Суал Мяшял системинин истисмары

Məşəl qurğusunun quruluşu

- Məşəl qurğusunun konstruksiyası, qaz və buxarların geniş intervallı sərfinin sabit yanmasını, məşəl qülləsinin yuxarı kəsiyindən havanın daxil olmasının qarşısının alınmasını təmin etməlidir.

- Məşəl qurğusunun tərkibində aşağıdakılar olmalıdır:

-məşəl qülləsi;

-qazbağlayıcı başlıq;

-nəzarət və avtomatizasiya vasitələri;

- məsafədən idarə olunan elektrik alışdırma qurğusu;

-fitilə gələn qaz və yanar qarışıq üçün boru xətti;

-ehtiyat fitilli odluqlar;

-nümunə götürmək üçün quruluş.

- Məşəl başlığının, ehtiyat odluqların boru xətlərinin bər­kidici detallarının materialları məşəlin istiliyindən qızma ehti­ma­lı nəzərə alınmaqla seçilməlidir. Məşəl qülləsi sahəsində (bo­yun­da) boru xətləri tikişsiz (qaynaqsız) və istiliyə davamlı boru­lar­dan olmalıdır.

- Məşəlin yandırılması avtomatik və məsafədən idarə olu­nan olmalıdır.

- Məşəl qurğusu ehtiyat odluqlara ötürülən yanar qa­zın təzyiqini tənzimləyən quruluşla təmin olunmalıdır.

- Məşəl qülləsinin hündürlüyü istilik axınının sıxlığının he­sabatı və yanma məhsulları ilə ətraf mühitin çirklənməsini is­tis­na edən şərtlər nəzərə alınmaqla seçilməlidir.

- Başlığın və məşəl qülləsinin müxtəlif hündürlükdə yer­ləşən avadanlıqlarının quraşdırılması və təmirində istifadə edi­lən pilləkən və meydançaların quruluşu təhlükəsiz rahat işlə­mə­yi təmin etməlidir.