Unicef xalqaro tashkiloti faoliyatida yoshlarni huquqiy himoya qilish masalalari Reja

Unicef xalqaro tashkiloti faoliyatida yoshlarni huquqiy himoya qilish masalalari
Reja:

1. 
   YUNISEF – bola huquqlarini himoya qilishga qaratilgan BMTning maxsus organi sifatida
   
2. 
   Bolalar himoyasi
   

1. 
   Muammolar
   
2. 
   Istiqboldagi rejalar
   
3. 
   Erishilgan yutuqlar
   

Foydalanilgan adabiyotlar

YUNISEF – bola huquqlarini himoya qilishga qaratilgan BMTning maxsus organi sifatida

BMTning Bolalar fondi (YUNISEF). Ikkinchi jahon urushidan keyingi Yevropada va Xitoyda bolalarning oziq-ovqat, dori-darmon va kiyim-kechakka bo‘lgan kundalik zarur ehtiyojlarini to‘laroq qondirish maqsadida 1946-yil 11-dekabrda BMT Bosh Assambleyasining birinchi sessiyasida 57 (I) rezolyutsiyasi bilan “Bolalarga yordam ko‘rsatish bo‘yicha xalqaro favqulodda jamg‘arma (YUNISEF)” (United Nations International Children’s Emergency Fund - UNICEF) ta’sis etilgan edi. 1950-yilda BMT Bosh Assambleyasi mazkur Fond faoliyatining asosiy yo‘nalishi rivojlanayotgan mamlakatlar bolalarining manfaatlari ko‘zlangan dasturni amalga oshirishdan iborat deya qaror qabul qildi. Uch yildan keyin BMT Bosh Assambleyasi YUNISEFning faoliyatini nomuayyan muddatga uzaytirishga qaror qilgan93. Butun dunyodagi bolalarning hayotini saqlashdagi yordami uchun YUNISEF 1965-yili Nobel mukofotining sohibi bo‘ldi94. YUNISEF insonparvarlik, muruvvat yordami ko‘rsatgan holda rivojlanishga hamkorlik qilar ekan, bolalarni himoya etish va ularning barcha qobiliyatlarini o‘stirish maqsadida rivojlanayotgan mamlakatlar bilan hamkorlik doirasini Nengaytirishga harakat qilib kelmoqda. Bunday hamkorlik bolalarni kamol toptirish sohasidagi milliy dasturlar doirasida amalga oshirilmoqda. Ana shu hamkorlik mohiyatan jahondagi har bir bolaga uning Bola huquqlari to‘g‘risidagi konvensiyada e’lon qilingan tayanch huquqlari hamda imtiyozlari imkon qadar ro‘yobga chiqarilishini ta’minlashga qaratilgan. Markaziy va Sharqiy Yevropada, shuningdek sobiq Sovet Ittifoqi hududida bolalarning eng zarur talab-ehtiyojlarini qondirish maqsadida YUNISEF ba’zi davlatlarga yaqindan yordam ko‘rsatib Nelmoqda. YUNISEF bola huquqlarini rag‘batlantirish masalalari bilan shug‘ullanuvchi Bola huquqlari qo‘mitasi bilan yaqindan hamkorlikni yo‘lga qo‘ygan bo‘lib, ayni bir vaqtda Konvensiyaning amalga oshirilishini kuzatish hamda Konvensiyani ratifikatsiya qilgan yoki bu hujjatga qo‘shilgan davlatlarga zimmalaridagi vazifalarini bajarishlarida har tomonlama yordam ko‘rsatish bilan shug‘ullanmoqda. YUNISEF o‘z faoliyatida Bolalarning omon qolishini ta’minlash, ularni himoya etish va kamol toptirish to‘g‘risidagi umumjahon deklaratsiyasini amalga oshirishga qaratilgan harakatlar rejasiga amal qiladi. Mazkur Deklaratsiya bolalar manfaatlarini ko‘zlab 1990-yilning-sentabrida Nyu-Yorkda 150 dan ortiq davlatlar va hukumatlarning rahbarlari hamda