|
![](/i/favi32.png) Суал Мяшял системинин истисмарыляьветмя ишляринин апарылмасы
|
səhifə | 74/138 | tarix | 13.05.2022 | ölçüsü | 1,66 Mb. | | #86951 |
| sual cavablar (3)ляьветмя ишляринин апарылмасы
Ъаваб:
Toksiki və aqressiv komponentləri olan quyular ləğv olunduqda, bütün açılmış horizontlar, hündürlüyü horizontun qalınlığına bərabər üstəgəl 50 m hündürlüklü sement körpülərin quraşdırılması ilə bir-birlərindən izolə olunmalıdırlar, ən yuxarı horizontun tavanından yuxarı isə üstəgəl 100 m.
Əgər açılmış horizontların texniki səbəblərdən bir-birlərindən izolə olunması mümkün deyilsə və onların aralarında axın yoxdursa, aşağı sement körpüsü maksimal mümkün dərinlikdə hündürlüyü 100 m-dən az olmamaq şərti ilə quraşdırılmalıdır.
Axırıncı texniki kəmərin «başmağı»nda hündürlüyü 50 m-dən az olmayan sement körpüsü quraşdırılmalıdır.
Quyu lüləsinin sement körpüsünün altında və üstündə yerləşən hissəsi, quyunun tikilmə layihəsinə və ya bu sahədə ixtisaslaşmış elmi-tədqiqat təşkilatının tövsiyəsinə uyğun olaraq, korroziyaya qarşı ingibitorla işlənmiş qazma məhlulu və aqressiv muhit neytrallaşdırıcısı ilə doldurulmalıdır.
Ləğv olunan quyuların konstruksiyasında, ayrı-ayrı seksiyalarla endirilmiş qoruyucu və ya istismar kəmərləri vardırsa, seksiyaların birləşmə intervalında, birləşdirilən yerdən 50 m aşağı və yuxarı olmaqla sement körpüləri quraşdırılmalıdır.
Ləğv olunan quyuların «gizli» (potaynaə, xvostovik) kəməri arxasında sement məhlulu lazımi səviyyəyə qalxmayıbsa və ya əvvəlki kəmərin «başmağı» tam örtülməyibsə, «gizli» kəmərin baş hissəsindən aşağı və yuxarı 50 m hündürlükdə sement körpüsü qoyulmalıdır.
Körpülərin quraşdırılmasında istifadə olunan tamponaж sementi toksiki və aqressiv komponentlərə davamlı olmalıdır.
Quyu ağzı ətrafında 1 m hündürlüklü metal çəpərli, 2x2x0,5 m ölçüsündə beton meydança qurulmalıdır. Beton meydançada quyu ağzından bilavasitə yaxınlıqda 60-70 mm diametrli borudan 0,5 m hündürlüklü reper quraşdırılmalıdır. Boruya elektrik qövs qaynağı ilə (quyunun nömrəsi, yatağın və təşkilatın adı, qazmanın qurtarıldığı tarix, toksiki və aqressiv qazların olması mümkünlüyü haqqında xəbərdarlıqlar göstərilməklə) yerinə yetirilmiş yazısı olan metal lövhə quraşdırılmalıdır.
Quyuda izolə-ləğvetmə işləri qurtardıqdan bir ay, altı ay sonra və sonradan vaxtaşırı ildə bir dəfədən az olmayaraq, bu işləri yerinə yetirmiş təşkilat (müəssisə) tərəfindən kəmərdə və kəmərlərarası fəzada təzyiq yoxlanılmalı, hidrogen-sulfid və digər aqressiv komponentlər baxımından quyu ağzı ətrafda və onların toplanması (yığılması) mümkün olan yerlərdə havaya nəzarət aparılmalıdır. Ölçülərin nəticələri havaya nəzarət жurnalında qeyd olunmalıdır.
Ləğv olunmuş quyunun quyu ağzında qaz müəyyən olunarsa, onun mənbəyinin aşkar edilməsi və əlavə izolə işlərinin aparılması üzrə müvafiq tədbirlər görülməlidir.
Toksiki və aqressiv komponentləri olan quyularda izolə-ləğvetmə işlərinin aparılması zamanı, qazma və neftqazçıxarma müəssisələrinin rəhbərləri, ehtiyat tədbirləri haqqında briqada üzvlərini (onların imzaları ilə) əlavə təlimatlandıran və onları FMV ilə və həmçinin havada olan təhlükəli qazlara nəzarət etmək üçün cihazlarla tə’min edən mühəndis-texniki işçilərdən şəxslər tə’yin edirlər.
Izolə-ləğvetmə işlərinin aparılması üzrə fərdi planda, göstərilən işlərin aparılmasına dair işçilərin təhlükəsizliyini təmin edən tədbirləri reqlamentləşdirən bölmə olmalıdır.
Quyuda izolə-ləğvetmə işləri apararkən, bu işləri aparan briqada ilə müəssisə arasında etibarlı ikitərəfli radio və ya telefon əlaqəsi təmin olunmalıdır.
Dostları ilə paylaş: |
|
|