43
adını qeyd etmək olar.
1
“Vəhhabigəri” kitabının müəllifi İbn Teymiyyənin yazdığı əsərlərin
adını qeyd etməklə yazır: “...Bu Şeyxul-islam yalnız çox yazmağı,
uzunçuluq etməyi və çox danışmağı bacarırdı. O, özünün bu qədər
əsərləri ilə heç bir çətinliyi həll etməmiş, heç bir müşkülü aradan
qaldırmamışdır.”
2
Həqiqətdə Məhəmməd ibn Əbdül-Vəhhabın icad
etdiyi “vəhhabi məzhəbi” məhz İbn Teymiyyə və onun şagirdi İbn
Qəyyimin fikirlərinin törəməsi idi.
İbn Teymiyyənin şəxsi əqidə və rəylərini araşdırmaqla onun
zindanlarda bu qədər qalmasının və İslam alimləri tərəfindən kafir elan
edilməsinin, eləcə də onun rəy və düşüncələrinin öz ardınca nə üçün bu
qədər müxalifət dalğaları yaratması, həmçinin həm öz əsrinin alimləri,
həm də sonrakı əsrlərdəki alimlər tərəfindən qəbul olunmadığının səbəbi
aydın olur.
İBN TEYMİYYƏNİN ƏQİDƏ VƏ RƏYLƏRİ
a) İbn Teymiyyənin nəzərində tövhid.
İbn Teymiyyə Allahdan başqasına təvəssül etmək və ona sığınmağı,
övliya və peyğəmbərlərdən hər hansı birini Allah dərgahında şəfaətçi
qərar verməyi, böyük din şəxsiyyətlərinin – peyğəmbərlərin və salehlərin
qəbrini ziyarət etməyi, onların qəbrinin kənarında namaz qılmağı,
həmçinin nəzir və qurbanlığı tövhidlə müxalif olduğunu və bu işlərin
şirkə səbəb olduğunu hesab edirdi.
3
* Hətta böyük sünnü alimləri də
cürbəcür xurafat və şirklə qarışan, tövhidə zidd olan bu kimi vəhhabi
bidətləri ilə müxalifdilər. Onlar qəbirləri ziyarət etməyi, peyğəmbərlərə
və salehlərə təvəssül etməyi, onlardan şəfaət diləməyi dini-şəri vəzifə
hesab edirlər. Vəhhabilər isə nə sünnüdürlər, nə də şiə. Həqiqətdə heç bir
İslam firqəsinin tərkibinə daxil deyillər. Onlar özlərini yalandan İslama
mənsub etmişlər. Əslində isə qan axıdan, cinayətkar və İslamı təhrif
edənlərdirlər ki, ilk əvvəldən indiyə qədər İslamın və müsəlmanların
köksünə ağır zərbələr vurmaqdan başqa bir iş görməmişlər
(“Vəhhabigəri” kitabının 214-cü səhifəsinin vərəqaltı haşiyəsi).
Buna əsasən, İbn Teymiyyənin nəzərində müvəhhid (tövhidçi) adı o
şəxsə deyilə bilər ki, istədiyi şeyləri birbaşa Allahdan istəsin və heç bir
şəxsi vasitə və şəfaətçi qərar verməsin, Allahdan başqasına əsla diqqət
yetirməsin.
4
1
Himməti Həmayun, “Vəhhabigəri”, səh.53
2
Həmin mənbə, səh.56
3
Himməti Həmayun, “Vəhhabigəri”, Həmin mənbə, səh.57
4
Fəqihi Əliəsğər. “Vəhhabilər”, “İntişarati-Səba”, Tehran, 1352, 1-ci çap, səh.30
44
b) Küfür və şirkin mənasının daha genişləndirilməsi.
“Ümum müsəlmanların nəinki caiz, hətta müstəhəb hesab etdikləri
əməllərin bir qismi İbn Teymiyyənin nəzərində şirkə və dindən çıxmağa
səbəb olur. O cümlədən, o deyir: “Hər kəs təkcə Peyğəmbərin (s)
qəbrini ziyarət etmək üçün səfər etsə... Əgər Peyğəmbəri (s), yaxud
başqasını ziyarət etsə, məqsədi də onu Allaha şərik qərar verməklə
ondan bir şey istəmək olsa bu iş haram və şirkdir. Həmçinin,
qəbirlərdən fayda almağı, qəbir sahbinin bəlanı onlardan dəf
etməsini gözləyənlər bütpərəstlər kimidirlər ki, onlar kimi bütlərin
fayda və ziyana malik olduğuna inanırdılar. Ziyarətə gedənlərin
məqsədləri elə müşriklərin məqsədləridir ki, onlar da müvəhhid
şəxsin Allahdan istədiyi şeyləri bütlərdən istəyirdilər...” O, hətta
məscidin qonşuluğunda olan, lakin öz iş və peşəsinə uyğun olaraq
camaat namazına gedə bilməyən şəxslərin barəsində fətva verərək
demişdir ki, “onlar tövbə etdirilməlidirlər. Əgər tövbə etməsələr qətlə
yetirilmələri vacibdir.”
1
İbn Teymiyyə “zöhr namazını gün batana
qədər, məğrib namazını gecə yarısına qədər təxirə salanların hökmünü
nəql edərək demişdir ki, “əgər belə bir şəxs bu işi küfür bilməsə onun
boynu vurulmalıdır”. Beşlik təşkil edən namazların hər hansı birini
qılmaqdan boyun qaçıran, yaxud namazın danılmaz vacibatını tərk edən
həddi-büluğa çatmış şəxs barəsində hökm vermişdir ki, “belə bir şəxsi
tövbə etdirmək lazımdır. Tövbə etməsə öldürülməlidir”. İbn
Teymiyyə məxluqata and içməyi və Allahdan başqasına nəzir etməyi də
şirk hesab edirdi.”
2
v) Allahın zahiri hiss üzvləri ilə görünəcəyini və Allahın cəhətə
malik olduğunu isbat etmək.
İbn Teymiyyə özünün “Risalətül-həməviyyə” kitabını da məhz bu
məsələni isbat etmək üçün yazmışdır. “O, Allahın məkanda və cəhətdə
olmadığını nəql etdikdən sonra demişdir ki, sünnülüyə mənsub edilən
bütün insanlar Allahın görünməsinin isbat olunmasında fikir
birliyindədirlər. Sələf alimlərin də nəzəri budur ki, Allah-təalanı axirətdə
1
Himməti Həmayun, “Vəhhabigəri”, səh.58
*Ali-Səud əmirlərindən Türki adlı birisi hər məscid üçün iki imam tə`yin etmişdi.
Birini camaatın ümumi imam camaatı, digərini isə ticarətlə məşğul olduqlarına və
peşələrinə görə namazın əvvəl vaxtında məscidə gələ bilməyənlər üçün nəzərdə
tutmuşdu. Bununla istəyirdi ki, heç kəs öz namazını fürada şəkildə qılmasın, hamı
camaat namazında iştirak etsin. (“Vəhhabilər” kitabının 31-ci səhifəsinin vərəqaltı
haşiyəsi)
2
Həmin mənbə, səh.59
Dostları ilə paylaş: |