oliy-martabali boshqa shaxslar ishtirokida o‘tkazilgan Oliy darajadagi umumjahon uchrashuvida qabul qilingan. Mazkur Uchrashuvda uning ishtirokchilari o‘z mamlakatlarida yoshlar resurslarga nisbatan “ko‘proq huquqlarini” e’tirof etdi. Jahon mamlakatlarining hukumatlari yuqori darajadagi uchrashuv maqsadlarini o‘zlarining siyosiy kursi va rejalariga kiritdilar va shu yo‘l bilan o‘z sa’y-harakatlari maqsadli yo‘naltirish bilan bolalarning farovonligini yanada yaxshilash bo‘yicha kafolatlashlarini bildirdilar95. Bola huquqlari to‘g‘risidagi konvensiya - YUNISEFning bolalar huquqlari hamda ularning xavfsizligi, salomatligi va ta’lim masalalarini ilgari surishdagi faoliyatida dasturamal vazifasini bajaradi. YUNISEF, shuningdek, turli davlat tashkilotlari va siyosatchilarini hamkorlikka chaqiradi; bolalar hayoti va sog‘lig‘i himoyasiga, ularning jismoniy va aqliy rivojlanishiga yo‘naltirilgan tadbirlar o‘tkazadi va ularni o‘tkazishni qo‘llab-quvvatlaydi. Shu o‘rinda ta’kidlab o‘tish kerakki, YUNISEF BMT byudjeti tomonidan hech qanday ta’minlanmaydi, uning moliyaviy jihati to‘lig‘icha xayrehsonlar hisobidan amalga oshiriladi. BMT bolalar fondi individual, korporativ va hukumat donorlarini qabul qiladi. Butun dunyo miqyosida yig‘iladigan mablag‘larini umumiylashtirib, YUNISEF ularni bolalarga yordam berishga, ularni eng zarur narsalar bilan ta’minlashga, bolalar va ularning oilalari uchun normal hayot tarzi yaratishga ko‘maklashuvchi dasturlar uchun sarflaydi. YUNISEF xalqaro hukumatlararo tashkilot bo‘lib, dunyoning 150dan ortiq davlatlaridagi bolalarga berib kelmoqda. Bugungi kunda ko‘plab davlatlarda YUNISEF o‘z vakolatxonalarini ochgan va samarali faoliyat olib bormoqda. O‘z faoliyati davomida tashkilot davlatlarning parlamenti, vazirliklari, tashkilotlar, fuqarolik jamiyati institutining vakillari va boshqa mahalliy tashkilotlar bilan yaqindan hamkorlik olib boradi96. YUNISEF bilan hamkorlik doirasida, 2002-yil-may oyida bo‘lib o‘tgan BMTning Bolalar masalalari bo‘yicha maxsus sessiyasida bolalarning dunyoqarashlari ifoda etildi. Unda 7000 ishtirokchidan 600 nafarini bolalar tashkil etgan bo‘lib, bolalar forumini ifoda etish imkoniyatini berdi. Shuningdek, 189 davlat “Bolalar uchun maqbul dunyo” deklaratsiyasini imzolagan. Ushbu hujjatga asosan, davlatlar bolalarning farovonligini yaxshilash bo‘yicha faoliyatning milliy dasturlarini qabul qilishgan. Faoliyat o‘z ichiga onalik va bolalikni muhofaza qilish, sog‘liqni saqlash, ta’lim, bola himoyasi, ijtimoiy siyosat kabi sohalarni qamrab oladi. YUNISEFning hozirgi paytdagi vaifalari va mandati quyidagi hujjatlarga asoslanadi: Bola huquqlari to‘g‘risidagi konvensiya (1989 y); YUNISEFning dasturiy bayonoti (1996); BMT Bosh Assambleyasining Mingyillik maqsadlari deklaratsiyasi (2000); “Bolalar uchun maqbul dunyo” deklaratsiyasi va Harakat reejasi (2002yildagi BMT Bosh Assambleyasining bolalar holati bo‘yicha maxsus sessiyasi).
