105
İqtisadi və Siyasi Elmlər Jurnalı.
№ 4 (9) 2017
təmsilçilik verilməli, Abxazlara Gürcüstan konstitusiyasında abxaz
xalqının dili, mədəniyyəti və milli dəyərlərinə qarşı qərarları veto etmək
haqqı verilməli, Qali və Oçamçira sərbəst ticarət bölgəsi yaradılmalı idi və
s. Lakin bu təklif də Abxaziya tərəfindən rədd edilir.
08.08.2008 tarixi Abxaziya münaqişəsinin eskalasiya dövrü, eləcə də
Rusiya-Gürcüstan münasibətlərdə gərginliyin kuliminasiya mərhələsi
hesab edilməlidir. Həmçinin 2007-ci ildə Putinin ilk dəfə iştirak etdiyi
Münhen Təhlükəsizlik Konfransında ―təkqütblü dünya sisteminin qəbul
edilməz olduğunu, bundan sonra çoxqütblü bir sistemin olacağını‖
bildirməsi [13], ―5 günlük müharibə‖ ərəfəsində gedən siyasi proseslər
Rusiya ilə ABŞ arasında ―mini soyuq savaş‖ kimi də dəyərləndirilməlidir.
Çünki müharibədə məqsəd yalnız separat rejimlərin müstəqilliyini elan
etmək, tanımaq deyil, əsasən Qafqazda, ümumiyyətlə regionda itirilmiş
mövqeyi geri qaytarmaqdan ibarət idi. 2004-cü ildə NATO-nun yeni
genişlənmə prosesi ilə Latviya, Litva, Estoniyanın təşkilata daxil edilməsi,
ardından Avropada inteqrasiya proseslərinə inadla qatılmaq istəyən
Gürcüstanda, Ukraynada rəngli inqilablar artıq regionda Rusiyanın ABŞ
tərəfindən öz sərhədlərinə doğru sıxışdırılması anlamına gəlirdi. Rusiya
üçün Gürcüstanın, Ukraynanın NATO-ya üzvlüyü ilə ABŞ-ın Türkiyədə
Yupiter raketlərinin yerləşdirməsi arasında demək olar ki, heç bir fərq yox
idi. Bu baxımdan ―5 günlük müharibə‖ Rusiya üçün bölgəyə qayıtmaq
yolunda önəmli addım hesab edilir. Müharibə gedişində Abxaziya və
Cənubi Osetiyanın müstəqilliyi Rusiya tərəfindən tanınır. Bunun
qarşılığında ABŞ Rusiya ilə Polşada və Çexiyada yerləşdirmək istədiyi
nüvə başlıqlı raketlərlə bağlı danışıqlar prosesini birtərəfli qaydada
dayandırdı və o zamanki xarici işlər naziri Condeelezza Rice Polşaya
razılaşma əldə edildi. Eyni zamanda 2009-cu ildə ABŞ ilə Gürcüstan
arasında bir sıra sahələri əhatə edən Təhlükəsizlik Paktı imzalandı. Hətta
ABŞ prezident seçkiləri zamanı namizədlərdən McCain seçiləcəyi halda
Qərb ölkələri ilə birlikdə Çeçenistan və digər Rusiya tərkibindəki
muxtariyyətləri tanıya biləcəklərini ifadə etdi. Bu proseslər gedişində
2012-ci ildə Gürcüstanda Saakaşvili hakimiyyətinin sona yetməsi və rus
yönümlü hökümətin qurulması, 2014-cü ildə Ukraynada baş verən
proseslər, Krımın ilhaqı regionda gedən soyuq müharibədə ABŞ-ın qalib
gəldiyini deyil, Rusiyanın uduzmadığını bizə göstərdi. Artıq 201-ci ildə
Rusiya regionda öz nüfuzunu bərpa edib, ―yaxın çevrə‖ maraqları
istiqamətində yürütdüyü siyasət öz effektini verib və növbəti hədəf
―Avrasiyaçılıq‖ ideyalarını reallaşdırmaqla yenidən super güc statusuna
yiyələnmək olacaq.
106
İqtisadi və Siyasi Elmlər Jurnalı.
№ 4 (9) 2017
Abxaziya münaqişəsi də Rusiyanın Cənubi Qafqazda nüfuz
mücadiləsinin bir hissəsi kimi dəyərləndirilməlidir. Heç bir halda bu
separatçı rejim müstəqil dövlət ola bilməz, dünya dövlətləri tərəfindən,
BMT tərəfindən tanına bilməz, Kosovo modeli ilə müqayisə oluna bilməz.
Münaqişə ilə bağlı Abxazlar hesab edir ki:
onların qədim tarix malik dövlətçilik ənənələri var, gürcülərlə
qohum olmayan xalqdır, fərqli adətlərə sahib, fərqli dil ailəsinə
mənsubdurlar;
SSRİ dövründə qəbul edilən Konstitusiya qaydalarını əsas tutaraq
Abxazlar ya Gürcüstandan tam ayrı müstəqil dövlət olmalıdır, ya da
federasiya formasında birləşməlidir [14].
Lakin abxazların bu fikirlərinə qarşı əsaslı arqumentlərlə çıxış etsək,
aşağıdakı qənaətə gəlmək mümkündür:
Hər bir etnos hesab edir ki, yalnız suveren dövlətə malik olmaqla
mədəniyyətini, mənəvi birliyini qoruya bilər. Nəzərə alsaq ki, hal
hazırda dünyada təxmini hesablamalara görə 5000-dən çox etnos
yaşayır, bu etnosların da təbii ki, özlərinə məxsus adətləri, dini
baxışları, tarixçilik ənənələri var, o zaman bütün etnosların öz
suveren dövlətlərini qurmaq arzularının gerçəkləşməsi utopiyadan
başqa bir şey deyildir.
SSRİ dövründə müxtəlif dövrlərdə (1924, 1936, 1977) 3
konstitusiya qəbul edilib və sonradan birlik respublikalarının qəbul
etdiyi konstitusiyalar bu konstitusiyaya uyğunlaşdırılıb, sonuncu
1977-ci il konstitusiyasının 85-ci maddəsinə əsasən Abxaziya
Gürcüstan tərkibində muxtar respublikadır, bu aspektdən yanaşsaq,
həmin dövrdə SSRİ ərazisində Abxaziya xaric 19 muxtar respublika
statusuna malik subyekt var [15].
Abxaziyada yaşayan əhali prizmasından məsələyə nəzər salsaq,
1930-cu illərdən etibarən bölgədə gürcüləşdirmə siyasəti həyata
keçirildi, bu bir baxımdan abxazların xeyrinə sayıla biləcək
arqument hesab edilsə də, əhalinin etnik tərkibinin dəyişdirilməsi
birbaşa SSRİ-nin bu bölgədə etnik münaqişəyə zəmin yaradan
addımı kimi dəyərləndirilməlidir. Çünki Sovetlər birliyində
sərhədlər ərazidə yaşayan xalqların tarixinə, adət-ənənələrinə,
dilinə, mədəniyyətinə uyğun deyil, ―mərkəzin‖ maraqları
baxımından müəyyənləşdirilmişdir.
Hal hazırda Abxaziya münaqişəsi nəticəsində bölgədə yaşayan 150
min məcburi köçkün məsələsi əsas predmetlərdən biridir, çünki
bölgədə keçirilən referendum, seçkilər zamanı və hər hansı bir
Dostları ilə paylaş: |