59
Təxti-Süleyman. Dulus kürəsi.
sıxlığın ı, şəhərin islamın yayılmasından əvvəl salındığını göstərmişdir (H.Ş.Şiran,
1383).
Ultan qalası Muğan düzündə, Araz çayın ın cənub sahilində, Ərdəbil ostanının
Ultan kəndindən qərbdə, dəniz səviyyəsindən 67-73 m yüksəklikdə yerləşir. Yerli
əhalinin Ultan qalası adlandırdığı bu ş əhər xarabalıqların ın qala divarları ilə müdafiə
olunan sahəsi düzbucaq biçimdə olub 33 hektar sahəni əhatə edir. Düzbucaqlının
küncləri əsas coğrafi cəhətlərə istiqamətlən mişdir (tablo 12, şək. 2-3). Qalanı en i 10
m-ə çatan müdafiə xəndəyi əhatə edir. Şəhərin qala divarlarından bayırda cənub-
qərb, cənub və şərq istiqamətlə rində genişlənən rabad yerləşir. Rabadla birlikdə
Ultan şəhər xarabalıqların ın ümu mi sahəsi 70 hektara yaxındır (K.A lizadeh, 2007, p.
5). Arxeo loji qazıntılar məhdud miqyasda aparılmış, mədəni təbəqənin
stratiqrafiyası müəyyənləşdirilmiş, şəhər istehkamla rı ilə bağlı bir ço x sualla ra
aydınlıq gətirilmişdir. Qalınlığ ı 5 m-ə çatan mədəni təbəqə yatımında dörd inşaat
dövrü müəyyənləşdirilmiş, I və II inşaat qatlarında sasani və ərəb fəthləri dövrünün
maddi mədəniyyət nümunələri, III və IV inşaat qatlarında isə IX-XI əsrin əvvəllərinə aid
faktik materiallar əldə edilmişdir. İstehkam qalıqlarının tədqiqindən məlum olmuşdur ki,
şəhərin ilk qala divarı çiy kərpicdən hörülmüş, qalınlığı 4 m olmuşdur. Bu qala divarı sel
ilə dağıdıldıqdan sonra onun qalıqları üzərində nisbətən kiçik ölçülü kərpiclərdən yenisi
inşa olunmuşdur (K.Alizadeh, 2007, p. 9-13).
Qazıntılar zamanı əldə olunan arxeoloji materiallar əsasən saxsı qab
parçalarından ibarətdir və daha çox orta əsr Beyləqan şəhərinin saxsı məmulatı ilə
oxşarlıq təşkil edir. Arxeoloji qazıntıların nəticəsinə və faktik materialların təhlilinə
60
Ultan qalası. Qalanın qərb bürcü.
əsaslanaraq tədqiqatçılar bu şəhərin sasanilər dövründə salındığını və burada XI əsrin
əvvəllərinədək həyatın mövcud olduğunu, abidənin Varsan şəhərinin xarabalıqları
olmasını ehtimal edirlər (K.A lizadeh, 2007, p. 18-20).
Arxeoloji axtarışlar zamanı qeydə alınmış bəzi şəhər yerlərinin yazılı
mənbələrdə adı çəkilən hansı şəhərə mənsub olduğu bəlli deyildir. Bunlardan biri
Kürdəmir rayonunun Ərəbqubalı kəndində yerləşir və ərazisi 25 hektardan çoxdur.
Düzbucaqlı plan quruluşuna malik bu abidənin ərazisi kvadrat formalı bişmiş kərpic
qırıqlarından ibarət inşaat materialları, şirsiz və şirli saxsı qab qırıqları ilə zəngindir, şüşə
və metal məmulatı, sikkələr tapılmışdır (Г.А.Джидди,1980; Ф.Л.Османов и др., 1984).
Dibrar şəhər yeri dağlıq zonada, Dəvəçi rayonunun Zöhrabkənd adlı kəndinin
kənarında geniş bir ərazini əhatə edir. Abidə yerli əhalinin Şəhərgahdağ adlandırdığı
dağın şərq ətəklərində yerləşərək şimal-şərqdən cənub-qərbə uzanır. Dağın yamaclarını
Gilgilçayın suları yuyur. Şəhər yerinin şərq hissəsində mikrorelyef yaxşı mühafizə
olunmuşdur. Burada kvadrat və düzbucaqlı plan quruluşuna malik, qaya və çay
daşlarından hörülmüş binaların xarabalıqları, 200-250 m məsafədə qala divarlarının
qalıqları izlənilir. Qala divarları qaya daşlarından hörülmüşdür (Г.агаев, 1974, стp. 20-21).
Dibrar şəhər yerindən toplanmış yerüstü arxeoloji materiallar, əsasən, IX-XIII
əsrlər üçün səciyyəvi olan şirli və şirsiz saxsı, zərnaxışlı fayans qab qırıqlarından, şüşə
bilərzik parça larından ibarətdir.