YUNISEF asosan hayot tarzi yaxshi bo‘lmagan, ancha og‘ir sharoitlarga tushib qolgan rivojlanayotgan davlatlardagi bolalarga, sog‘lig‘i tufayli imkoniyatlari cheklangan bolalarga, harbiy harakatlar yoki tabiiy ofatlar, ochlik. Shafqatsizlik, ekspluatatsiya qurbonlariga katta e’tibor qaratadi. BMT hamkorlari hamda gumanitar tashkilotlar bilan hamkorlik YUNISEFga ayni vaqtda himoyaga juda muhtoj bo‘lgan bolalarga tez va maqsadga yo‘naltirilgan holda yordam Eerishga keng imkon yaratadi. O‘zining ko‘ngilli hamkorlari, donorlari va elchilari bilan birgalikda YUNISEF BMT Ustavida ko‘rsatib o‘tilgan teng huquqli va adolatli jahon hamjamiyatining qadriyatlari va yutuqlari yo‘lida faoliyat olib bormoqda. Bolalar jamg‘armasining rahbar organi EKOSOS tomonidan BMT, ixtisoslashgan muassasalar hamda MAGATE a’zo-davlatlaridan saylanuvchi 41 davlat vakillaridan tashkil etilgan YUNISEF Boshqaruvi hisoblanadi. Boshqaruv o‘zining yillik sessiyalarini o‘tkazadi. YUNISEF Kotibiyati (doimiy faoliyat yurituvchi organ)ni BMT Bosh kotibi Boshqaruv bilan maslahatlashib tayinlanuvchi direktor-ijrochi boshqaradi. YUNISEF tomonidan davlatlarga yordam hukumatlarning iltimosiga ko‘ra YUNISEF Boshqaruvi tomonidan qisqa muddatli va uzoq muddatli dasturlar bo‘yicha amalga oshiriladi. Odatda YUNISEFdan kelib tushadigan mablag‘larning uchdan ikki qismi bolalarning sog‘lig‘ini saqlash, oziq ovqati hamda ta’limiga yo‘naltiriladi. Taxminan uchdan bir qismi esa, mamlakatlarda dasturlarni amalga oshirish uchun zarur bo‘lgan mahalliy xodimlarni malakali tayyorlash sohasiga yordam ko‘rsatishga ajratiladi. YUNISEF har yili EKOSOSga hisobot taqdim etadi. YUNISEF mablag‘larining manbasi hukumatlar va xususiy shaxslarnng ko‘ngilli badallari hisoblanadi97. YUNISEFning shtab-kvartirasi Nyu-York shahrida (AQSh) joylashgan. Undan tashqari, YUNISEFning Karib dengiz davlatlari va Lotin Amerikasi davlatlari uchun hududiy bo‘limi (Panama); Avstraliya va Yangi Zelandiya uchun hududiy bo‘limi; G‘arbiy yevropa davlatlari uchun hududiy bo‘limi; Markaziy, Sharqiy Yevropa hamda MDH davlatlari uchun hududiy bo‘limi (JeQeva); Sharqiy Osiyo va Tinch okeani davlatlari uchun hududiy bo‘limi (Bangkok, Tailand); Sharqiy va Janubiy Afrika davlatlari uchun hududiy bo‘limi (Nayrobi, Keniya); Yaponiya va Koreya Respublikasi uchun hududiy bo‘limi; O‘rta Sharq va Shimoliy Afrika davlatlari uchun hududiy bo‘limi; G‘arbiy va Markaziy Afrika davlatlari uchun hududiy bo‘limi (Abidjan, Kot-D-Ivuar); Janubiy Osiyo davlatlari uchun hududiy bo‘limi (Katmandu, Nepal) kabi hududiy bo‘limlari mavjud. YUNISEF rivojlanayotgan mamlakatlar bilan quyidagilar bo‘yicha hamkorlik qiladi: bolalarning ehtiyojlarini qondirishga qaratilgaan xizmatlarni rejalashtirish va taqdim etishga, manfaatdor mamlakatlar bilan maslahatlashuvlarga ko‘maklashish va davlatlar o‘rtasida tajriba almashishga yordam beradi; sog‘liqni saqlash va sanitar xizmati xodimlari, o‘qituvchilar, diyetologlar va bolalarni ijtimoiy ta’minlash sohasidagi mutaxassislarni qo‘shgan holda milliy xodimlarni tayyorlash va ularni yo‘naltirish jarayonini faolllashtirish uchun mablag‘larni taqdim etish; darsliklar uchun qog‘ozdan tortib jihozlargacha, klinikalar uchun dorilardan tortib qishloqlarni toza suv bilan ta’miishlovchi truboprovodlar va nasoslargacha – texnik vositalar, jihozlar va boshqa ta’minot vositalarini taqdim etish98. BMT Bosh Assambleyasining 1976-yildagi 