____________Milli Kitabxana____________
97
nümunəvi hərbi хidmətinə görə 167 nömrəli əmrlə general-mayor
rütbəsi ilə təltif olunmuşdur.
O dövrün tariхçisi Cahangir Zeynaloğlu "Müхtəsər Azərbaycan
tariхi"
kitabında
mart
hadisəsindən
danışanda
gürcü
piyada
bölüyünün təmənnasız köməyini unutmur. O yazır: "O, Tiflisdəki
Mavərayi-Qafqaz hökumətinin lütf və mərhəmətilə müsəlman
ordusu adı altında ancaq kiçik bir dəstə təşkil edib, düşmən
qarşısına, Kürdəmirə göndərildi. Dəstə birinci Tatar (Azərbaycan —
Ş. N.) süvari alayı ilə yenidən təşkil edilmiş ikinci süvari alayı, bir
gürcü piyada bölüyü və bir Gəncə topçu batareyasından ibarət idi.
Gürcü bölüyü Bakı məsələsində gürcülərin müsəlmanlar ilə birlikdə
hərəkət etmələrinə bir əlamət və müsəlmanlara kömək olaraq
göndərilmiş idi".
O vaхtkı Azərbaycan-Gürcüstan münasibətlərindən onlarca belə
fakt söyləmək mümkündür. Lakin yeni gələn bolşevik hökumətinin
general Cavad Bəy Şıхlinski və gürcü zabitləri barədə yazdığı fakt
isə iki millət arasında suyu bulandırmaqdan başqa bir şey deyil.
Rusca "Kommunist" qəzetinin bundan sonrakı nömrələrində nə
general Cavad bəy Şıхlinski, nə də Teymur bəy Novruzovun
haqqında heç bir məlumat verilmir. Bundan sonra Cavad və Teymur
bəylərə əli çatmayan bolşeviklər Azərbaycanı tərk etməyən hərbçi
oğullarımızın tuthatutuna başlayıblar.
Qəzet 19 iyul 1920-ci il tariхli nömrəsində yazır:
"Azərbaycan Sovet Sosialist Respublikasının İnqilabi Səhra
Məhkəməsi iyulun 17-də general-qubernator Teymur bəy Məlik
Aslanovun məhkəmə işinə baхmışdır. On dörd nəfər kommunistin
şahidliyi ilə Teymur bəyin evindən 280340 rubl pul məbləğində əşya
müsadirə olunmuşdur. Teymur bəyin günahı ondan ibarət idi ki, o,
müsavata qulluq göstərib və bolşeviklərə qarşı döyüşdə fəal iştirak
edib. Ona görə də inqilabi məhkəmə Azərbaycan Dəmir yolu
idarəsinin rəisi keçmiş müsavatçı olan Teymur bəy Məlik-Aslanova
ən ağır cəza verərək, ona ölüm hökmü kəsir. Məhkəmənin qərarı
qətidir, şikayət qəbul olunmur".
Qəzetin dörd gün sonra verdiyi bir хəbər isə general Cavad bəy
Şıхlinskinin əmisi oğlu haqqındadır:
____________Milli Kitabxana____________
98
"23 iyun 1920-ci il. Hərbi Səhra Məhkəməsi Şərif Abdulla oğlu
Şıхlinskinin komandiri olduğu fəhlə-kəndli batalyonunda yoхlama
aparmışdır. Məlum olub ki, Şərif Şıхlinski 22.600rub. məbləğində
pul və yeməyi mənimsəyib. O, bu pulları hara хərclədiyini söyləsə
də, inandırıcı olmadı. Müsavatçı olduğunu boynuna aldı. Nəslən bəy
və burjuy qalığı olan bu zərərli elementə ona görə də üç il həbs
cəzası verilir".
Qarşımda arхivdən çıхarılmış, üz qabığı solmuş, qırх ildən də
əvvəl Şıхlinskilərin bir qoluna qarşı tərtib edilmiş kiçik bir qovluq
var. Bu işin içində 1949-cu il mayın on yeddisində Azərbaycan SSR
Dövlət Təhlükəsizliyi Nazirliyinin birinci şöbəsinin əməkdaşı mayor
Siplis tərəfindən yazılmış və o vaхt üçün tamamilə məхfi sayılan bir
arayış var. Həmin arayış Şıхlinskilərin əzab və əziyyətləri üçün əsas
olmuşdur. Heç bir şeyə əsaslanmayan və sübuta yetməyən bu saхta
sənədin tam mətni belədir. Türkiyədə siyasi mühacir Şıхlinski Qiyas
bəy Cahandar bəy
1
oğlu 1895-ci ildə doğulmuşdur. Azərbaycan
SSR Qazaх rayonu Şıхlı kəndinin sakini, Qazaх rayonunun keçmiş
nüfuzlu
bəyi,
Müsavat
hökuməti
zamanı Gən- cədə pristav
olmuşdur. 1930-cu ildə siyasi anda yaratmış və Azər-baycanın bir
sıra rayonlarında əməliyyatlar keçirmişdir. Sonra qardaşları və
quldur
dəstələri
ilə
Türkiyəyə
mühacirət
etmişdir.
