ƏLLİ ÜÇÜNCÜ Kİtab ————— sentyabr 2012 oktyabr 2012
Yüklə 3,06 Mb. Pdf görüntüsü
|
- Bu səhifədəki naviqasiya:
- Şahmat məktəbinin açılışı mərasimi
- «Araz» damazlıq quşçuluq fabrikinin açılışı mərasimi
- «Kraun KO» taxıl anbarı kompleksinin açılışı mərasimi
334
Bu gün də demək istəyirəm, bütün dövrlərdə – sovet dövründə, müstəqillik dövründə, əfsuslar olsun ki, uşaq ölümü yüksək idi. İndi doğum şöbələrinin müasir avadanlıqla təchiz edilməsi bu məsələnin həllinə də kömək göstərəcəkdir. Uşaq ölümü azalır və həkimlər elə xidmət göstərməlidirlər ki, ümumiyyətlə, uşaq ölümü olmasın. Uşaq ölümü inkişaf etmiş ölkələrin səviyyəsində olmalıdır. Yəni biz qarşıya belə hədəf qoymuşuq. Əminəm ki, yeni tikilən, bərpa olunan tibb ocaqlarının fəaliyyəti sayəsində biz buna nail olacağıq. Həkimlər də xəstələrə yaxşı xidmət göstərməlidirlər, xüsusilə belə gözəl şərait olduğu halda, bunu etmək çətin olmayacaqdır. Sizi bir daha təbrik edirəm.
Şahmat məktəbinin açılışı mərasimi Azərbaycan prezidenti İlham Əliyev oktyabrın 28-də İmişli şəhərində Şahmat məktəbinin açılışı mərasimində iştirak etmişdir. Məlumat verildi ki, Şahmat məktəbinin tikinti sahəsi 570 kvad- ratmetrdir. Məktəbin ətrafında əsaslı abadlıq işləri aparılmışdır. Dövlətimizin başçısı Şahmat məktəbinin rəmzi açılışını bildirən lenti kəsdi. Məktəbdə geniş salonla yanaşı, daha 7 otaqda yeniyetmə və gənclərə şahmatın sirləri öyrədilir. Burada ulu öndər Heydər Əliyevin və prezident İlham Əliyevin ölkəmizin regionlarına səfərlərinin, eləcə də respublikamızda idmanın hərtərəfli inkişafı üçün həyata keçirilən kompleks tədbirlərin əks olun- duğu fotoguşələr yaradılmışdır. Məktəbin orijinal dizaynı burada şahmatın sirlərini öyrənənləri daha da ruhlandırır. Təhsil ocağında yeniyetmə və gənclərin şahmat kompozisi- yalarını daha dərindən öyrənmələri üçün müxtəlif əyani və- saitlərdən və informasiya-kommunikasiya texnologiyalarının imkanlarından geniş istifadə olunur. Bu cür sosialtəyinatlı təh- sil ocaqlarında məşğul olanlar həm asudə vaxtlarını maraqlı keçirir, həm də vacib bilik və bacarıqlara yiyələnirlər. Res- 335
publikamızın bütün bölgələrində fəaliyyətə başlayan və müasir tələblərə cavab verən belə şahmat məktəblərində zəngin təcrübə toplayan məktəblilər beynəlxalq səviyyəli yarışlara qatılaraq ölkəmizi yüksək səviyyədə təmsil edirlər. Dövlətimizin başçısı Şahmat məktəbində yaradılmış şəraitdən razılığını bildirdi, kollektivə uğurlar arzuladı.