31-sessiyada 31/169 Uezolyutsiyasi bilan Bola huquqlari deklaratsiyasi qabul qilinganligining 20yilligiga bag‘ishlab 1979-yilni Xalqaro bolalar yili deb e’lon qildi va YUNISEFni mazkur yil doirasida BMT tizimidagi muassasalar faoliyatlarini muvofiqlashtiruvchi bosh muassasa deb tayinlandi. YUNISEFning muassasalararo tuzilma sifatida: a) bolalarni himoya qilish manfaatida natijalarga erishish uchun mamlakatlar darajasida hamkorlikni qo‘llab-quvvatlaydi va rivojlantiradi; b) favqulodda holatlar, mojarolardan keyingi tiklanish va tabiiy ofatlarning oqibatlarini bartaraf etish davridagi barcha vaziyatlarda, shuningdek, umumbashariy targ‘ibot faoliyati doirasida bola huquqlarini rag‘batlantirish, himoya qilish va qo‘llab-quvvatlaydi; v) ayniqsa, bola huquqlarini qo‘pol buzilishi hollarida bolalar nomidan ish ko‘radi; g) o‘z faoliyatida mamlakatlar bo‘yicha yondashuvdan foydalanadi, ya’ni: 1) boshqaradigan va muvofiqlashtiradigan milliy hokimiyatda maxsus organ butun mas’uliyatni o‘z zimmasiga oladigan; 2) milliy ustuvorliklar va rejalarni, shuningdek, bolalarni kundalik haqiqiy hayotini asos qilib oladigan; 3) maqsadga yo‘naltirilgan bola huquqlarini amalga oshirish uchun mahalliy va milliy institutlarning imkoniyatlarini mustahkamlash; 4) siyosat, asosiy xizmatlar, asosiy keng iste’mol maxsuslotlari, bolalarni himoya qilish va vasiylik qilish, kabi omillar samarali sinergik ta’sir ko‘rsatishga yordam beradigan; 5) bolalarga nisbatan huquq va majburiyatlarga ega va ular uchun bosh ma’suliyat zimmasidagi shaxslar sifatida ota-onalar va vasiylar imkonitini Nengaytirishga harakat qiladigan, jamiyatning asosiy bo‘lagi va bolalarning o‘sishi, farovonligi va baxti uchun tabiiy muhit sifatida oila rolini targ‘ibot qiladigan, otaonalar qaramog‘isiz qolgan bolalar hayoti sharoitlariga alohida e’tibor qaratadigan; 6) hamkorlik va birgalikda ishlash dasturlari yordamida jamiyatning teng huquqli a’zolari sifatida ayollar huquqlarini targ‘ib qilishga harakat qiladigan va ularni jamoalarining siyosiy, ijtimoiy va iqtisodiy rivojlanishida to‘la qonli ishtirokini rag‘batlantiradigan, ayollarning huquqlari va imkoniyatlarini Nengaytirish ayniqsa, qizlar va bolalar huquqlarini amalga oshirish, shuningdek sog‘lom oilalar, jamoalar va jamiyatlarni shakllantirish uchun muhim ish deb biladigan; 7) favqulodda holatlarda bolalar, ayollar va oilalarning kechiktirib bo‘lmaydigan ehtiyojlarini qoniqtirish bo‘yicha o‘z majburiyatlarini barcha dasturlar va operatsiyalardahisobga oladigan, gumanitar yordamni ko‘rsatish bo‘yicha chora-tadbirlar zarur bo‘ladigan favqulodda holatlarda hamkorlikning xodimlar va barcha dasturlari moslashib harakat qilishi uchun institutsional potensialni saqlab qoladigan va kuchaytiradigan; 8) gumanita inqiroz natijasida mamlakat ichkarisida ko‘chirilgan bolalar va oilalar uchun sog‘liqni saqlash, sanitariya, oziq-ovqat, ijtimoiy himoya va ta’lim xizmatlariga imkoniyatlarni kengaytirishga yordam beradigan va ko‘chirilgan shaxslarni o‘z uylariga joylashtirishi mumkin bo‘lgan jamoalarni qo‘llabquvvatlaydigan; 9) turli jamoatchilik instansiyalarida bolalar va yoshlarning ahvoliga taalluqli qarorlar qabul qilinishi jarayonlarida ularning ongli va to‘la qonli ishtirokiga yordam beruvchi tegishli milliy strategiyalar va rejalarda bolalarning manfaatlari aks etuvchi choralarni hamkorlari bilan qabul qiladigan; 10) barcha darajalarda ishlaydigan