyul`den Andijanda, 10-iyul`de Skobelev uezdinde baslang`an. Qarama-qarsılıq ha`reketleri
Namanganda baslanıp, barlıg`ı bolıp 69 adam, sonın` ishinde 200-300 dey hayallar qatnasqan.
Ulıwma Turkstannın` barlıq jerinde ma`rdikarg`a alıwg`a qarsı ha`reketler ken` en` jaydı.
Bular qurallı ko`teriliskede aylanıp, adamlardın` o`limine sebep boldı.
1916-jılı milliy azatlıq ha`reketinde Jizzax ko`terilisi ayrıqsha boldı. Jizzaqtag`ı milliy azatlıq
guresi shın manisinde azatlıq urısına aylanıp ketti. Turkstan a`skeriy okrugi onı bastıra almay,
jan`adan-jan`a a`skeriy ku`shlerdi mobilizatsiyalap turıwg`a ma`jbur boldı.
Jizzaqlılar basqınshılarg`a qarsı g`azawat dag`azaladı. Bul dushpang`a qarsı musılman tuwı
astında birlesip, watandı azat etiw ushın a`diwli urıs dag`azalaw bolıp tabıladı.
Jizzax ko`terilisine Nazirxoja iyshan ha`m Abdiraxman zerger basshılıq etti.
Abdiraxman basshılıg`ındag`ı ko`terilistin` negizgi ma`qseti patsha kolonialılıg`ının` zorlıq
zombılıg`ına, ma`rdikarlıqqa adam alıwına, xu`qıqsızlıqqa qarsı guresiwden ha`m u`lkede orıs
patshalıg`ının` barlıq basqarıw usılın joq etip, erkin jasawg`a erisiwden ibarat edi. Ko`terilis kem-
kemnen a`tiraptag`ı awıllardın` xalqı esabınan ko`beye berdi. Ko`terilisshiler bir neshe ma`rte
o`zlerine qarsı qaratılg`an Afanas`evtin` u`lken ku`shleri menen soqlıg`ısıp olardı shegindiriwge
ma`jbur etti. Ha`tteki, onın` armiyaları qıyratılıw aldında turg`anda polkovnik Đvanov ja`rdemge
jetip keldi. Ayawsız sawashta ha`zirgi zaman texnikası menen bolsa da, jeniske eristi. Son` olardan
ayawsız o`sh alıwg`a eristi. Jaza armiyası hesh kimdi ayamadı. Onlap awıllardan birde nıshan
qaldırmag`an.
Ko`terilis u`lkedegi orıs kolonizatorlıq duzimi tubi bos tiykarda ekenligin ha`m onın` sutinleri
qıymılday baslag`anın da ko`rsetti. Ol patshashılıqtın` jaqınlap kiyatırg`an ulıwma siyasiy
dag`darısının` jarqın bir ko`rinisi de edi. Ko`terilis qıyratılg`an
bolsa da, biraq ol Turkstan
xalıqlarının` watanın suyiwshiligi, arnamısının` so`nbegenligin ko`rsetti.
Dostları ilə paylaş: