UNİBANK KOMMERSİYA BANKI
31 DEKABR 2013-CÜ İL TARİXİNƏ BİTƏN İL ÜZRƏ
KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI)
(Başqa qeydlər olmazsa min Azərbaycan Manatı ilə)
53
Hesabat seqmentlərinə aid olan aktivlərin cəmi aktivlər ilə üzləşdirilməsi aşağıdakı cədvəldə göstərilir:
31 dekabr
2013-cü il
31 dekabr
2012-ci il
Cəmi hesabat seqmenti aktivləri
685,569
515,964
Azərbaycan Respublikası Vergilər Nazirliyinə verilmiş avanslar
113
1,884
Təxirə salınmış mənfəət vergisi aktivləri
2,260
3,083
Bina, avadanlıq və qeyri-maddi aktivlər
48,186
43,307
Digər maliyyə aktivləri
2,423
710
Digər aktivlər
11,999
13,411
Cəmi konsolidə edilmiş aktivlər
750,550
578,359
Düzəlişlərə aşağıdakılar aiddir:
Vergilər Nazirliyinə verilmiş avanslar, mənfəət vergiləri, digər aktivlər və digər maliyyə aktivləri rəhbərliyə
daxili hesabat üçün hesabat seqmentləri üzrə bölüşdürülmür.
Binalar, avadanlıqlar və qeyri-maddi aktivlər rəhbərliyə hesabatların hazırlanması zamanı hesabat
seqmentləri üzrə bölüşdürülmür.
Hesabat seqmentlərinə aid olan öhdəliklərin cəmi öhdəliklər ilə üzləşdirilməsi aşağıdakı cədvəldə göstərilir:
31 dekabr 2013-
cü il
31 dekabr 2012-
ci il
Cəmi hesabat seqmenti öhdəlikləri
657,381
522,714
Digər maliyyə öhdəlikləri
6,347
1,816
Təxirə salınmış vergi öhdəliyi
521
-
Cari mənfəət vergisi öhdəliyi
5,241
-
Digər öhdəliklər
6,959
2,236
Cəmi konsolidə edilmiş öhdəliklər
676,449
526,766
Düzəlişlərə aşağıdaklar aiddir:
Cari mənfəət vergisi öhdəliyi, digər maliyyə öhdəlikləri və digər öhdəliklər rəhbərliyə hesabatların
hazırlanması zamanı hesabat seqmentləri üzrə bölüşdürülmür.
Təxirə salınmış vergi öhdəliyi rəhbərliyə hesabatların hazırlanması zamanı hesablanmır.
Qrupun əməliyyatlarının böyük hissəsi Azərbaycan Respublikasında həyata keçirildiyinə görə o, coğrafi
seqmentlər haqqında məlumatı təqdim etmir.
(f) Gəlirlərin məhsul və xidmətlər üzrə təhlili
Qrupun gəlirlərinin məhsul və xidmətlər üzrə təhlili 19 saylı Qeyddə (faiz gəlirləri) və 20 saylı Qeyddə (haqq
və komissiya gəlirləri) təqdim edilir.
25. MALİYYƏ RİSKLƏRİNİN İDARƏ EDİLMƏSİ
Qrup daxilində risklərin idarə edilməsi funksiyası maliyyə, əməliyyat və hüquqi risklər ilə əlaqədar həyata
keçirilir. Maliyyə risklərinə bazar riski (o cümlədən xarici valyuta, faiz dərəcəsi və digər qiymət riskləri),
kredit riski və likvidlik riski daxildir. Maliyyə risklərinin idarə edilməsi funksiyasının əsas məqsədi risk
limitlərinin müəyyən edilməsi və bu limitlərə riayət edilməsidir. Əməliyyat və hüquqi risklərin idarə
edilməsində məqsəd, bu risklərin azaldılması üçün nəzərdə tutulan daxili qayda və prosedurlara müvafiq
qaydada riayət edilməsini təmin etməkdən ibarətdir.
Qrup maliyyə riskləri, o cümlədən kredit, likvidlik, bazar və əməliyyat risklərinə məruz qalır. Risklərlə
üzləşmə Qrupun fəaliyyətinin ayrılmaz hissəsidir.
UNİBANK KOMMERSİYA BANKI
31 DEKABR 2013-CÜ İL TARİXİNƏ BİTƏN İL ÜZRƏ
KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI)
(Başqa qeydlər olmazsa min Azərbaycan Manatı ilə)
54
Risklərin idarə edilməsi funksiyasının məqsədi risk və mənfəət arasında müvafiq balansın təmin edilməsi
və Qrupun maliyyə fəaliyyətinə mümkün mənfi təsiri azaltmaqdan ibarətdir.
Riskləri idarəetmə sistemi
Risklərin idarə edilməsi funksiyası Qrupun daxil nəzarət sisteminin ayrılmaz hissəsidir və mərkəzləşdirilmiş
qaydada həyata keçirilir. Qrupun riskləri idarəetmə siyasətinin və yanaşmalarının məqsədi Qrupun məruz
qaldığı risklərin müəyyənləşdirilməsi, təhlil edilməsi, azaldılması və idarə edilməsindən ibarətdir. Bu, risk
səviyyəsi üzrə müvafiq limitlərin və nəzarət mexanizmlərinin yaradılması, risk səviyyələrinin davamlı
monitorinqi, limitlər və prosedurlara riayət edilməsi və bununla biznes proseslərinin düzgün
formalaşdırılması vasitəsilə yerinə yetirilir.