va mavju haqiqiy, zamonaviy bilimlar, amaliyot va baholash va xalqaro tajriba natijalari bo‘yicha qilingan xulosalar asosida o‘z ish faoliyatini quradigan; 11) hamkorlar bilan hamkorlik olib borib, bolaga bola o‘sishining ona qornidagi davrida, kichik yosh davrida, maktabgacha, maktab yoshida va o‘smir davrida qo‘llab-quvvatlaydigan, bolalar uchun muayyan darajada mas’ul bo‘lgan ota-onalarga, o‘qituvchilarga, sotsial muassasalarga, siyosatchilarga va boshqa tomonlarga, ularning bolalarning yoshini hisobga olgan holda, bu bolalarni qo‘llabquvvatlash, himoya qilish va vasiylik va homiylik qo‘rsatish bilan bog‘liq vazifalarini bajarishida yordam ko‘rsatadigan quyidagi faoliyatlarni amalga oshiruvchi davlatlarga ko‘mak ko‘rsatadi YUNISEFning 2015-yilgacha bo‘lgan davr uchun faoliyatining ustuvor sohalari quyidagilar hisoblanadi: 1. Kichik yoshdagi bolalarning sog‘lig‘i va rivojlanishi; 2. Tayanch ta’lim va gender tengligi; 3. OIV/OITS va bolalarning ahvoli; 4. Bolalarni zo‘ravonlik, ekspluatatsiya va shafqatsiz muomaladan himoya
qilish;

5. Bolalar huquqlarini qo‘llab-quvvatlashga qaratilgan hamkorlikni shakllantirish va uni targ‘ib qilish siyosati. YUNISEFning yordami birinchi o‘rinda tabiiy ofatlar, fuqarolik urushlari yoki epidemiyalar natijasida vujudga keladigan favqulodda holatlarda bolalar uchun uzoq muddatli dasturlarni bajarishga, onalar va bolalarning bevosita ehtiyojlarini tezliq bilan qondirishga yo‘naltiriladi, favqulodda yordam ko‘rsatilgandan so‘ng esa, qayta tiklash dasturlari amalga oshiriladi. YUNISEF faoliyatining yana bir muhim jihati, bu targ‘ibot va tashviqot ishlari bo‘lib, unda Tashkilot jamiyatning barcha kuchlarini, siyosiy rahbarlar, o‘qituvchilar, shifokorlar va sog‘liqni saqlashning boshqa xodimlari, ommaviy axborot vositalari xodimlarini ijtimoiy maqsadlarga erishish va shu yo‘l bilan bolalar duch kelishi mumkin bo‘lgan muammolarni hal etishga maksimum darajada sa’y-harakatlarni yo‘naltirishga harakat qiladi. 'emak, bola huquqlarini himoya qilish bu birinchi o‘rinda davlat va jamiyatning asosiy vazifasi hisoblanadi. “Bolalar mavzusi”ning diqqat markazda turishi uchun esa jurnalistlarning o‘rni va roli muhim ahamiyat kasb etadi. Chunki aynan ular bolalar himoyasini ta’minlash mexanizmini ishga tushiruvchi “katalizator” vazifasini bajaradilar. Ya’ni, bolalarga tibbiy yordam ko‘rsatilmayotgani va mansabdor shaxslarni bu muammolarini bartaraf etishga chaqirishda, bolalarning odilsudlov bilan duch kelishi va boshqa turli muammolarni yoritishda aynan jurnalist asosiy rolni o‘ynaydi. Bunda jurnalistning ma’suliyati juda ham kattadir. U o‘z maqolasi bilan nafaqat muammoni hal qilishga yordam berishi mumkin, balki ayrim hollarda malakasizligi yoki xatoga yo‘l qo‘yishi oqibatida muayn bolaning ahvolini yanada og‘ir ahvolga tushirib qo‘yishi, uning shaxsiy daxlsizligi huquqi kabi, turli huquqlarini ham buzib qo‘yishi mumkin. Bunday xolatlarda jurnalistlarga ko‘mak tariqasida YUNISEF tomonidan qator tavsiyalar ishlab chiqildi . Mazkur ahloqiy tamoyillar quyidagicha tizimda berilgan: 1. Umumiy prinsiplar 1.1. Har qanday holatda ham aniq bir bolaning huquq va manfaatlari ko‘zda tutilishi lozim. 