Toshkent farmatsevtika instituti ijtimoiy fanlar kafedrasi

Milliy g‘oya: O‘zbekistonning ijtimoiy-iqtisodiy rivojlanish strategiyasi fanining maqsadi va uning vazifalari

Milliy g‘oya: O‘zbekistonning ijtimoiy-iqtisodiy rivojlanish strategiyasi fanini o‘qitishdan maqsad talabalarga yangi jamiyat qurish, ularning ma’naviy dunyosini shakllantirish, milliy ong va g‘ururini uyg‘otish, yoshlarni Vatan, xalq va istiqlol taqdiri uchun faol kurashchi komil inson qilib tarbiyalashdan iborat. Mazkur fan yosh avlodni ulug‘ xalqimizning olijanob milliy qadriyatlari va axloqiy fazilatlari halollik, poklik, odillik, adolatlilik ruhida tarbiyalamog‘imiz kerak. Undan tashqari mustaqil davlatimiz ijtimoiy hayotida faol qatnasha oladigan idrokli va qobiliyatli o‘zining tarixiy ildizlarini anglashga, yurtiga, vataniga, ona xalqiga cheksiz mehr-muhabbat bilan to‘lgan avlod kamolga erishishiga xizmat qiladi.

Milliy g‘oya: O‘zbekistonning ijtimoiy-iqtisodiy rivojlanish strategiyasi fani bo‘yicha magistr-talabalarning bilimiga, o‘quviga, ko‘nikmasiga qo‘yiladigan talablar.

• 
  milliy istiqlol g‘oyasi va gumanitar, texnik va tabiiy fanlar falsafiy masalalari bo‘yicha bilimlar berilishi;
  
• 
  insoniyatning global muammolari, ma’naviy hayot, jamiyat va shaxs ehtiyojlari, ta’limning insonparvarlik ruhi; zamonaviy sivilizatsiya va uning taraqqiyot yo‘nalishlari, axborot tizimlari va bilimlarni taqdim etish usullari to‘g‘risidagi tasavvurni shakllantirishi;
  
• 
  ilmiy va ilmiy-texnik axborot bilan ishlash ko‘nikmalari va uquvlarini shakllantirishi, tadqiq etiladigan mavzular bo‘yicha muntazam ravishda mustaqil tahlil va xulosani tayyorlashi;
  
• 
  ilmiy ijodiyot metodologiyasi, ilmiy tadqiqotlar asoslari, bilishning umumiy usullari, empirik va nazariy tadqiqot usullari, qonunlar va qoidalar mantig‘i, asoslash va inkor qilish usullariga, shuningdek nutq madaniyati asoslari bilimlariga, pedagogik texnologiyalar, mutaxassisliklar bo‘yicha menejment va iqtisodiyotga doir bilimlarni ta’minlashi;
  

amaliy xorijiy tilni, mutaxassislikka yo‘naltirilgan axborot texnologiyalari va tizimlarini o‘zlashtirishni ta’minlashi kerak.