54
Qəzetin 9-cu sayında verilən bir elanda Təbrizin «Ədəbiyə» məktəbində
heç məktəbə getməmiş 7 yaşında uşaqların 4 ay içində fars, türk və ərəb dilində
yazıb-oxumaq təklifi verildiyi və məktəbin ana-atalar qarşısında sınaqdan
keçirildiyi bildirilmişdir. 32-ci sayında eyni məktəb öyrəncilərinin, müəllimlər
ilə birlikdə Təbriz Əncüməninə gedib «Əncümən» üzvlərinə türkcə şeirlər
oxuduqlarını, Əncümənin məktəbə 25 tümən yardım etdiklərini və qəzetin hər
həftə 60 nüsxə öyrəncilərə pulsuz göndərilməyi xəbəri və orada oxunan şeirlər
dərc olunmuşdur. Şeir belə başlayır:
Məktəbdir ənbiyadə nəbilik əlaməti,
Məktəbdir ovliyadə vəlilik səadəti.
Məktəbdir aləmdə yetirən hər hidayəti,
Məktəbdir orgədən bizə əmri-şəriəti.
Qəzetin 44-cü sayında yenə də «Səadət», «Ədəbiyyə», «Nübar»
məktəblərinin öyrəncilərinin müəllimləri ilə birlikdə teleqraf mərkəzinə
getdikləri və orada şeir və xitabə oxuduqları bildirilir. Oxunan xitabədən sadəcə
«Biz bir qaşıq qanımızı əlimizə alıb millətə nisar (qurban – P.M.) eləməyə
gəlmişik» cümləsini örnək verərək oxunan şeir tamam çap edilmişdir:
Əməlimiz, əfkarımız iqbali-vətəndir,
Sərhədimizə qala bizim xaki vətəndir
Dava günü yeksər görünən qanlu kəfəndir.
İranlularıq can veribən, nam alaruq biz,
Davada şəhadətlə kam alaruq biz.
İranlı adı hər ürəgi lərzə salandır,
Əcdadımızın hibəti
*
məərufə cahandır.
Eyni sayda «Pərşəriş» və «Rüşdiyyə» məktəbi öyrənclərinin də oxuduqları
xitabələr nəşr edilib.
«Əncümən» qəzetinin 116-cı sayının sonluğu, 3-cü səhifənin isə yarısı
türkcədir. Türkcə olan mətnlər əslində «Səadət» və «Nübar» məktəbləri
müəllimlərinin danışmalarından ibarətdir. Məktəb öyrənciləri ilə müəllimlərinin
55
türkcə şeirlər oxuyub, çıxış etmələri Təbriz məktəblərində türkcənin təliminin
hələ güclü olduğunun göstəricisi idi. Ancaq şeirlərdə və danışmalarda diqqəti
çəkən ən önəmli xüsusiyyət Güney azərbaycanlılar üçün iranlılığın üst kimlik
kəlməsi və onun hər bir danışmada vurğulanmasıdır.
Qəzetin 107-ci sayından etibarən əyalət və vilayət əncümənlərinin qanun
layihəsi sırayla yayınlanmışdır. Layihəyə görə hər bir əyalətdə «Əncumən»in
bir əyalət əncuməni (məclisi) qurulmuşdu.
Əncumən üzvləri xalqın səsi ilə seçilir, seçicilərin İran təbəəsi və 21
yaşından yuxarı olması, əyalətdə evi və mülkü bulunması, ya da bir baş vergi
verməsi şərtdir. Qadınlar seçimlərə qatıla bilməzlər. Namizədlərə gəldikdə isə
ən az 30 yaşında olub, farsca oxumağı, yazmağı bilməlidirlər.
Məşrutənin ana yasasında rəsmi dildən söz edilmədildiyi halda, farsca
yazıb-oxumağın şərt bildirilməsi və dolayısı ilə də sadəcə türkcə oxuma-yazma
bilən bir insanın Azərbaycan əncuməninə seçilməsinə namizəd olmaqdan
məhrum edilməsi məqbul məşrutə dövründə fars dilinin daha rəsmi status
qazanmasına yol açan və türkcənin artıq rəsmi mərkəzlərdə bir işə
yaramayacağı anlayışına gələn bu maddə türklərin məşrutə dövründə
uğradıqları ən böyük zərər olmuşdur. Mərkəzi hökumətin türklərin əlində
bulunması və Məşrutə hərəkatı bayrağının da azərbaycanlıların əlində olması,
türkcənin də farscanın yanında rəsmi status qazana bilməsi əlverişli bir şərait
yaratmasına rəğmən Azərbaycan aydınları bütün İranı qurtarmaq naminə
Azərbaycanı tamam unutmuşdular.
