Reja: kirish. I. Moliyaviy investitsiyalar auditi

Reja:

KIRISH. …………………………………………………………………………..2

I. Moliyaviy investitsiyalar auditi

1.1 Moliyaviy investitsiyalar auditining xususiyatlari, maqsadi, vazifalari va ma'lumot manbalari………………………………………………………………4
1.2 Moliyaviy investitsiyalarni inventarizatsiyadan o`tkazish tartibi…………..…13
1.3 Aktivlarini moliyaviy investitsiyalar tarkibiga kiritilishini to`g`riligini tekshirish…………………………………………………………………….….…16
1.4 Moliyaviy investitsiyalar harakati bilan bog`liq muomalalarni hujjatlarda rasmiylashtirilishini tekshirish…………………………………………………….20
1.5 Moliyaviy investitsiyalar bo`yicha moliyaviy natijalarni tekshirish……….…35

XULOSA…………………………………………………………………….……31

Foydalanilgan adabiyotlar ………………………………………………………..32

KIRISH

So‘nggi yillarda yurtimizda iqtisodiyotning jadal sur’atlarda rivojlanishi, xorijiy investisiyalar jalb qilish, investorlarga to‘g‘ri va zarur axborotlarni yetkazib berish, shuningdek, aksiyadorlik jamiyatlari, sug‘urta tashkilotlari va banklari faoliyatini takomillashtirish va ularni xalqaro bozorlarga olib chiqishga alohida ahamiyat berilmoqda. Shu munosabat bilan O‘zbekiston Respublikasi Prezidentining 2020 yil 24 fevraldagi “Moliyaviy hisobotning xalqaro standartlariga o‘tish bo‘yicha qo‘shimcha chora-tadbirlar to‘g‘risida”gi PQ-4611-sonli qarori qabul qilindi1 . Mazkur qarorga muvofiq aksiyadorlik jamiyatlari, tijorat banklari, sug‘urta tashkilotlari va yirik soliq to‘lovchilar toifasiga kiritilgan yuridik shaxslar 2021 yil 1 yanvardan boshlab MHXS asosida buxgalteriya hisobi yuritilishini tashkil etadi va 2021 yil yakunlaridan boshlab moliyaviy hisobotni MHXS asosida tayyorlaydi. Jahon mamlakatlari tajribasidan ma’lumki, korxonalarni samarali boshqarishda, jahon bozoriga kirishida ularni investitsiyalarni jalb qilish asosiy omil hisoblanadi. Rivojlangan davlatlarning kiritayotgan investitsiyalari globallashuv sharoitida jahon iqtisodiyotining barqaror o‘sishini ta’minlash, risklar ehtimolini kamaytirish imkonini beradi.Investitsiyalar iqtisodiyotni ilg'or yangi texnologiyalarga kirib kelishiga, ularni qabul qiluvchi mamlakatlar iqtisodiyotiga ham ijobiy ta'sir ko‘rsatishi mumkin. Jahon mamlakatlari tajribasidan ma’lumki, korxona, kompaniya va xo‘jalik yurutuvchi sub’yektlarning rivojlanishida investitsiyalarni jalb qilish ma’lum bir darajada MHXS asosida tayyorlangan moliyaviy hisobotlarni taqdim qilish bog’liq jarayondir. MHXS asosida tayyorlangan hisobotlarning tarkibiga kiruvchi investitsiyalar hisobi korxonalarning moliyaviy hisobotlarida o‘z aksini topadi. Investitsiyalar hisobi ikki yoki undan ortiq korxonalarning yuridik jihatdan birlashishidan kelib chiqadi.