1.2. Kattalarda bo‘lgani kabi, bolalarning ham shaxsiy hayot va uning dahlsizlikka huquqi bor. 1.3. Bola o‘z fikrini aytishi, uni tinglashlariga va uo‘zining hayoti bilan qarorlar qabul qilinishida ishtirok etish huquqiga ega. 1.4. Jurnalistlik materiallarning chop etilganidan keyingi oqibatlarga baaho berish. Bunda bolaga uning eng yaqin insonlari – ota-onasi, vasiylari, shuningdek, u bilan ishlovchi mutaxassislar – shifokorlar, psixolog, sotsial pedagog va boshqalar yordam berishlari mumkin. 1.5. Agar bola yoki uning aka-singillari uchun birorta xavf bo‘lgan taqdirda uning nafaqat ismini chop etmaslik, balki rasm yoki aniqlash mumkin bo‘lgan boshqa holatlarini ham nashr emaslik shart. 2. Bolalardan intervyu olishda muhim bo‘lgan prinsiplar: 2.1. Intervyu uchun bolalarni tanlab olishda irq, jins, yosh, ijtimoiy kelib chiqish, ta’lim darajasi va jismoniy holati bo‘yicha kamsitishga yo‘l qo‘ymaslik. 2.2. Boladan yoki u uchun javob beruvchi shaxs (ota-onasi, vasiy. Bolalar uyi direktori, vasiylik va homiylik organi vakili)dan u bilan intervyu, videoga olish va boshqa uning rasmi, qo‘shimcha materiallariga tegishli masalalar bo‘yicha iloji boricha yozma ruxsatnoma olish kerak. Bu yozma hujjat esa bolaga tushunarli tilda tuzilishi kerak. Rozilik barcha majburlov choralarini istisno qilgan holda erkin tarzda berilishi kerak. 2.3. Bola yoki u uchun javob beruvchi shaxs (ota-onasi, vasiy. Bolalar uyi direktori, vasiylik va homiylik organi vakili) olingan materiallarni mahalliy va xalqaro darajadagi ommalashtirishni rejalashtirgan jurnalistga nima aytayotganliklarini aniq tushunib yetishlari lozim. Jurnalist ularga intervyuning maqsadi va undan qay tarzda foydalanishni aniq tushuntirib berishi lozim. 2.4. Intervyu davomida bolaning qalbiga jarohat bermaslik kerak, uni oilasini yo‘qotganligi va boshqa og‘ir holatlarini qaytadan xis qilishiga majbur qilmaslik kerak. Bolaning millati, dini, madaniyati yuzasidan kamsitishlar va bola yoki uning oila a’zosi uchun haqoratli so‘zlarni ishlatishdan qochish kerak. 2.5. Bolaga intervyu vaqtida o‘z tarixini bemalol aytish berishi uchun qulay shart-sharoit yaratish berish lozim. Bunda u tashqi, shu jumladan, jurnalistlar tomonidan har qanday bosimlarni holi bo‘lishi lozim. Intervyu vaqtida ishtirok etadigan shaxslar sonini kamaytiring. Kino-, teOe-, radiointervyularda bola turgan joyni aniqlab olish xavfidan qochish maqsadida vizual va ovozli fonga alohida e’tibor qaratish lozim. 2.6. Tomosha ko‘rsatishdan qochish kerak. bolani manipulyatsiya qilmaslik Nerak. Undan samarali inervyu yoki yorqin reportaj uyushtirish maqsadida o‘zingiz xohlagan narsalarni aytishini so‘ramaslik kerak. 3. Bolalar to‘g‘risida reportaj tayyorlash tamoyillari: 3.1. Tayyor jurnalistik materiallar, sizning xulosalaringiz va ta’rifingiz bolaning qalbini yaramasligi, uning psixikasiga salbiy ta’sir ko‘rsatmasligi, unga nisbatan kamsitishga va jamiyatning salbiy munosabatiga sabab bo‘lmasligi kerak. 3.2. Sizning bola bilan tanishuvingiz va intervyu jarayoni haqida unga ishonchli ma’lumot bering. 3.3. Har doim ismlarni o‘zgartirish kerak va bolaning qimligini aniqlashga imkon beruvchi materiallarni oshkor qilmaslik kerak. Ayniqsa, quyidagi holatlardagi bolalarga nisbatan: zo‘rlash yoki seksual ekspluatatsiya qurbonlari yoki uning o‘zi jismoniy yoki seksual zo‘rlash sodir etgan bo‘lsa; VICh infeksiyasi bilan yoki SPID bilan kasallangan yoki ushbu kasallik natijasida hayotdan ko‘z yumayotgan bo‘lsa (bola yoki ota-ona/vasiy ismini oshkor qilishga rozilik bergan hollar bundan mustasno); jinoyat sodir etganligi uchun ayblanayotgan yoki hukm qilingan bo‘lsa.