Risklərin idarə edilməsi siyasəti və prosedurları bazar şərtləri, təklif olunan məhsul və xidmətlərdə baş
verən dəyişikliklərin əks etdirilməsi və “qabaqcıl təcrübənin” tətbiq edilməsi məqsədilə müntəzəm olaraq
nəzərdən keçirilir. Qrup risk siyasətinin bir hissəsi kimi konservativ nəzarət mühitini qoruyub saxlamaq və
davamlı olaraq inkişaf etdirmək məqsədilə etibarlılıq, idarəetmə və peşə standartlarına xüsusi diqqət yetirir.
Riskləri idarəetmə strukturu
Riskləri idarəetmə siyasəti, qiymətləndirmə, təsdiqləmə, monitorinq və nəzarət mexanizmləri Qrupun
nəzdində fəaliyyət göstərən bir sıra ixtisaslaşmış bölmələr tərəfindən aparılır. Bu bölmələr, həmçinin,
Bankın törəmə lizinq müəssisəsinin riskləri idarəetmə siyasətinə və nəzarət mexanizmlərinə nəzarət edirlər.
Qrup Azərbaycan qanunvericiliyinə, Azərbaycan Respublikası Mərkəzi Bankının təlimatlarına və qabaqcıl
təcrübəyə uyğun icra strukturları, komitələr və departamentlər yaratmışdır.
Qrupun Müşahidə Şurası riskləri idarəetmə sisteminə nəzarət, əsas risklərin idarə edilməsinin monitorinqi,
risklərin idarə edilməsi siyasəti, eləcə də bəzi əsas risk limitlərinin, o cümlədən böyük kredit riskləri, iqtisadi
və sənaye sektoru üzrə risk limitlərinin təsdiqlənməsi səlahiyyətlərinin nəzərdən keçirilməsi və
təsdiqlənməsinə görə ümumi məsuliyyət daşıyır. Şura həmçinin İcraedici Şura və Kredit Komitəsinə
müəyyən səlahiyyət səviyyələrini həvalə etmişdir.
İcraedici Şura, Riskləri İdarəetmə Komitəsi, Audit Komitəsi (“AK”), Daxili Audit Departamenti, Kredit
Komitəsi və Aktiv və Passivlərin İdarə Edilməsi Komitəsi (“APİK”) Müşahidə Şurası tərəfindən yaradılır,
təyin edilir və birbaşa ona hesabat verir.
İcraedici Şura risklərin azaldılması tədbirlərinin həyata keçirilməsi və monitorinqinə görə məsuliyyət daşıyır
və Qrupun müəyyən edilmiş risk parametrləri çərçivəsində fəaliyyət göstərməsini təmin edir. Risklərin idarə
edilməsinə görə məsuliyyət daşıyan İcraedici Şuranın üzvü həmin Direktora hesabat verən Risklərin İdarə
Edilməsi Departamenti ilə birlikdə risklərin idarə edilməsi üzrə ümumi funksiyalara görə məsuliyyət daşıyır
və maliyyə və qeyri-maliyyə risklərinin müəyyən edilməsi, ölçülməsi, azaldılması, idarə edilməsi və bu
risklərə dair hesabatın hazırlanması üzrə ümumi prinsiplərin və metodların tətbiq edilməsini təmin edir.
Risklərin İdarə Edilməsi Komitəsinə risklərin idarə edilməsinə görə məsuliyyət daşıyan İcraedici Şuranın
üzvü sədrlik edir. Bu Komitə risklərin idarə edilməsi metodologiyalarının hazırlanmasına görə məsuliyyət
daşıyır və Qrupun riskə meylliliyini strateji və biznes planlarında düzgün əks etdirilməsini təmin edir. Bu,
bütün risk yanaşmaları və prosedurları üzrə dəyişikliklərin İcraedici Şura və Müşahidə Şurası tərəfindən
müzakirə edilməsi və tövsiyələrin verilməsi üçün vacib forumdur. Bu forum Qrupun üzləşdiyi bütün
potensial risklərin Risklərin İdarə Edilməsi Departamenti, Kredit Komitəsi, APİK və İcraedici Şura tərəfindən
nəzərdən keçirilməsini və bu məsələlərlə bağlı Müşahidə Şurasına hesabatların hazırlanmasını təmin edir.
Audit Komitəsi Qrupun daxili nəzarət sisteminin nəzarət və monitorinqi, eləcə də Qrupun daxili nəzarət
sisteminin ayrılmaz hissəsi olan risklərin idarə edilməsi siyasəti və prosedurlarının adekvatlığının
qiymətləndirilməsinə görə məsuliyyət daşıyır. Müstəqil peşəkar auditor olan Audit Komitəsinin Sədri və
digər iki Komitə üzvü iki səhmdarın nümayəndəsidir. Audit Komitəsinin üzvləri Qrupun işçiləri və ya
idarəetmə strukturunun tərkibində ola bilməzlər. Onlar daxili nəzarət sisteminin inkişafına dair İcraedici
Şura, Risklərin İdarə Edilməsi Komitəsi və Müşahidə Şurasına təkliflər verir və risklərin idarə edilməsi
funksiyasının keyfiyyətinə və müəyyən edilmiş siyasət, prosedurlar və limitlərə riayət edilməsi ilə bağlı rəy
bildirirlər. Audit Komitəsi birbaşa ona hesabat verən Daxili Audit Departamentinin fəaliyyətinə nəzarət edir.
Daxili Audit Departamentinin iş planları, audit yoxlamaları və hesabatları, o cümlədən planlaşdırılmamış
audit yoxlamalarının qrafiki Audit Komitəsi tərəfindən diqqətlə təhlil və təsdiq edilir.