Qəzetin 1907-ci ildəki 1-ci sayında Bakıda nəşr olunan «Füyuzat»
qəzetindən götürülmüş «Nizami Gəncəvinin oğluna nəsihəti» yazısı verilmişdir.
«Əncümən» qəzetinin 1907-ci ildəki 10-cu sayının birinci səhifəsində Parisdən
«Osman və iqtisadi tərəqqi cəmiyyəti» tərəfindən Təbriz milli əncuməninə
göndərilən bir məktub və ikinci səhifədə isə «Əncumən» tərəfindən verilən
cavab yayınlanmışdır. Cavab məktubunun sonunda qəzet tərəfindən belə bir
açıqlama verilmişdir: «Farsca oxuyan dəyərli oxucu və abunəçilərimizə bir az
çətin olsa da osmanlı türkcəsi ilə yazılmış olan bu iki məktubu müqəddəs
56
Əncumən üzvlərinin istəyi üzrə çevirmədən olduğu kimi nəşr edirik (108, 1384,
№138-139, 34-37).
«AZƏRBAYCAN» DƏRGĠSĠ
Şərq aləmində böyük əks-səda doğuran «Molla Nəsrəddin»in nəşrindən 8
ay sonra onun təsiri altında Arazın o biri tayında – Təbrizdə «Azərbaycan»
satirik dərgisi çap olundu.
«Azərbaycan» dərgisinin redaktoru Əliqulu Səfərov Cənubi Azərbaycanın
istedadlı publisistlərindən idi. O, hələ XIX əsrin sonlarında «Şəbnamə»,
«Ehtiyac», «İqbal» kimi qəzetləri təsis etmişdi.
Ə.Səfərovun oğlunun atası haqda yazdığı xatirəsindən məlum olur ki, «o
gənc yaşlarında atasının yanında Rusiya və Türkiyədə ticarətxanaların idarəsi
ilə məşğul olurdu. Bu ölkələrdə İran hökuməti tərəfindən sürgün edilmiş siyasi
mühacirlər və yerli mütərəqqi ziyalılar ilə sıx təmasda olur. sonralar vətənə
xidmət etməkdən ötrü ticarəti tərk edib vətənə dönür».
2
Ə.Səfərov Təbrizdə öz həmfikirləri ilə bərabər gizli bir cəmiyyət
yaratmışdı, «Gizli əncümən» adlanan bu mərkəzdə onunla yanaşı dövrün
vətənpərvər ziyalıları iştirak edirdilər. Ə.Səfərov qəzet və digər nəşrləri xalqı
ayıltmağın ən təsirli vasitələrindən biri hesab edirdi. 1892-ci ildə Ə.Səfərov
Təbrizdə «Şəbnamə» adlı kiçik ölçülü satirik qəzet-vərəqə buraxmağa nail oldu
(110, 1946, №26).
Ə.Kəsrəvinin yazdığına görə Əliqulu Səfərov «gizli əncumə»nin üzvü
olmaqla bərabər Məmmədəli Mirzənin «gizli polis» rəisi idi. M.Mirzəyə gələn
raportlar, məktublar Əliqulu xanın əlindən keçirdi. O, bu vəzifəsindən istifadə
edərək əlbir və həmfikir olduğu yoldaşlarını polisdən qoruyur, həm də ölkədə
baş verən cinayətləri, mənfi halları açıb «Şəbnamə»də yayır, geniş kütlələri
xəbərdar edirdi.
4
Xalqın ehtiyac və arzularını sadə anlaşıqlı dildə, yeri gəldikdə isə gülməli
şəkillərlə özündə əks etdirən «Şəbnamə» Ə.Səfərovun redaktorluğu ilə qeyri-
leqal çıxarılırdı. Bu mətbu nümunəsi xalq arasında böyük maraq və rəğbətlə
Dostları ilə paylaş: |