Pinbord usuli

“Pinboard” metodi

( inglizchadan: pin - mustahkamlash, board - doska)
Bu oʻqitish metodining mohiyati shundan iboratki, unda munozara yoki oʻquv suhbati amaliy metod bilan bogʻlanib ketadi. Uning afzallik funksiyalari - rivojlantiruvchi va tarbiyalovchi vazifadir: oʻquvchilarda muloqat yuritish va munozara olib borish
madaniyati shakllanadi, oʻz fikrini faqat ogʻzaki emas, balki yozma ravishda bayon etish mahorati, mantiqiy va tizimli fikr yuritish koʻnikmasi rivojlanadi.

Pinbordning texnologik xaritasi

Ish bosqichlari va tarkibi	Faoliyat
	Oʻqituvchi	Oʻquvchi
1-bosqich Tayyorlov	Mavzuni aniqlaydi, maqsadni aniq ifoda etadi, natija va baholash mezonini aniqlaydi. Qiziqtiruvchi (muzokarani) savol va asosiy fikrlarni shakllantiradi.
2-Bosqich Mavzuni ishlash	Mavzu tuzilishini aniqlaydi, oʻz mulohazalarini bildiradi va oʻquvchilarga oʻz nuqtai nazarlarini bayon etishni taklif etadi. “Pinbord” metodini tushuntiradi. Munozara boshlanishini tezlashtirish uchun bir nechta tayyorlangan savollarni berishi mumkin.	Mavzuni, uning maqsadi asosida o`qituvchi bergan savollarni yozib oladi. Munozara vaqtida mavzuni ishlab chiqadilar.
3-Bosqich Oʻz xulosalarini yozma bayon etish	Kuzatadi.	Munozara davomida shakllangan fikrlarini asosiy xulosalar koʻrinishida qogʻoz varogʻi yoki kartochkaga yozib doskaga ilib qoʻyadilar.
4-Bosqich Umumlashtirish	Maslahat va tavsiya orqali majbur qilmasdan koʻmak berish.	Oʻquv guruhining 2 - 3 a’zosi oʻrtoqlari bilan maslahatlashgan holda mazmuniga qarab ma’lumotni tartiblaydilar va guruhlarga boʻladilar. Strelka, chiziq va boshqa belgilar yordamida ularning oʻzaro munosabatini: bir butun yoki qarama - qarshi nuqtai nazarni shakllantiradilar
5-bosqich Yakun yasash, tahlil qilish, baholash	Oʻquvchilar tomonidan amalga oshirilgan faoliyatga yakun yasaydi, tahlil qiladi va baholaydi.	Oʻz-oʻziga baho berishni amalga oshirishlari mumkin.