Publication1

‐ Rəşid müəllim, işdən kənar hər hansı bir məşğuliyyətiniz və ya hobbiniz varmı?
‐ Mən uzun illərdir filoteliya və numizmatika ilə məşğul oluram. Qeyd edim ki, bu maraqlarım
dünyagörüşümün zənginləşməsinə əhəmiyyətli təsir göstərmişdir. Hal‐hazırda məhkəmə
hakimiyyətinə, hüquqa aid marka, pul, nişanlar və rəmzlərdən ibarət kolleksiya toplayıram. Bu
kollek
siyaya aid nümunələri toplayarkən müəyyən etmişəm ki, bizim eranın 2‐ci əsrindən başlayaraq
bugünə kimi ədalət ilahəsi Femidanın təsviri olan pullar zərb olunur. Eyni zamanda yaxın yüzilliklər
ərzində Azərbaycan torpaqlarında fəaliyyət göstərən hakimlərin məxsusi döş nişanları və möhürlə
ri
olmuşdur. Həmin rəmzlərdən bəziləri mənim kolleksiyamda da var və mən bununla qürur duyuram
.
(Qeyd: Oxucular kolleksiya ilə Jurnalın “Asudə vaxt” rubrikasında tanış ola bilərlər.)
‐ Sonda ənənəvi sualımızı Sizə vermək istərdik. Yetişməkdə olan gənc hüquqşünaslarımıza
məsləhətləriniz nədən ibarət olardı?
‐ Gənclərə arzum və tövsiyəm ondan ibarətdir ki, ilk növbədə, onlarda vətəninə, xalqına, dövlətinə
qarşı məhəbbət, bağlılıq olmalı, xalqımıza məxsus adət‐ənənələrə hörmətlə yanaşmalı, öz peşəsini
sevməli və onu hər zaman uca tutmalıdır. Hesab edirəm ki, bu xüsusiyyətlərə malik olan şəxs həmişə
öz üzərində çalışaraq, biliklərini zənginləşdirərək cəmiyyətə yararlı və gərəkli bir hüquqşünas kimi
yetişəcəkdir. Bu barədə Otto fon Bismark demişdi: “Elə oxu ki, sanki əbədi yaşayacaqsan, elə yaşa
ki, sanki sabah öləcəksən...”
‐ Rəşid müəllim, əvvəla maraqlı və səmimi müsahibəniz üçün Sizə öz təşəkkürümüzü bildiririk.
Xoş bir təsadüfdür ki, jurnalımızın bu buraxılışı Sizin 55‐ci doğum gününüz ərəfəsinə təsadüf
edir. Bu mənada qarşıdan gələn bu xoş gün münasibətilə Sizi ürəkdən təbrik edir, şəxsinizə
uzun ömür və möhkəm cansağlığı arzu edirik.