1
STRUKTUR SINTAKSIS ASOSLARI
Raximjonova Gulnoza Shoxnazarovna
Farg`ona davlat universiteti. Sirtqi bo`lim
Annotatsiya: Ushbu maqolada struktur tilshunoslik va uning shakllanishi,
sintaktik strukturalar va sintaktik munosabat, gapning bevosita ishtirokchilar va
transformatsion metodlar asosidagi tahlili hamda gap komponentlarining struktur-
funksional tahlili qisqacha ma’lumot beriladi.
Kalit so‘zlar: Sintaksis, tilshunoslik, struktura, morfologiya, metod.
KIRISH
Ravshanki, fandagi har qanday yangilik ham o‘z-o‘zidan paydo bo‘lib qolmaydi.
Uning vujudga kelishi uchun muayyan asos bo‘lmog‘i lozim va bu tayanch vazifasini
bajaradi. Struktur tilshunoslikning shakllanishi ham ana shu tamoyil bilan uzviy
bog‘liqdir.
Boshqacha aytganda, uning shakllanishi asosida an’anaviy tilshunoslik
yotadi. Fan va texnikaning uzluksiz taraqqiyoti tilshunoslik fanida ham matematik
metodlarning qo‘llanilishiga katta ehtiyoj tug‘dirdi. Bu esa, o‘z navbatida, an’anaviy
tilshunoslikda qo‘llanilib kelayotgan til materialining tahlili
metod va qoidalarini
zamon taraqqiyoti va talablari bilan moslashtirishga undadi. Ana shu tarzda vujudga
kelgan struktur tilshunoslik yillar mobaynida hayotga tatbiq etila boshladi va bu
jarayonda salmoqli nufuzga ega bo‘ldi. Ayniqsa, faktik til materiali tahliliga struktur-
sistem nuqtai nazaridan yondashilayotgan hozirgi davrda unga bo‘lgan ehtiyoj va
e’tibor yanada oshdi [1].
ASOSIY QISM
Til birliklarining ma’noga ta’sir etmay, qo‘llanishi qurshoviga ko‘ra mushtarak
bo‘lishi
erkin almashinuv distributsiyasi
deb ataladi: zichlanmoq – zichlashmoq:
nonpaz – novvoy. Distributsiyaning mazkur turini sintaktik strukturalar sathida
so‘zlarning morfemalar bilan almashinuvida ham qayd etish mumkin: ukam uchun
oldim – ukamga oldim.
Distributiv tahlil metodi til birliklarining sintagmatik
qatorda qaytarzda
o‘rinlashishi haqida mukammal va aniq ma’lumot bera oladi. Biroq uning ayrim zaif
tomonlari ham mavjud. Masalan, mazkur metod orqali so‘z birikmalari yoki gapning
muayyan nutq muhitida qo‘llanishining distributiv xususiyatlarini yoritib berish qiyin.
Shu bois sintaktik strukturalar materialiga bemalol qo‘llash mumkin bo‘lgan yangi
tahlil metodiga ehtiyoj tug‘ildi. Mazkur metodni amerikalik strukturalistlar
bevosita
ishtirokchilar metodi
deb nomladilar.
Sintaktik qurilmaning bevosita ishtirokchilarga bo‘linishi metodi lingvistik
adabiyotlarda qisqa qilib BI metodi deb yuritiladi. Mazkur metod distributiv tahlil
metodining ba’zi zaif tomonlarpini to‘ldirish, xususan,
sintaktik strukturalarning
formal-struktur tahlili uchun joriy etildi. Bu metod haqida dastlabki tushuncha L.
2
Blumfildning «Til» asarida keltirilgan edi. Biroq uning mukammal tavsifi amerikalik
tilshunoslar R. Uells hamda Yu. Nayda tomonidan berildi. BI tahlilini distributiv tahlil
metodining bevosita davomi deb atash mumkin. Chunki distributiv tahlil metodi ham
o‘zining keyingi taraqqiyoti bosqichiga kelib, nafaqat fonema va morfemalarning, balki
so‘zlarning ham sintagmatik qator zanjiridagi o‘rnini va ularning boshqa so‘zlar bilan
munosabatini ko‘rsatib bera olgan edi. Masalan:
Juda chiroyli = V (ravish) + A (sifat) Juda chiroyli saroy = BAN
Bunda asosiy unsur
saroy
(N) hisoblanadi. Chunki undan oldin kelayotgan ravish
ham, sifat ham shu so‘zni izohlash uchun qo‘llanmoqda. Demak, bu o‘rinda N hokim
unsur sanaladi va shu bois V va A aniqlovchilarini talab qila oladi. Bu esa formulaga
quyidagi tartibda o‘zgarish kiritishni taqozo etadi: VA=N. Ana shu tarzda biri
ikkinchisi bilan uzviy bog‘liq bo‘lgan til birliklari bog‘lanishidan nisbatan kattaroq
sintagmatik butunlik hosil bo‘ladi [3].
Sintaktik strukturani gorizontal chiziq bo‘ylab BI larga bo‘lish
analiz
deb ataladi.
Agar uning nimalardan tashkil topayotganini aniqlamoqchi bo‘lsak, tahlilni eng kichik
bo‘linmas birliklarning o‘zaro birikuvidan boshlamoq kerak bo‘ladi. Bunda eng avval
o‘ziga xos sintagmatik guruhlar shakllanadi va tahlilning
oxirgi bosqichida yaxlit
holdagi qurilma vujudga keladi. Bu usul BI
sintezi
deb yuritiladi. Ammo shuni alohida
ta’kidlash kerakki, BI analizida ham, sintezida ham tahlilning har bir bosqichida faqat
jumlani ikkiga bo‘lish, yoki faqat ikki unsurni birlashtirish mumkin. Aks holda BI
tahlili nuqsonli bo‘ladi.
BI tahlili metodidan fonologiya va morfologiya doirasida olib boriladigan
tadqiqotlarda ham foydalanish mumkin bo‘lsa-da, bunday imkoniyat qo‘llanilganini
ayrim tilshunoslardagina kuzatamiz. Mazkur metod keyingi paytlarda asosan sintaktik
strukturalarga nisbatan qo‘llana boshladi. Undan fonologiya va morfologiyada qariyb
foydalanilmayapti. Sintaktik strukturalarning BI tahlili
metodi vositasida tadqiq
etilishi, an’anaviy gap bo‘laklarini belgilash metodidan farqli ravishda, talay
afzalliklarga ega. Birinchidan, BI tahlili metodi sof lingvistik tamoyillarga asoslanadi.
Ikkinchidan, u mantiqiy qoidalar iskanjasida emas.
Uchinchidan, uning yordamida
jumla komponentlarining barchasi bir-biri bilan qaydarajada sintagmatik bog‘lanishli
ekanligi aniq va ravshan ko‘rsatib beriladi. To‘rtinchidan, jumlaning sintaktik
shakllanishining analizini ham, sintezini ham mukammal namoyon etish mumkin.