Mavjud xavf bo‘lgan taqdirda quyidagi hollarda bolaning ismini o‘zgartirib, uning kimligini aniqlashga imkon beradigan ma’lumotlarni oshkor qilmaslik kerak: agar bola amaldagi yoki sobiq harbiy harakatlarni ishtirokchisi bo‘lsa; agar bola qochoq yoki ko‘chirilgan shaxs hisoblanib, boshpana so‘rayotgan bo‘lsa. 3.4. Quyidagi holatlarda bolaning ismini, uning rasmini ko‘rsatish mumkin, hattoki zarur hamdir: agar muloqot bolaning tashabbusi oraqli bo‘lsa va bola uning fikrlari auditoriyaga yetib borishini xohlasa; agar bola birorta ijtimoiy loyiha ishltirokchisi sifatida tanitishni xohlasa; agar bola psixologik va ijtiomiy Ueaabilitatsiya/adaptatsiya dasturlarida ishtirok etayotgan bo‘lsa. Bunday holatlarda ishtirokchilar ismining e’lon qilinishi ushbu dasturning muhim elePenti hisooblanadi va bolaning kamol topishi uchun foydali hisoblanadi. 3.5. Muloqot qilinayotgan bolaning yoshi va psixologik jihatlarini e’tiborga olish kerak. U aytgan ma’lumotlarning to‘g‘riligini uning yaqinlari yoki boshqa bolalardan so‘rab tasdiqlab olish kerak. 3.6. Agar ma’lumotni ommalashtirish natijasida bola uchun mavjud xavf bo‘lsa, hujjatlarda aniq bir bola haqida emas, shu holatdagi bolalarning umumiy holati sifatida yozish kerak. Yuqoridagilardan kelib chiqqan holda xulosa qilish mumkinki, YUNISEF o‘tgan yarim asrdan ortiq faoliyati natijasida o‘z faoliyatida norma ijodkorlik, operativ yordam, muvofiqlashtiruvchi funksiyalarini amalga oshirish orqali bola huquqlarini himoya qilish sohasidagi universal xalqaro muassasaga aylandi.

Bolalar himoyasi
Muammolar
O'zbekistonda bolalarni himoya qilish tizimining tarkibiy qismlari institutsional darajada bo'lishiga qaramasdan, kadrkarnin yetishmasligi, moliyalashtirishning yetarli emasligi va idoralararo muvofiqlashtirishni yo`qligi tufayli samarali faoliyat ko'rsatmaydi. Zo'ravonlik, shafqatsiz munosabat, beparvolik yoki tasodifiy shikastlanishga duchor bo'lgan bolalar har doim ham tegishli himoya xizmatlarini olmaydilar va ko'pincha mahsus muassasalarga joylashtiriladilar. O'zbekiston Xotin-qizlar qo'mitasi tomonidan 2017 yilda olib borilgan bola huquqlarini himoya qilish tizimini baholashda mahalliy hokimiyat organlari va ta'lim, va sog'liqni saqlash sohasi mutaxassislari himoyaga muhtoj bolalarni aniqlash va ularning ehtiyojlarini qondirish uchun kerakli bilim, ko'nikma va vositalar bilan ta'minlanmaganligini ta'kidladilar. Bola himoyasi bilan bog'liq masalalar bo'yicha ma'lumot ham cheklangan.
“Shafqatsiz munosabat va beparvolik haqida tasdiqlanmagan ma'lumot mavjud va xavf ostida bo'lgan bolalarni aniqlash va bu kabi huquqbuzarliklarga uchragan bolalar qo'llab-quvvatlashning tizimli vositasi mavjud emas.”
