/Sahəyə və qurğulara tələblər
- Məşəl qurğusu, küləyin orta illik istiqaməti, məşəl borularının minimal uzunluğu və istilik axınının yol verilən sıxlığı nəzərə alınmaqla quraşdırılmalıdır (yerləşdirilməlidir).
- Məşəl qüllələri arasındakı məsafə, məşəllərdən hər-hansı biri yanarkən digər (qonşu) məşəldə təmir işlərinin təhlükəsiz aparılmasına imkan verən məsafə nəzərə alınmaqla təyin edilir.
- Məşəl qülləsi ilə tikililər və qurğular arasındakı məsafə istilik axınının yol verilən sıxlığı və yanğın təhlükəsizliyi norma və qaydalarının tələbləri nəzərə alınmaqla təyin edilməlidir.
- Məşəl qülləsinin və məşəl qurğusunun bütün tikililərinin ərazisi (ətrafı), onlara maneəsiz yanaşmanı təmin etmək üçün hamarlanmalıdır.
- Məşəl qülləsi ətrafında ərazi məşəlin hündürlüyünə bərabər radiusda, lakin 30 m-dən az olmayaraq hasarlanmalı və nişanlanmalıdır. Hasarda ona xidmət edən heyətin daxil olması üçün keçidlər, nəqliyyat vasitələri üçün isə darvaza olmalıdır. Keçidlərin sayı məşəl qüllələrinin sayına bərabər və hər bir qülləyə yol mümkün qədər qısa olmalıdır.
- Məşəl sistemini yaşayış olmayan sahələrdə (rayonlarda) yerləşdirərkən hasarların əvəzinə hündürlüyü 1 m-dən və üst hissəsinin eni 0,5-dən az olmayan torpaqdan bənd qurula bilər.
- Məşəl qülləsinin avadanlığından başqa məşəl qurğusunun bütün avadanlıqları hasardan (bənddən) kənarda yerləşdirilməlidir.
- Məşəl sisteminin hasarlanmış sahəsində quyuların, xəndəklərin, çalaların qazılmasına və s. torpaq işlərinə icazə verilmir.
Avadanlıq, kommunikasiya və avtomatlaşdırma
vasitələrinə tələblər
- Hər bir məşəl sistemi üçün bir məşəl kollektoru və bir məşəl qurğusu nəzərdə tutulmalıdır. Fasiləsiz işləmənin təmini üçün ümumi məşəl sistemlərində iki məşəl kollektoru və iki məşəl qurğusu olmalıdır.
Xüsusi məşəl sistemlərinin ayrıca və ümumi məşəl sistemləri ilə əlaqəsi olmamalıdır.
- Əgər sistemə buraxılan qazların, buxarların və onların qarışıqlarının təsiri nəticəsində korroziyaya uğrama ildə 0,1mm-dən çox olmazsa, belə halda məşəl qurğularının bir kollektorla təmin olunmasına icazə verilir.
- Məşəl kollektorlarının və boru kəmərlərinin uzunluğu minimal, döngələri isə az olmalıdır. Boru kəmərləri əsasən yerüstü olaraq dayaqlarda və ya estakadalar üzərində çəkilməlidir. Əsaslandırılmış hallarda boru kəmərləri yerin altı ilə çəkilə bilər.
Borulara mayenin dolmaması üçün, məşəl kollektoruna birləşmə yalnız üst tərəfdən aparılmalıdır.
Məşəl kollektorları və boru xəttlərində kipgəcli kompressorların qoyulması qadağandır.
- Məşəl kollektorları və boru xəttləri kondensat yığılan quruluşa tərəf mailliyi 0,003-dən az olmayaraq çəkilməlidir. Əgər göstərilən mailliyə nail olmaq mümkün olmazsa, boru xəttlərinin aşağı nöqtələrində kondensat yığımını kənarlaşdırmaq üçün əlavə quruluşlar yerləşdirilməlidir.
- Kondensatın bütün yığım quruluşlarının konstruksiyası elə olmalıdır ki, kondensatın qaz axını ilə aparılmasını istisna etsin.
- Separator (kondensatyığıcı) və nasos bir – birinə nisbətən elə yerləşdirilməlidir ki, nasos işləyərkən kavitasiya halının (təzahürünün) yaranması istisna olunsun.
- Vurucu boru xəttinin diametri nasosun maksimal məhsuldarlığı ilə təyin edilir və bu, giriş qol borunun (patrubok) diametrindən az olmamalıdır.
- Məşəl sisteminin idarə olunması və manitordan istifadə etməklə ona məsafədən nəzarət edilməsi qazları sistemə vuran texnoloжi qurğunun (obyektin) əməliyyat otağından (və yaxud NÖC otağından) aparılmalıdır.
- Qoruyucu klapanlar işə düşən vaxt ondan çıxan qazın həcmi aparatın daxilində olan qaz mühitinin təzyiq qoruyucu (klapanın işləməsi üçün lazım olan təzyiqdən yüksək təzyiqə bərabər olduqda) həcmi ilə təyin edilir.
- Kondensat vuran nasoslar etibarlı və qəzasız işləmək üçün bloklayıcılarla və kondensat yığılan tutumlarda mayenin səviyyəsi yol verilə bilən həddə çatdıqda işə salınması üçün avtomatik işəsalıcılarla və söndürücülərlə təchiz olunmalıdır.
Dostları ilə paylaş: |