Darslik bilan ishlash. Bunda o`qituvchi darslikda berilgan bo`g`inlar, so`zlar va matnni o`quvchilarga o`qib beradi, bolalar birgalikda ovoz chiqarib takrorlaydilar.
Yangi mavzuni mustahkamlash. Buning uchun o`quvchilar bilan quyidagicha savol-javob o`tkaziladi:
Bugun biz qaysi tovush bilan tanishdik?
Rasmda nimalar tasvirlanibdi?
Bolalarning ismlari nima ekan?
Kitobdan qanday foydalanish kerak?
Kichik yoshdagi maktab o‟quvchilarining nutqini o`stirishda didaktik o`yinlar, turli xil musobaqalar muhim ahamiyat kasb etadi. SHu jihatdan mavzuni mustahkamlashga oid quyidagicha qatorlar aro musobaqa uyushtirish mumkin:
1-qator: “K” harfi bilan boshlanadigan so`zlardan ayting. 2-qator: O`rtasida “k” harfi qatnashgan so`zlardan ayting. 3-qator: Oxirida “k” harfi ishtirok etgan so`zlardan ayting.
Bunda qaysi qatorda takroriy so`zlar bo`lmasa, o`sha qator g`olib hisoblanadi. So`ngra o`quvchilarning har biriga bittadan turli xil predmetlarning
rasmlari bor kartochkalar tarqatiladi. Rasmdagi predmetning belgilarini bildiruvchi so`zlar toptiriladi va ular ishtirokida ikkitadan gap tuzdiriladi. Birgina rasm asosida bir necha gap tuzishni mashq qildirish o`quvchilarning fikrlash doirasini kengaytirishga ham yordam beradi va nutqini o`stiradi.
Dostları ilə paylaş: |
