Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- XXII fəsil. Valideynlərin sözlərini yerə salan övladlar
245 şəhərlərdəki kitabxanalara daxil olur və kitabsevər insanların qəlbini fəth edərək, hamının sevimlisinə çevrilir. - Siz istəsəniz, - deyə daha da cuşa gələn müxbir hərarətlə dilləndi. - gedib Çingiz Abdullayevin qəbuluna düşərik və orada şəxsən öz dəst-xəttilə yazdığı təfəkkür məhsullarını hədiyyə ala bilərik. Bu sözlərdən sonra riqqətə gələn qızın gözəl çöhrəsində şirin təbəssüm yarandı və o, qamətini şax tutaraq, qarşısındakı oğlana mənalı nəzər saldı. Sanki oğlanın dediyi sözlər onun ürəyindən olmuşdu. İndiki məqamda Gülnarəni qəribə hisslər bürüyürdü. Əliyusifdən nə qədər xoşu gəlirdisə, bir o qədər də yadına müxbirin Natiq tərəfindən qəddarcasına döyülməsi səhnəsi düşürdü. Axı, həmin təhrikə görə məhz qızın özü məsuliyyət daşıyırdı. Həm də o, elə başa düşürdü ki, müxbir onun yanında olmasına və üzünə gülməsinə baxmayaraq, ürəyində məhz onu qınayır, bəlkə də lənətləyir. Rəssam qız elə etmək istəyirdi ki, onun könlünü birdəfəlik alıb xəcalətdən çıxsın. Bunun üçün ən yaxşı vasitə Əliyusif ilə bir kafedə əyləşib ürəkdolusu söhbət aparsın. Çünki Gülnarə müxbirin mimikasından və hərəkətlərindən hiss edirdi ki, cavan oğlan onunla sakit bir məkanda oturub səmimi söhbət etmək arzusundadır. 246 Əlbəttə ki, qız belə bir təklifi verə bilməzdi və belə bir təklifin eşidilməsi üçün də tələsmirdi. Oğlanların psixilogiyasına müəyyən qədər bələd olan rəssam qız əmin idi ki, o, səmimiyyətini bildirərək xoş məcrada ünsiyyət quranda, onda həmin adam çalışacaq ki, qısa bir müddət ərzində bir daha görüşüb onunla ürəkdolusu söhbət eləsin. Məhz bu səbəbdən istədiyi ədəbiyyatı əldə edən Gülnar, vaxtın məhdud olduğunu nəzərə alıb, təcili evə gedəcəyini bildirdi. Belə bir qərardan məyus olan Əliyusif bir daha nə vaxt görüşəcəyini soruşdu. Ləyaqətini qorumağı bacaran rəssam qız buna heç bir ehtiyac olmadığını qeyd edərək, müxbirdən uzaqlaşmağa çalışdı. Lakin müxbir özündən asılı olmayaraq onun qarşısını kəsib üzrxahlıqla dedi: - Hörmətli xanım, mən bu həyatdan çoxlu mənəvi zərbələr almış və hər dəfə bütün iradəmi toplayaraq, həmin psixoloji baryeri addımlamağa çalışıram. İş ondadır ki, müsbət xarakterli adamlarla üzləşəndə hiss edirsən ki, onlardan müsbət aura ixrac olunur, amma onlarla ünsiyyət quranda isə, həmin əks tərəfdən ixrac olunan müsbət auranı, masbət enerjini idxal edirsən. - Əliyusif, məlumatın olsun ki, mən də bu həyatda xoş günlər keçirmirəm. Əlbəttə xoş niyyətli şəxslərlə ünsiyyət quranda insan özünü mənəvi cəhətcə rahat hiss edir. Təzadlarla dolu olan cəmiyyətimizdə cürbəcür insanlar 247 yaşayır, lakin gözəl xasiyyətli, xoş niyyətli insanlar çox azlıq təşkil edir. Belə bir insanlara hər birimizin ehtiyacı var. Mən deyərdim ki, sən həmin azlıqda olan insanlar cərgəsindəsən. Amma bu o demək deyil ki, mən sənin hər bir xahişinə razılıq bildirməliyəm. - Axı, mən sizinlə görüşüb sizin haqqınızda olan bütün müsbət fikirləri söyləməliyəm. - Yadda saxla ki, Azərbaycan o qədər də böyük ölkə deyil və paytaxtımız da Nyu-York, Tokio, Moskva, London kimi iri şəhər sayılmır. İstəsən, məni axtarıb taparsan. XXII fəsil. Valideynlərin sözlərini yerə salan övladlar Gülnarənin qərarını başa düşmək çətin deyildi. O, bir xanım kimi şərəf və ləyaqətini ucuz tutmamaq üçün hər verilən təklifə müsbət fikir bildirməməliydi, xüsusən də həmin təklif oğlanla görüşdən ibarət idisə. Həm də aydın idi ki, Əliyusifin qıza olan meyli ciddidirsə o, heç bir çətinliyə əhəmiyyət vermədən nəyin bahasına olursa-olsun, 248 istədiyi şəxsin harada olduğunu müəyyənləşdirib onunla görüşməlidir. Bu bir növ sınaq sayılırdı və müxbir həmin sınaqdan müvəffəqiyyətlə çıxmalı idi. Əliyusif evinə gələndə anasıgil axşam yeməyini yeyirdi- lər. Həmişə fikirli və dəftər-kitab arxasında olan Mədinənin əhval-ruhiyyəsi bu dəfə xeyli yüksək idi. Elə anası ilə Elşənin də kefi pis deyildi, hətta müxbir içəri daxil olanda onlar deyib-gülürdülər. - Sizi şən və mehriban görmək, məni lap sevindirdi. – deyə Əliyusif anası ilə üzbəüz əyləşib hərarətlə dilləndi və həmin an qardaşına ötəri nəzər salaraq soruşdu. – Ana, olmaya Elşən özünə yaxşı iş tapıbdır? - Xeyr! – ana gülə-gülə cavab verdi. - Deyəsən, maaşını qaldırıblar? - Yenə də tapmadın. - Hə, Mədinəni alman şirkətlərinin birinə tərcüməçi götürüblər? - Hələlik bu iş alınmayıbdır. - deyə bu dəfə Mədinə anasının yerinə cavab verdi və əvvəlcədən süzdüyü çayı onun qabağına qoyub sevinc hissi ilə sözünə əlavə etdi. – İnşallah iki gündən sonra sənin üçün “həriyə” gedirik. - Hara gedirsiniz? – deyə Əliyusif səksənmiş halda dilləndi. Yüklə 1,78 Mb. Dostları ilə paylaş:
|