Jabrlangan bolalar va guvoh bolalarning ishtirokinin, himoyasini va jamiyatga qaytishini olgà surishga qaratilgan qonunchilik asoslari va xizmatlarining etishmasligi mavjud. Ixtisoslashgan mutaxassislarning, shu jumladan, barcha sud jarayonlarida bolalar ish bilan bog'liq ishlarni ko'rib chiqish uchun ixtisoslashgan sudyalarning yo'qligi yana bir masala. Jinoiy va fuqarolik sud ishlarini yuritishda bolalarning huquqiy kafolati to'liq ta'minlanmagan. 2006 yildan boshlab BMTning Bola huquqlari bo'yicha qo'mitasi balog'at yoshiga yetmagan bolalarni qamoqxonalarda jazo sifatida yakka hujayralarga joylashtirilishi haqida va xalqaro hamjamiyatning erkinlikdan mahrum bo'lgan bolalarning ahvolini kuzatish imkonniyati mabjud emasligi haqida o`z tashvishini bildirdi.
Istiqboldagi rejalar
UNICEF hozirda O'zbekiston hukumatiga yuqori darajadagi texnik yordamni ko'rsatmoqda, bu esa bolalar uchun milliy harakat rejasini ishlab chiqish orqali siyosatni ishlab chiqish va tizimni isloh qilishga qaratilgan. Bolalarni himoya qilish tizimini takomillashtirish rejasi, holatlarni o`rganish va o`z ichida asosiy xizmatlarni yondashuv doirasida taqdim etuvchi ijtimoiy ishlarga sarmoyani kiritadi. Mahalliy hokimiyat organlari va xizmat ko'rsatuvchilar tomonidan tuman darajasidagi ehtiyojmand bolalar va oilalarning ehtiyojlarini aniqlash va ularni ehtiyojlarini qondirish uchun salohiyatini oshirish, bolalarni muasssasalarga joylashtirishni oldini olish va bolani farovon oila muhitida yashash huquqini amalga oshirishga yordam beradi.

UNICEF va O'zbekiston hukumati uchun jabrlanuvchi bolalar va guvoh bolalar uchun adliya tizimida mahsus yondashuvni joriy etish ustuvor yo'nalishlar bo'lib qoladi. Ozodlikdan mahrum bo'lgan bolalarni davolash va ahvolini yaxshilash borasida UNICEF O'zbekiston Respublikasi hukumati bilan Prezidentning turli farmonlarida qayd etilgan islohotlarni amalga oshirishda hamkorlik qilishda davom etmoqda. Milliy qonunchilik bazasini bolalar adliya tizimida xalqaro odil sudlovga muvofiq olib borish va adolat xodimlarining ishlarida bolalar uchun qulay tartib-qoidalarni qo'llash imkoniyatlarini oshirishga qaratilgan keyingi sa'y-harakatlar amalga oshiriladi.
Erishilgan yutuqlar
Xotin-qizlarga nisbat alohida etibor
UNICEF Xotin-qizlar qo'mitasi bilan hamkorlikda O'zbekistondagi bolalarni himoya qilish tizimini baholadi va bolalarni himoya qilish tizimini mustahkamlash uchun asos yaratdi, bu esa mamlakatning keng ko'lamli va ma'muriy islohotlar kun tartibiga kiritiladi (2018-2021 yillar). Islohotlar bo`yicha muhim tavsiyalar holatlarni o`rganich yondashuvi orqali amalga oshiriladigan ijtimoiy hodim kasbiga sarmoya qilishni va Homiylik va Vasiylik, hamda tuman darajasidagi balog`at yoshiga yetmaganlar ishlari bo`yicha mahkamalararo komissiyani birlashtirish yo'li bilan Ijtimoiy Ishlar Departamentini tashkil qilish orqali amalga oshiriladi. 
Ijtimoiy ish
Hukumat O'zbekiston Milliy universitetida ixtisoslashgan ijtimoiy ish bo'limini tashkil etdi. YuNISEF o'qituvchilarning o'quv rejalarini ishlab chiqish va o'qitish shaklida texnik yordam ko'rsatdi.
Bolalar uchun adolat
Bosh prokuratura tomonidan UNICEF bilan hamkorlikda olib borilayotgan qonunchilik islohotlari bo'yicha idoralararo ekspertlar guruhi Jinoyat va Fuqarolik protsessual kodekslariga, jumladan, jabrlangan bolalar va guvoh bolalarni himoya qilish, qonuniy kafolatlar va qonun bilan muammoga uchragan bolalar uchun ozodlikdan mahrum etishni muqobil usullarni kengaytirishni o`z ichiga oladi.