Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
14
Vəsaitin "Giriş" hissəsində miqrasiya proseslərini tənzimləyən iki Avropa hüquq sisteminin rolu qısa şəkildə
izah olunacaq.
Avropa Şurasının hüquq sisteminə edilən bütün istinadlar fəsil 8-də təqdim olunan Avropa Sosial Xartiyasını
çıxmaq şərti ilə ilk növbədə Avropa İnsan Hüquqları Konvensiyası ilə və Avropa İnsan Hüquqları Məhkəməsi
tərəfindən inkişaf etdirilmiş presedent hüququ ilə əlaqədardır. Bu hissədə Avropa İttifaqı qanunvericiliyi
əsasən müvafiq əsasnamələr və direktivlər, həmçinin Avropa İttifaqının Fundamental Hüquqlar Xartiyası
vasitəsi ilə təqdim olunur.
Avropa Şurası
Avropa Şurası İkinci Dünya Müharibəsindən sonra Avropa dövlətlərini bir araya gətirmək, qanunun aliliyini,
demokratiyanı, insan hüquqlarını və sosial inkişafı təşviq etmək məqsədi ilə yaradılmışdır. 1950-ci
ildə Avropa
Şurası bu məqsədə nail olmaq üçün Avropa İnsan Hüquqları Konvensiyasını qəbul etmişdir. Dövlətlərin Avropa
İnsan Hüquqları Konvensiyasından irəli gələn öhdəliklərə riayət etməsini təmin etmək məqsədi ilə həmin
Konvensiyanın 19-cu maddəsinə əsasən Avropa İnsan Hüquqları Məhkəməsi və keçmiş İnsan Hüquqları üzrə
Avropa Komissiyası yaradılmışdı. Avropa İnsan Hüquqları Məhkəməsi Konvensiyanın pozulduğunu iddia edən
fiziki şəxslərin, fiziki şəxslərdən ibarət qrupların, qeyri-hökumət təşkilatlarının və ya hüquqi şəxslərin
şikayətlərinə baxmaqla müvafiq öhdəliklərə riayət edilməsini təmin edir. 2013-cü ilin dekabr ayından Avropa
Şurasına 47 dövlət üzvdür ki, onlardan da 28-i eyni zamanda Avropa İttifaqının da üzvüdür. Bəzi xüsusi
məqamları çıxmaq şərti ilə Avropa İnsan Hüquqları Məhkəməsinə müraciət edənlərin 47 üzv dövlətdən birinin
vətəndaşı və ya ərazisində qanuni əsaslarla yaşayan əcnəbi olması tələb edilmir. Avropa İnsan Hüquqları
Məhkəməsi Avropa Şurasına üzv olan bir və ya bir neçə dövlət tərəfindən digər üzv dövlətə qarşı şikayət ərizəsi
ilə bağlı dövlətlərarası işlərə də baxa bilər.
Avropa İnsan Hüquqları Konvensiyası əcnəbiləri birmənalı şəkildə nəzərə alan və ya vətəndaşların və ölkə
ərazisində qanuni əsaslarla yaşayan əcnəbilərin müəyyən hüquqlarını məhdudlaşdıran bir neçə müddəanı
özündə əks etdirir (məsələn, Konvensiyaya dair 4 saylı Protokolun 2, 3 və 4-cü maddələri və 7 saylı Protokolun
1-ci maddəsi). Miqrasiya məsələləri Avropa İnsan Hüquqları Məhkəməsinin presedent hüququnun böyük
əksəriyyətini təşkil etdiyindən həmin presedentlərdən seçmələr bu vəsaitdə misal kimi təqdim olunur.
Presedentlər əsasən Konvensiyanın 3, 5, 8 və 13-cü maddələri ilə əlaqədardır.
Avropa İnsan Hüquqları Konvensiyasının 1-ci maddəsi dövlətlərdən "onların yurisdiksiyasında olan hər kəsin"
bu Konvensiyada müəyyən olunmuş hüquqlarının "təmin edilməsini" tələb edir. "Hər kəs" dedikdə, əcnəbilər
də nəzərdə tutulur və müəyyən konkret işlərdə "yurisdiksiya" anlayışı bir dövlətin ərazisindən kənara da çıxa
bilər. Avropa İnsan Hüquqları Konvensiyasına tərəfdar çıxmış dövlət bu Konvensiyanın 1-ci maddəsinə uyğun
olaraq öz qurumlarının bütün əməllərinə və hüquqazidd hərəkətlərinə görə məsuliyyət daşıyır baxmayaraq ki,
müvafiq əməl və ya xəta milli qanunun tətbiqi nəticəsində baş vermişdir, yaxud beynəlxalq hüquqi öhdəliklərə
riayət etmə zərurətindən irəli gəlir.
1
Avropa İnsan Hüquqları Konvensiyasının 13-cü maddəsi dövlətlərdən bu Konvensiyaya əsasən edilmiş
şikayətlərə görə səmərəli milli hüquqi müdafiə vasitələrinin təmin edilməsini tələb edir. İşin milli icra
hakimiyyəti orqanlarına həvalə edilməsi prinsipi Avropa İnsan Hüquqları Konvensiyasından irəli gələn
öhdəliklərə uyğunluğu təmin etmək məsuliyyətini ilk növbədə dövlətlərin üzərinə qoyaraq Avropa İnsan
Hüquqları Məhkəməsinə müraciət etməni ən son çıxış yolu kimi nəzərdə tutur.
1
Metyuzun Birl
əşmiş Krallığa qarşı
(Matthews v. the United Kingdom)
[GC]
Avropa İnsan Hüquqları Mə
hk
ə
m
ə
sind
ə
ki 24833/94, ECHR
1999-
I saylı işinin 32
-
ci paraqrafı;
Bosforus
Hava Yolları Turizm veTicarət Anonim Şirkətinin İrlandiyaya qarşı
(Bosphorus
Hava Yolla
rı
Turizm ve Ticaret Anonim Şirketi v. Ireland
)
Avropa İnsan Hüquqları Mə
hk
ə
m
ə
sind
ə
ki [GC] 45036/98, ECHR 2005-
VI saylı işinin 153
-cü
paraqrafı
.
GİRİŞ