Azərbaycan prezidenti İlham Əliyev oktyabrın 28-də İmişli rayonuna səfəri çərçivəsində «Araz» damazlıq quşçuluq fabrikinin açılışında iştirak etmişdir. İqtisadi İnkişaf naziri Şahin Mustafayev məlumat verdi ki, «Araz» damazlıq quşçuluq fabriki regionların sosial-iqtisadi inkişafı dövlət proqramlarına uyğun olaraq İmişli rayonunun Qaragüvənli kəndində ən müasir standartlar səviyyəsində qurulmuşdur. Bildirildi ki, Azərbaycan prezidentinin təsdiq etdiyi region- ların sosial-iqtisadi inkişafı dövlət proqramları çərçivəsində ölkənin müxtəlif regionlarında ayrı-ayrı istehsal sahələri isti- fadəyə verilir, rayon və kəndlərdə əhalinin həyat şəraitinin yax- şılaşdırılması istiqamətində ardıcıl tədbirlər həyata keçirilir. «Araz» damazlıq quşçuluq fabriki də belə müəssisələrdən biridir. Fabrikin ümumi dəyəri 7,3 milyon manatdır. Bu layihənin də inşasında dövlətin güzəştli kreditlərindən istifadə olunmuşdur. İqtisadi İnkişaf Nazirliyinin Sahibkarlığa Kömək Milli Fondu tərəfindən kompleksin inşasına 5 milyon manat güzəştli kredit verilmişdir. Damazlıq yumurta istehsal edəcək fabrikin ümumi sahəsi 24 hektardır. Müəssisədə tikinti işlərinin aparılmasına və avadanlıqla təchiz edilməsinə 2010-cu ilin sonunda başlanılmış, bu ilin oktyabrında isə işlər tam başa çatdırılmışdır. Müəssisə ilə tanışlıq zamanı məlumat verildi ki, fabrikdə hər birinin sahəsi 1728 kvadratmetr olmaqla, 7 quş ferması inşa edilib. Quş fermaları Türkiyənin bu sahədə dünyada məşhur 336
olan «Altuntaş» şirkətinin avadanlığı ilə təchiz edilib. Buradakı damazlıq cücələr isə Hollandiyadan gətirilmişdir. Hazır məhsullara baxan Azərbaycan prezidentinə məlumat verildi ki, fabrikdə illik 10 milyon damazlıq yumurta istehsalı nəzərdə tutulur. Müəssisədə istehsal gücü saatda 10 ton olan yem istehsalı sexi və tutumu 3,5 min ton olan yem anbarı fəaliyyət göstərir. Fabrikdə laboratoriya, inzibati və digər kö- məkçi binalar inşa edilib. Layihənin icrası nəticəsində 80 nəfər yeni iş yeri ilə təmin olunub. Dövlətimizin başçısının diqqətinə çatdırıldı ki, eyni za- manda, İmişli rayonu ərazisində illik istehsal gücü 4 min ton olan broyler fabrikinin və illik 110 milyon əmtəə yumurtası istehsal etmək imkanına malik quşçuluq fabrikinin maliyyələş- dirilməsinə İqtisadi İnkişaf Nazirliyinin Sahibkarlığa Kömək Milli Fondu tərəfindən 10 milyon manat güzəştli kredit ayrıl- mışdır. Bu müəssisələr də ən müasir avadanlıqla təchiz edilə- cəkdir. Layihələrin icrası nəticəsində 110 yeni iş yeri açıla- caqdır. Qeyd edildi ki, artıq dövlətin güzəştli krediti hesabına damazlıq təsərrüfatlar yaradılır. Həmin təsərrüfatlar hesabına ölkənin damazlıq yumurtaya olan tələbatının xeyli hissəsi yerli istehsalla ödənilir. Növbəti illərdə bu tələbat tamamilə yerli məhsullar hesabına ödəniləcəkdir. Bu həm də quş əti isteh- salında maya dəyərini aşağı salacaqdır.
Azərbaycan Respublikasının Prezidenti İlham Əliyev oktyabrın 28-də İmişlidə «Kraun KO» taxıl anbarı kompleksinin açılışında iştirak etmişdir. İqtisadi İnkişaf naziri Şahin Mustafayev məlumat verdi ki, «Kraun KO» taxıl anbarı kompleksi regionların sosial-iqtisadi inkişafı dövlət proqramlarına uyğun olaraq İmişli rayonunun Şahverdili kəndi ərazisində inşa olunmuşdur. Anbar ən müasir avadanlıqla təchiz edilib. Kompleksin ümumi dəyəri 7,3 milyon Yüklə 3,06 Mb. Dostları ilə paylaş:
|