Şəhər yerinin cənub kənarında geniş sahəli orta əsr müsəlman qəbiristanlığı
yerləşir.
61
Şübhəsiz ki, Dibrar şəhər yeri Şirvanın orta əsr şəhərlərindən birinin
xarabalıqlarıdır. Şəhərin yerində Şirvan şəhərinin lokalizasiyasına dair ehtimal irəli
sürülmüşdür (T.M.Dostiyev, 2001, səh. 42-43; M.C.Xəlilov, 2006a, səh. 81-82).
Yaşayış məskənlərinin ayrıca bir tipini kiçik şəhər məntəqələri üçün səciyyəvi
əlamətlərə malik şəhərtipli iri yaşayış yerləri təşkil edir. Bu yaşayış məskənləri
şəhərlərdən mədəni təbəqənin sönüklüyü, sənətkarlığın zəif inkişafı və çox da mürəkkəb
olmayan müdafiə sistemi ilə fərqlənir. Bu tip abidələrə Torpaqqalanı (Qax rayonu),
Muncuqlutəpəni, Mingəçevir, Tatlı yaşayış yerlərini misal çəkmək olar.
Orta əsrlərə aid bir neçə şəhərtipli iri yaşayış yeri Azərbaycanın şima l-
şərqində, Quba-Xaçmaz bölgəsində tədqiq olunmuşdur. Bunlara Canaxır, Şəhərgah,
Xınalıq, Qalaxur, Qalayeri və Utuq yaşayış yerlərini aid etmək olar. Baxmayaraq ki, bu
abidələr yerüstü materiallar və kəşfiyyat səciyyəli qazıntılar əsasında tədqiq olunmuşdur,
onların ümumi sahələrinin 6-12 hektar, mədəni təbəqələrinin qalınlığı isə 1,5-3 m
olduğu müəyyən edilmişdir (T.M.Dostiyev, 2001).
Yaqut əl-Hə məvi "Mücəm əl-buldan" adlı lüğətində Xınalığın Xaza ran dağ
keçidində kiçik şəhər olduğunu bildirir (Йакут аль-Хамави, 1983, стp. 23). Xınalıq orta əsr
yaşayış yeri Qudyal çayın sol sahilində, dəniz səviyyəsindən 2300 m hündürlükdə,
Qızılqaya yastanının cənub-şərq yamacında, strateji baxımdan çox əlverişli məkanda
salınmışdır və hal-hazırda müasir kənd tikililəri ilə örtülmüşdür. Qala divarlarının
qalıqları Xınalığın şimal və şimal-qərb tərəfində dar bərzəxdə qeydə alınmışdır. Yaşayış
yerinin cənub-şərq tərəfindən yerləşən giriş isə piramida biçimli qüllə ilə mühafizə
olunurdu (G.Mə mmədbəyova-Mehmandarova, 1993, səh. 28-30). Xınalığın orta əsrlərdə
mahal mərkəzi olduğu ehtimal edilir (T.M.Dostiyev,2001,səh. 47).
Qalacıq yaşayış yeri Şamaxı rayon mərkəzindən 23 km cənubda Böyük
Qafqazın cənub ətəyindəki yüksəklikdə yerləşir. 1980-1986-cı illərdə burada aparılan
arxeoloji qazıntılar zamanı qalınlığı 1 m-ə çatan üst mədəni təbəqədə IX-XIII əsrlər üçün
səciyyəvi maddi mədəniyyət qalıqla rı, əhəng daşından hörülmüş qala d ivarla rın ın,
yaşayış evlərinin qalıq ları, təndirlər və ocaqlar üzə çıxarılmış, xeyli şirsiz və şirli
saxsı qab nümunələri, metal, şüşə və daş məmulat, XII əsrin sonu -XIII əsrin birinci
rübündə Şirvanşahlar tərəfindən zərb olun muş mis sikkələr dəfinəsi tapılmışdır
(A.Б.Нуриев, 1981, c тp. 423; 1985, cтp. 491; 1986 a, cтp. 42-43; 1987, стp. 554; A.
Б.Нуриев, P.M.Baидов, 1988).
Mingəçevir yaşayış yerlərin in orta əsr mədəni təbəqəsi pis mühafizə
olunmuşdur. Bu rada Kürün sol sahilində 2 və 3 saylı yaşayış yerlərində dağıntılara
mə ruz qalmış tikintilərin qalıq ları, dairəv i dulus kürələri aşkarlanıb tədqiq
edilmişdir. Şirli qablar, şüşə qab və bəzək (bilərzik) qırıq ları, Şirvanşahların
sikkə ləri və s. tapılmışdır (R.M.Vahidov, 1957).