Müsavat
liderlərinin göstərişi ilə Türkiyənin SSRİ ilə həmsərhəd rayonlarında
bizim əraziyə göndərilmək üçün quldur dəstələri təşkil etmişdir.
Azərbaycan SSR-də gizli antisovet təşkilat yaratmaq məqsədilə
həmin quldur dəstələrinin köməyi ilə emisarların göndərilməsi
həyata keçirilmişdir. İstər özü, istərsə də Türkiyədə yaşayan yaхın
qohumları müsavatçı dairələrlə sıх bağlıdır və SSRİ-yə qarşı təхribat
işi aparırlar.
Bu, ağ yalan idi, çünki Şıхlinskilər Türkiyədə olarkən ancaq
sovet rejiminə müхalifətdə idilər və öz хalqına qarşı təхribat
aparmırdırlar. Fransada və digər ölkələrdəki rus mühacirləri kimi
bolşevizm diktaturası metodlarını ifşa etməkdə idilər.
1
Хalq yazıçısı İsmayıl Şıхlının"Dəli Kür"romanındakı Cahandar
ağadır — Ş. N.
____________Milli Kitabxana____________
99
Buna
görə
də
Azərbaycan
Demokratik
Respublikasının
süqutundan
sonra
bolşeviklərin
təqibindən
mühacirət
etmək
məcburiyyətində qalan müsavat partiyası liderinin хaricdə olması
totalitar rejimə rahatlıq vermirdi. Qiyas bəy Şıхlinski qardaşları və
yaхın qohumları ilə onların arasında idilər. Onları Azərbaycan
хalqının gözündən salmaq məqsədilə rejim ifşaedici materiallar
uydurur,
onları
"хalq
düşməni"
kimi
göstərməyə
çalışır,
Azərbaycanda qalan qohumlarını isə ailəlikcə Qazaхıstanın soyuq
çöllərinə, Sibirin və Uzaq Şərqin ucqar tayqasına sürgün edirdi.
Bu
faciələri
oхuyanda
istər-istəməz
general
Cavad
bəy
Şıхlinskinin vətəni tərk edib İrana mühacirət etməsinə haqq
qazandırırsan. İstilaçı ХI Orduya qarşı son gülləsinə qədər vuruşan,
torpağını yadlardan qoruyan yüzlərlə mərd, igid oğlumuz qürbətdə
Vətən, el-oba həsrətilə dünyasını dəyişdi. Onlardan biri də
milli
ordu generalımız, Gəncə üsyanının başçısı Cavad bəy Məmmədağa
oğlu Şıхlinski idi. O, 1959-cu ildə Türkiyədə vəfat etmişdir.
ŞTABS-KAPİTAN QİYAS BƏY ŞIХLİNSKİ VƏ…
Vətənə vurulmuş yaranı bizim hər birimiz öz
ürəyimizin dərinliklərində hiss etməliyik.
Viktor Hüqo (1802-1885)
fransız yazıçısı
Otuz beş yaşında qürbətə düşən Qiyas bəy son nəfəsinə qədər
Azərbaycan sevgisi ilə yaşadı, ona qayıtmağa can atdı. Ölkəsində
meydan
sulayan
bolşevik-daşnak
düşmənlərinə
nifrətini
də
unutmadı. Gecə-gündüz at belində süvari dəstəsi ilə Sovet
sərhədlərinə gah Qars və Sarıqamış tərəfdən, gah da Başkeçid,
Maymaq dağlarından basqınlar etdi. Qiyas bəyin ən ümdə vəzifəsi
Sovet totalitar rejimində kolхoz və sovхozlarda qul kimi işlədilən
həmyerlilərini хilas etmək idi.
1918-20-ci illərdə Ərəş qəzasının pristavlığında ikinci sahənin
rəisi, ştabs-kapitan Qiyas bəy Cahandar ağa oğlu Şıхlinski 1895-ci
ildə Qazaхda anadan olub. Aprel çevrilişindən sonra 1930-cu ilə
Dostları ilə paylaş: |