Qatnov qismi to‘sinlarining hisobi

Bo‘ylama to‘sinlarni ko‘ndalang to‘sinlarga mahkamlanishining hisobi. Qatnov qismining bosh fermalar belbog‘lari bilan birgalikda ishlamaydigan to‘sinlari devorlari birikmasi, shartli ravishda, bo‘ylama to‘sinning tayanch kesimidagi hisobiy ko‘ndalang kuch Q ta’siriga hisoblanadi (rasm 5.10, a).

Rasm 5.10. Qatnov qismi to‘sinlari mahkamlanishining hisobiy sxemalari:
a-bo‘ylama to‘sinlarni ko‘ndalang to‘sinlarga mahkamlanishi; b-ko‘ndalang to‘sinni bosh fermaga mahkamlanishi; 1-bo‘ylama to‘sin; 2-ko‘ndalang to‘sin; 3-gorizontal nakladka; 4-vertikal burchak; 5-konsol taxta
Vertikal burchaklarni bo‘ylama va ko‘ndalang to‘sinlar devorlariga mahkamlash uchun talab etilgan boltlar soni n₁ va n₂ quyidagi formula bo‘yicha aniqlanadi:
;
bu formulada: =0,9 – to‘sinlarni mahkamlash ish sharoiti koeffitsienti; - bir boltokontaktdagi hisobiy zo‘riqish; - bir dona mustahkamligi yuqori bo‘lgan boltning kontaktlari soni (burchaklarni bo‘ylama to‘sin devoriga mahkamlaydigan boltlar uchun 2 ga, ko‘ndalang to‘sin devoriga mahkamlaydigan boltlar uchun 1 ga teng).
Bo‘ylama to‘sinlar belbog‘larining birikmalari bo‘ylama to‘sin oralig‘i o‘rtasidagi eguvchi moment qiymatining 0,6 siga teng bo‘lgan tayanch momentiga hisoblanadi.
Gorizontal nakladkadagi hisobiy zo‘riqish ;
Bu erda M – bo‘ylama to‘sin oralig‘ining o‘rtasidagi hisobiy eguvchi moment; h – bo‘ylama to‘sin balandligi; t – nakladkaning qalinligi (oldindan 2-3 sm ga teng qabul qilinadi);
Nakladkaning talab etilgan qalinligi
;
bu erda: m=0,9; m_b – nakladkalarning ish sharoiti koeffitsienti (0,9 ga teng); b_n – nakladkaning kengligi (to‘sin belbog‘i kengligidan 10 mm ga ortiq qabul qilinadi); d₀ – bolt uchun teshikning diametri.
Bir dona yarim nakladkadagi mustahkamligi yuqori bo‘lgan boltlarning talab etilgan soni ; Bu erda m =0,9.
Ko‘ndalang to‘sinlarni bosh fermalarga mahkamlash hisobi. Ko‘ndalang to‘sinlar bosh fermalar tugunlariga kesimi 100 + 100 x 12 mm dan kichik bo‘lmagan vertikal burchaklar yordamida mahkamlanadi (rasm 5.10, b).
Vertikal burchaklarni ko‘ndalang to‘sinlar devoriga va bosh fermaga mahkamlash uchun talab etilgan mustahkamligi yuqori boltlarning soni n₄ va n₅ quyidagi formula bo‘yicha aniqlanadi:
;
Bu erda: - ko‘ndalang to‘sinning tayanch kesimidagi hisobiy kesuvchi kuch; - boltlarning ish sharoiti koeffitsienti (burchaklarni ko‘ndalang to‘singa mahkamlaydigan boltlar uchun =0,9; burchaklarni fermaga mahkamlaydigan, lekin tayanch momentlarini qabul qila olmaydigan konstruksiyadagi boltlar uchun =0,85; tayanch momentlarini qabul qila oladigan konstruksiyadagi boltlar uchun =0,9); - bir boltokontaktdagi hisobiy zo‘riqish; - bir dona mustahkamligi yuqori bo‘lgan boltning kontaktlari soni (burchaklarni ko‘ndalang to‘singa mahkamlaydigan boltlar uchun 2 ga, fermaga mahkamlaydigan boltlar uchun 1 ga teng).
Agar talab etilgan boltlar soni burchaklar polkalariga sig‘masa, unda kengroq polkali burchaklar qabul qilinib boltlar ikki qator joylashtiriladi yoki burchaklarning uzunligi konsol taxtalar qo‘shilib orttiriladi (rasm 5.10, b ga qarang).